Ургацын жил: 2019
Усан үзмийн төрөл: Merlot, Sauvignon Blanc, Cabernet Franc, Malbec
Бүс нутаг: Loire хөндий, Франц
Харагдах байдал: Тунгалаг шүрэн ягаан өнгөтэй
Үнэр: Байгалийн улаан жимс болон цитрус төрлийн жимс хосолсон тааламжтай үнэртэй.
Амт: Бөөрөлзгөнө, интоор зэрэг улаан жимсний торгомсог зөөлөн хүчиллэг шинэхэн амт нь аманд удаан уусч тааламжай мэдрэгдэнэ.
Уух хэм: 12- 14 °С
Хоолны зохицол: Аперитив, болон дессерт хөнгөн зууштай зохицно
Cinzano оргилуун дарсны түүхийг Франческо Цинзано “Francesco Cinzano II” 1840 онд эхлүүлж байсан түүхтэй. Итали Prosecco нь амтны хуурай төрөлд багтдаг бөгөөд өөрийн өвөрмөц онцлог амтаараа дэлхий дахинаа маш ихээр алдаршсан. Cinzano Prosecco нь Италийн Colline Trevi_giane гэх D.O.C дээд зэрэглэл, стандартчилыг хангасан бүс нутагт ургадаг 100% Glera усан үзмийн сортоор хийдэг байна. Алим, лийрийн амтыг санагдуулам жимслэг зөөлөн энэхүү Prosecco нь Ap_erol Spritz коктейлийн үндсэн орц билээ
Компани: АПУ ХК
Үндсэн чиг үүрэг:
Ажлын байрны тавигдах шаардлага:
Ургацын жил: 2019/ Alc.Vol: 12%
Усан үзмийн төрөл: 100% Pinot Grigio
Бүс нутаг: Veneto, Friuli Venezia Giulia, Italy
Харагдах байдал: Цайвар шаргал өнгөтэй
Үнэр: Зөгийн бал, тоор, цэцэгсийн анхилуун үнэр, сэнгэнэсэн минт эрдсийн таатай үнэр мэдрэгдэнэ.
Амт: Pinot Grigio вино нь торгомсог зөөлөн, үнэр амтны төгс зохицол бүхий гайхалтай шинж чанартай. Алмонд самар, шар тоорны шинэхэн амттай. Эрдсийн гайхалтай амт нь аманд удаан уусч амтагддаг.
Уух хэм: 12- 14 °С
Хоолны зохицол: Далайн гаралтай хоол сам хорхой, хавчны мах.
Хүн төвтэй менежментийн засаглалын суурь болсон сургалт хөгжлийн бодлогыг шинэ түвшинд гаргаж компанийн залгамж халаа болсон ажилтнууд болоод хөгжилд манлайлж буй гүйцэтгэх удирдлагуудыг хамруулсан “Менторшип” хөтөлбөрийг АПУ ХК хоёр дахь жилдээ амжилттай зохион байгуулж байна.
Олон улсын зөвлөх үйлчилгээний PWC байгууллагатай хамтран ажиллаж сургалт хөгжлийн төслүүддээ эрчимтэй хөрөнгө оруулсаар байна.
АПУ ХК (MSE:APU) – ийн Төлөөлөн Удирдах Зөвлөлийн 2022 оны 02 сарын 17-ны өдрийн шийдвэрээр 2021 оны хоёрдугаар хагаст ногдох ногдол ашгийг нэгж хувьцаанд ₮60 (жаран төгрөг)-өөр тооцож хуваарилахаар шийдвэрлэлээ. Ногдол ашиг авах эрхтэй хувьцаа эзэмшигчдийн жагсаалт гарах бүртгэлийн өдрийг 2022 оны хувьцаа эзэмшигчдийн ээлжит хурлын бүртгэлийн өдрөөр тогтоож, ногдол ашгийг 2022 оны 12 дугаар сарын 31-ний өдрийн дотор Үнэт Цаасны Төвлөрсөн Хадгаламжийн Төвөөр дамжуулан тараахаар тогтлоо.
Өнгөрсөн онд дэлхий нийтийг хамарсан Ковид-19 цар тахлын улмаас улс орны хэмжээнд үүссэн нөхцөл байдалтай уялдуулж компанийн хэмжээнд орлогын төрөлжилтөд анхаарч экспортын орлогоо нэмэгдүүлж, хүн амын дархлаажуулалтын амин хүнс болох сүү, сүүн бүтээгдэхүүний үйлдвэрлэлээ эрчимжүүлж, хямралын үеийн эрсдэлийн удирдлагын нэгдсэн төлөвлөгөөг шат дараатай хэрэгжүүлж, томоохон хөрөнгө оруулалтуудыг зогсоон, тэвчиж болох үйл ажиллагааны зардлуудыг царцааж хойшлуулсан ба ажлын байраа хадгалах, үйлдвэрлэлийн тасралтгүй ажиллагааг хангахын зэрэгцээ “Тогтвортой хөгжил”-ийн үзэл баримтлалаар нийгэмд чиглэсэн төсөл, хөтөлбөрүүдээ эрчимжүүлэх чиглэлд анхаарч ажиллалаа.
Ийнхүү, 2021 он гарснаас хойш нэгж хувьцаа тус бүрд оны эхний хагаст ₮46, хоёрдугаар хагаст ₮60 буюу нийт 106 төгрөгийн ногдол ашиг хуваарилж байна. ТУЗ-ийн уг шийдвэртэй холбоотойгоор АПУ ХК-ийн Гүйцэтгэх захирал Ц.Эрдэнэбилэг хэлэхдээ “Цар тахлын нөхцөл байдалтай холбоотойгоор хил гаалийн хүндрэл тулгарсан энэ цаг үед ОХУ, БНХАУ тэргүүтэй бусад улс орнууд руу чиглэсэн экспортын хүчин чармайлтаа нэмэгдүүлж, зарим тохиолдолд туршилтын зах зээлээ тасалдуулахгүйн тулд агаарын тээвэрлэлт хийж ажилласан нь урт хугацаанд улс орны валютын орох урсгалыг жинтэй нэмэгдүүлж, эдийн засгийн эерэг нөлөөллийг бэхжүүлнэ гэж итгэж байна.” гэв.
2022.02.18
Өнгөрсөн нэг жилийн хугацаанд ОХУ-д экспортолсон бүтээгдэхүүний хэмжээ нь 220 хувиар өссөнийг АПУ компани мэдээллээ.
ОХУ-ын 40 гаруй хотын худалдаа, үйлчилгээний цэгүүдээр бүтээгдэхүүнээ худалдаалж байгаагаа тайлагнаж байсан тус компани ОХУ-ын шингэн хүнсний олон улсын хамгийн том үзэсгэлэн болох 29 дэх удаагийн “Продэкспо”-д оролцож байна. Цар тахлын үеийн тээвэр логистикийн хүндрэл бэрхшээлтэй гадаад зах зээлд бүтээгдэхүүнээ танилцуулж экспортын чиглэлд хүчин чармайлтаа нэмэгдүүлснээр эдийн засагт эергээр нөлөөлнө гэж үзэж байгаа аж.
Хэрэглэгчийн судалгаанд суурилан экспортын бүтээгдэхүүний сав баглаа, боодлын өөрчлөлт, шугамын өргөтгөлд онцгой анхаарал хандуулан ажиллахаар зорьж байгаа юм байна.
АПУ ХК-ийн Гүйцэтгэх захирал Ц.Эрдэнэбилэг
Эх сурвалж: Bloomberg TV Mongolia
Sugar daddy benefits for http://dev.madox.in/sugars-dating-suggestions-that-can-do-the-job/ women typically include freebies. Sugar daddies have large amounts of money to spend and prefer to pay it in the people that they really treasure. They will often surprise their sweets babies luxury items like a gesture https://www.bestsugardaddy.net of appreciation. If you treat your sugardaddy right, you can expect to get at least four gifts each month.
An additional for ladies is the safety and security factor. When ever dating old men, women often look for safety and security. They may offer to pay bills, travel and leisure, and even spend on the ladies shopping. A sugardaddy with substantial maturity is likely to prioritize your tranquility of mind. Additionally , a sugar baby can expect to receive items and money allowances.
One advantage of being a sugars baby is the fact you won’t own to fulfill your mans family or friends and don’t have to worry regarding your money. Your Sugar Daddy will also be able to focus on his profession. He can also be in a position to focus more on recovering in the career.
If you’re searching for a sugar baby, you could be tempted to try Tinder. This dating iphone app has practically a million users, so that it is the perfect system for equally sugar infants and glucose daddies to meet up with. It is safe for glucose daddies and sugar infants and is a great alternative males who terribly lack the time to get the conventional approach. Tinder, for example, has become increasingly popular with glucose daddies in prior times year.
Монгол улсын спиртийн төрлийн бүтээгдэхүүний хамгийн өндөр технологи, Монгол хөрсөнд ургасан шилэгдмэл улаан буудайн түүхий эдээр бүтээсэн тансаг зэрэглэлийн бүтээгдэхүүн болох “Chinggis Khan” брэндийг ОХУ-ын №1 “Гум” их дэлгүүрээр худалдаалж эхэллээ.
Ингэснээр дэлхийн хэрэглэгчид Монгол брэндийн үнэ цэнийг хүртэх боломж улам ойртож байна. АПУ ХК нь цар тахлын үед экспортын зах зээлд тэлэх бодлогоо эрчимжүүлж байна. Бүтээгдэхүүнээ гадаад зах зээлд идэвхтэй борлуулж гадаад валютын орох урсгалыг нэмэгдүүлснээр Монгол улсын эдийн засагт эерэг нөлөө бий болгох юм. “Chinggis Khan” брэндийг анх 2008 онд ОХУ-руу экспортод гаргаж эхэлсэн ба өдгөө БНХАУ, Их Британи, АНУ зэрэг улсуудад экспортод гарч буй Монголын томоохон брэндүүдийн нэг юм.
ОХУ-ын ГУМ их дэлгүүр нь 1890-1893 оны хооронд баригдсан бөгөөд гайхалтай архетикторийн дотоод заслыг өөртөө шингээн 1920-иод оныг хүртэл дээдсийн худалдааны төв гэж нэрлэгдсээр ирсэн. Тус дэлгүүрт Dior, Louis Vuitton, Hermes, Prada гэх мэт дэлхийн алдартай тансаг зэрэглэлийн 200 гаруй брэнд үйл ажиллагаагаа явуулдаг нэр хүндтэй их дэлгүүр юм. Тус дэлгүүрт 2000 гаруй хүн ажилладаг бөгөөд өдөрт 60,000 хүний урсгал дамжин өнгөрч худалдан авалт хийдэг гэсэн статистик баримт байдаг.
Дэлхийд түгсэн монголын анхдагч брэнд “Chinggis Khan” нь төгс утгаараа дээд зэрэглэлийн сархад бөгөөд Чингис Хааны өлгий нутаг Хан Хэнтийн нуруу, Төрийн тахилгат Бурхан Халдун уулын хормой Онон-Хэрлэнгийн үржил шимт сав нутагт тариалдаг өлчир улаан буудайгаар дээдийн дээд нэрмэл охь таслаж, Монголын сүүлчийн хаан VIII Богд Жавзандамбын соёрхон ундаалдаг байсан дэлхийн анхны дархан цаазат Богд Хан уулын хормой, Хатан туулын ай савд орших гүний цэвэр тунгалаг устай зохируулан бүтээсэн төгс төгөлдөр (crafted vodka) билээ.
“Chinggis Khan” брэндийн нүүрэн хэсэгт байрлах 24 каратын алтаар эмжсэн тунгалаг бортогон дээр салхи татуулан давхиж яваа нь урнаар дүрслэгдсэн морьтон бол Чингис Хаан билээ. Эрэмгийн дайчин энэхүү дүрслэл нь дээдийн дээд сархаддаа эн тэнцэхүйц уран тансаг өвөрмөц хийцтэй бөгөөд дээд зэрэглэлийн Альфа спиртийг гүний цэнгэг усаар найруулж, очир эрдэнэ, сувдан, мөнгөн, нүүрсэн ,кварц, мембраман 6 н давхар шүүлтүүрээр шүүн 21 хоногийн турш амрааж зөөлөн амтыг бүтээдэг. Мөн лаванда цэцэг, зэрлэг гоньдын үл мэдэг анхилуун үнэртэй, чихэр өвсний амтлаг амтыг шингээн өгсөн нь төгс амт үнэрийг зохицлоосон төгс бүтээл юм.
Ийнхүү дэлхийн хэрэглэгчид Монгол брэндийн үнэ цэнийг хүртэх боломж улам ойртож Монголын брэндүүд гадаад зах зээлд хүчтэй өрсөлдөгч болж буйг тунхагласан үйл явдал боллоо.
АПУ ХК нь бизнесийн томоохон төлөөлөгч, гол оролцогчдын хамт Монгол улсын эдийн засгийг богино хугацаанд сэргээх, цар тахлын дараах “шинэ хэвийн байдал”-д дасан зохицох, нийгэм болон эдийн засагт тулгамдаж буй асуудлуудыг шийдвэрлэхийн төлөө эвлэлдэн нэгдэж, өөрсдийн хувь нэмрээ оруулан, манлайлал үзүүлэхээ илэрхийлж байна.
Дэлгэрэнгүйг: https://www.mongolchamber.mn/a/786
1989 оноос хойш НҮБ-ын санаачлагаар дэлхийн ихэнх улс орнууд “Дэлхийн чанарын өдөр”-ийг 11 сарын 2 дахь долоо хоногт тэмдэглэн өнгөрүүлж байгаа бөгөөд энэ жил Манай улс “Чанар-тогтвортой хөгжил” уриан дор Үндэсний чанарын чуулганыг Шадар сайдын ивээл дор зохион байгууллаа.Уг үндэсний чуулганаас АПУ Дэйри ХХК-ийн Сайн актив брэнд чанарыг өндөр түвшинд эрхэмлэдэг “Шилдэг бүтээгдэхүүн” шагнал гардан авлаа. Сайн актив брэндийг Монголын зах зээлд анх удаа дэлхийн алдарт Хансен компанийн патенттай LGG пробиотик хөрөнгөөр МОНГОЛД АНХ УДАА үйлдвэрлэсэн.
Энэхүү йогурт нь 1 граммдаа 100 сая ашигтай бактеритай бөгөөд энэхүү йогуртыг хэрэглэснээр :
• Дархлааг эсийн түвшинд сэргээж, харшлаас хамгаална.
• Ходоод гэдэсний хэвийн орчныг хангана.
• Бие организмыг идэвхтэй, эрч хүчтэй болгоно.
• Антибиотикт дарангуйлагдсан ашигтай бактерийг сэргээнэ.
АПУ компани нь 2014 онд Сүүний үйлдвэр анх байгуулсан бөгөөд 2017 оноос эхлэн АПУ ДЭЙРИ нэртэйгээр үйл ажиллагаагаа явуулан 4 брэндийн 46 нэр төрлийн сүү, сүүн бүтээгдэхүүнийг үйлдвэрлэж байна. Бид 1200 гаруй малчид фермерүүдээс өдөрт 70-80 тонн сүү, жилд 11-15 сая литр сүү цуглуулж 4000 гаруй харилцагчаар дамжуулж Монголынхоо 3 сая гаруй иргэнд хүргэж байна. АПУ Дэйри ХХК нь чанарын гэрчилгээ болох FSSC 22000, ISO 22000, ISO 22002-1 стандартын дагуу бүтээгдэхүүнээ үйлдвэрлэж байна.
1989 оноос хойш НҮБ-ын санаачлагаар дэлхийн ихэнх улс орнууд “Дэлхийн чанарын өдөр”-ийг 11 сарын 2 дахь долоо хоногт тэмдэглэн өнгөрүүлж байгаа бөгөөд энэ жил Манай улс “Чанар-тогтвортой хөгжил” уриан дор Үндэсний чанарын чуулганыг Шадар сайдын ивээл дор зохион байгууллаа.Уг үндэсний чуулганаас АПУ Дэйри ХХК-ийн Сайн актив брэнд чанарыг өндөр түвшинд эрхэмлэдэг “Шилдэг бүтээгдэхүүн” шагнал гардан авлаа. Сайн актив брэндийг Монголын зах зээлд анх удаа дэлхийн алдарт Хансен компанийн патенттай LGG пробиотик хөрөнгөөр МОНГОЛД АНХ УДАА үйлдвэрлэсэн.
Энэхүү йогурт нь 1 граммдаа 100 сая ашигтай бактеритай бөгөөд энэхүү йогуртыг хэрэглэснээр :
• Дархлааг эсийн түвшинд сэргээж, харшлаас хамгаална.
• Ходоод гэдэсний хэвийн орчныг хангана.
• Бие организмыг идэвхтэй, эрч хүчтэй болгоно.
• Антибиотикт дарангуйлагдсан ашигтай бактерийг сэргээнэ.
АПУ компани нь 2014 онд Сүүний үйлдвэр анх байгуулсан бөгөөд 2017 оноос эхлэн АПУ ДЭЙРИ нэртэйгээр үйл ажиллагаагаа явуулан 4 брэндийн 46 нэр төрлийн сүү, сүүн бүтээгдэхүүнийг үйлдвэрлэж байна. Бид 1200 гаруй малчид фермерүүдээс өдөрт 70-80 тонн сүү, жилд 11-15 сая литр сүү цуглуулж 4000 гаруй харилцагчаар дамжуулж Монголынхоо 3 сая гаруй иргэнд хүргэж байна. АПУ Дэйри ХХК нь чанарын гэрчилгээ болох FSSC 22000, ISO 22000, ISO 22002-1 стандартын дагуу бүтээгдэхүүнээ үйлдвэрлэж байна.
Хятад улсын хамгийн том импортын үзэсгэлэн худалдаа болон өргөжсөн энэхүү арга хэмжээнд Монгол улсыг төлөөлөн оролцсоноор БНХАУ-ын зах зээлд гаргах уул уурхайн бус бүтээгдэхүүний нэр төрлийг өсгөх, улмаар хоёр талын худалдааны эргэлтийг нэмэгдүүлэхийн зэрэгцээ Монгол брэнд бүтээгдэхүүнийг дэлхийн хэрэглэгчдэд хүргэх чухал ач холбогдолтой юм.
Уг арга хэмжээг БНХАУ-ын дарга Ши Жиньпин нээн цахимаар үг хэлж, тус улсын дэд дарга Ван Чишан биечлэн оролцсон бөгөөд Аргентин, Казахстан, Замби улсын Ерөнхийлөгч, Итали, Тайланд, Фижи зэрэг улсын Ерөнхий сайд, Дэлхийн худалдааны байгууллагын ерөнхий захирал, НҮБ-ын худалдаа, хөгжлийн бага хурлын Ерөнхий нарийн бичгийн дарга зэрэг өндөр, дээд албан тушаалтнууд цахимаар оролцож үг хэлэв.
Мөн Монгол бүтээгдэхүүний үзэсгэлэнгийн хэсгийг нээж Монгол Улсаас БНХАУ-д суугаа ЭСЯ-ны Элчин зөвлөх Л.Мөнхтүшиг, Шанхай хотод суугаа ЕКГ-ын дэд консул Л.Эрдэнэбаатар, “Шанхай Шинэ Трэйд” ХХК-ийн захирал Б.Золцэнгэл, Грийнланд төвийн үйл ажиллагаа эрхэлсэн захирал Юй Гуовэй зэрэг зочид тус тус оролцсон байна.
Шанхай хотод 4 дэх жилдээ уламжлал болон зохион байгуулагдаж буй уг олон улсын импортын үзэсгэлэнд нийт 127 улсын 2900 гаруй аж ахуйн нэгжүүд оролцож, бүтээгдэхүүнээ танилцуулж байна.
БНХАУ-ын зах зээлд АПУ ХК нь Сэнгүр, Сэрүүн, Чингис хаан, Соёмбо, Болор, Чингис Гранд Хаан тэргүүтэй брэнд бүтээгдэхүүнийг 2015 оноос хойш нийлүүлж байна.
Дэлхийд хамтдаа
АПУ Хувьцаат компани
Дэлхийн 5 улс оронд туршилтын болон тогтмол экспортоо хийж буй АПУ ХК нь валютын орох урсгалыг нэмэгдүүлэх замаар Монгол улсын эдийн засагт хувь нэмэр оруулахын зэрэгцээ хариуцлагатай хэрэглээ, соёлтой амьдралын хэвшилд уриалан нийгмийн эерэг өөрчлөлтийн төлөө тасралтгүй хүчин чармайлт гарган ажиллаж байна. Үзэсгэлэн 4 өдөр үргэлжлэх ба эрхэм хэрэглэгч та бүхэн АПУ ХК-ийн хэрэгжүүлж буй төсөл хөтөлбөрүүд болон бидний үйлдвэрлэн танд хүргэдэг олон улсын чанар, стандартад нийцсэн бүтээгдэхүүнүүдийн Монгол эх орны хөрсөнд ургасан, органик орц найрлагатай танилцаж дэлгэрэнгүй мэдээлэл аваарай. Мөн бүтээгдэхүүний амталгаа хийхийн зэрэгцээ эерэг өөрчлөлтийн төлөөх “Соёлоор гоёно” аянд үнэт зүйлсээрээ нэгдээрэй.
Монгол Улсад худалдааны салбар үүсэж хөгжсөний 100 жилийн ойн хүрээнд төр, хувийн хэвшил хамтран зохион байгуулж буй “Улаанбаатар Түншлэл-2021“ олон улсын үзэсгэлэн худалдаанд АПУ Хувьцаат компани оролцож байна.
АПУ ХК нь цар тахлын үед нийт 2000 гаруй ажилтнуудынхаа эрүүл мэнд, аюулгүй байдалд хувь нэмрээ оруулж “Дархлаа дэмжих багц”-аар ханган ажиллаж байна. Ковид 19 цар тахлын үед хүн төвтэй менежментийн бодлого хэрэгжүүлж, ажилтнуудаа Ковид 19 эрсдэлийн даатгалд хамруулах, зайнаас ажиллах боломжоор хангах, түргэвчилсэн оношилгоог үнэ төлбөргүй зохион байгуулах, вакцинд хамруулах, сэтгэл зүйн зөвлөгөө, халдвар хамгааллын дэглэм баримтлах мэдээ, мэдээллээр хангах гэх мэтээр эрчимтэй үйл ажиллагаа явуулж байна.
Бид ажилтнуудынхаа хамтын итгэл үнэмшлээр тодорхойлсон дараах 5 үнэт зүйлсийн хүрээнд бодлого, төсөл, хөтөлбөрүүдээ тодорхойлон ажиллаж байгаа билээ.
– Будсыг дээдлэн эрхэмлэ
– Амжилт өөд хамтдаа
– Үлгэрлэн манлайл
– Уламжлалаа хүндэл, шинийг бүтээ
– Суралц. Нээ. Хөгж
Хариуцлагаа нэмж, хамтдаа давъя. АПУ Хувьцаат компани
Хүнс, хөдөө аж ахуй, хөнгөн үйлдвэрийн яам, Нийслэлийн Засаг даргын Тамгын газар, НҮБ-ын Хүнс, хөдөө аж ахуйн байгууллага, Монголын Хүнсчдийн Холбоо хамтран “Намрын ногоон өдрүүд-2021” үзэсгэлэн худалдааг 16 дахь жилдээ зохион байгуулагдлаа.Тус үзэсгэлэн худалдаанаас АПУ ХК-ийн АПУ Дэйри ХХК-ийн ДЭЭЖ бор элсэн чихэртэй тараг хэрэглэгчдийн саналаар “АРД ТҮМНИЙ ХҮНС” хэмээх эрхэм хүндтэй шагнал гардан авлаа.
“Намрын ногоон өдрүүд-2021” үзэсгэлэн худалдаанд АПУ ДЭЙРИ ХХК жил бүр оролцдог бөгөөд энэ удаад 46 нэр төрлийн бүтээгдэхүүнээр оролцсон юм.
Дээж брэнд нь 2015 онд Дээж сүү, Дээж таргийг худалдаанд гаргаж эхэлсэн бөгөөд одоогийн байдлаар Дээж сүү, Дээж тараг, Дээж бор сахартай тараг, Дээж ааруул, Дээж цөцгийн тос, Дээж шар тос, Дээж өрөм, Дээж чихэр, Дээж аарцан амттан зэрэг 10 гаруй нэр төрөл болон өргөжиж зах зээлийн 35 хувийг эзэлж байна. Дээж брэндийг үйлдвэрлэхдээ дотоодын малчид фермерүүдээс Монгол үнээний шинэхэн сүүг татан авч Европ стандартын орчин үеийн дэвшилтэт технологийг ашиглан бүрэн автомат тоног төхөөрөмжөөр ариутган боловсруулдаг.
Мөн “Дээж” бор сахартай таргийг уламжлалт аргаар буюу цэвэр сүүн хүчлийн бичил биетээр хөрөнгөлөн бүрж, бор сахраар баяжуулан , олон улсын хүнсний аюулгүй байдлын тогтолцоо ISO 22000 стандартын дагуу үйлдвэрлэдэг.
Дээж бор элсэн чихэртэй таргийг хэрэглэсний давуу талууд:
Мөн энэ үеэр “ДЭЭЖ ЦӨЦГИЙН ТОС” Намрын ногоон өдрүүдийн шилдгээр тодорлоо.
Дээж цөцгийн тосны онцлог:
АПУ ДЭЙРИ компани нь 1200 гаруй малчид фермерүүдээс өдөрт 70-80 тонн сүү, жилд 11-15 сая литр сүү цуглуулж 4000 гаруй харилцагчаар дамжуулж Монголынхоо 3 сая гаруй иргэнд хүргэж байна. Монгол улсын сүү, сүүн бүтээгдэхүүний зах зээлийн 35 хувийг дангаар хангаж байна. Тиймдээ ч олон улсын чанарын гэрчилгээ болох FSSC 22000 ISO 22000 , ISO 22002-1 стандартын дагуу бүтээгдэхүүнээ үйлдвэрлэж байна.
Дэлхийд өрсөлдөх үндэсний компани АПУ ХК нь 94 улс оронд салбартай Great Place to work Institute-ээс олгодог “Ажиллахад хамгийн таатай газар” гэрчилгээг амжилттай хүлээн авлаа.
Энэхүү баталгаажуулалт нь байгууллагын соёлын хүчин зүйлсийг 5 тулгуур үзүүлэлтийн хүрээнд задлан шинжилж тодорхойлдог ба эдгээр нь ажилтнууд хоорондын нөхөрлөл, итгэлцэл, хүндлэл, бахархал, шудрага байдлыг дүгнэн судалдаг.
АПУ ХК-ийн нийт 2000 гаруй ажилтнуудын дунд явуулсан судалгаагаар судалгаанд хамрагдагсдын 84% нь “Итгэлцэл дээр суурилсан, өндөр гүйцэтгэлтэй байгууллагын соёл”-ыг бий болгож чадсан болохыг дүгнэснээр Монгол улсад хамгийн анх удаа энэхүү сертификатын болзол хангасан аж ахуйн нэгж болж чадлаа.
Судалгааны үр дүнг харахад онцлох үзүүлэлт нь ажилтнуудын компаниараа бахархах сэтгэл, хийж буй ажил үүргээрээ дамжуулан өөртөө утга учир бий болгож ажлаараа дамжуулан улс орондоо хувь нэмрээ өгч буй хэмээн итгэх итгэл, бахархах сэтгэл байсан юм.
АПУ ХК нь ажлын байрны ээлтэй бодлого баримтлахаас гадна нийгэмдээ эергээр хувь нэмрээ оруулах НҮБ-аас баталсан “Тогтвортой хөгжлийн 17 зорилт”-д чиглэсэн уур амьсгалын өөрчлөлтийн эсрэг “Мод бид хоёр”, байгаль орчинд чиглэсэн “Байгаль эн тэргүүнд”, хариуцлагатай хэрэглээг бий болгох “Соёлоор Гоёно”, хог хаягдлын эсрэг “Шилээ дахин амьдруулъя”, боловсролын салбарт чиглэсэн “Маргаашийн манлайлагч” тэтгэлэгт хөтөлбөр гэх мэт томоохон төслүүдийг ажиллагсад төдийгүй харилцагч, түнш байгууллагууд, төр, хувийн хэвшил, иргэний нийгмийн байгууллагуудтай хамтран идэвхтэй хэрэгжүүлж байна.
Цар тахлын сорилт бэрхшээл дүүрэн сүүлийн жилүүдэд удирдлагын менежментийн арга барил “хүн төвтэй” бодлогод суурилж ажиллагсаддаа ээлтэй, ажлын таатай орчин бүрдүүлсэн, тасралтгүй сурч хөгжих боломжоор хангаж байна.
Тухайлбал ажилтнуудад чиглэсэн “Менторшип” хөтөлбөр, шинэ төгсөгчдөд чигэлсэн “Fast track” програм, Дэлхийн түвшний менежер бэлтгэх хөтөлбөр, Сургагч багш бэлтгэх цөм хөтөлбөр гэх мэт сургалт хөгжлийн олон төрлийн хөтөлбөрүүдийг санаачлан хэрэгжүүлж байгаа юм.
АПУ ХК нь ажлын байрны ээлтэй орчин бүрдүүлэх зорилгоор ажиллагсадтайгаа хамтын гэрээтэй ажиллаж жил бүр 20 ажилтанд орон сууцны урьдчилгаа олгодог төдийгүй олон талт хөнгөлөлт, хангамжийн бодлогод анхаарч ажиллаж байна. Үүнээс гадна олон улсын түвшинд үйл ажиллагаа явуулж, чанар стандартын өндөр түвшинд брэнд бүтээгдэхүүнүүдээ үйлдвэрлэж хөнгөлөлттэй бараа, бүтээгдэхүүн авах, урамшуулалд хамрагдах боломжуудыг ажилтнууддаа олгож байна. Монгол улсад цөөнд тооцогдох бүрэн автомажсан үйлдвэрлэлтэй бөгөөд үйлчилгээний салбарт ажиллаж буй борлуулалт, түгээлтийн ажилтнуудынхаа ажлыг хөнгөвчлөх зорилгоор нэгдсэн цахим системээр хангадаг ба ингэснээр үйлдвэрлэл болон үйлчилгээний олон улсын стандарт шаардлагын дагуу сурч хөгжих боломжууд нээлттэй байдаг.
Ажилтнууд өөрсдийн чөлөөт цагаараа сонирхол, хоббигоороо нэгдэн олон төрлийн сонирхлын клубуудад хамрагдах боломжтой байдаг ба “Төгөлдөр” төслийн хүрээнд нийт 10 төрлийн клубууд идэвхитэй үйл ажиллагаа явуулдаг.
Ялангуяа цар тахлын үед ажлын цагийн уян хатан нөхцөлөөр хангаж зайнаас болон уян хатан ажлын цагаар ажиллах нөхцлөөр хангаж байгаагаас гадна гэр бүлийн өдөр, шинэ аавын амралт, өөрийн болон гэр бүлийн хүний эрүүл мэндийн шалтгаанаар цалинтай чөлөө олгох гэх мэт ажилтнууддаа ээлтэй зохицуулалтуудыг хийж байна.
Компани дээр хэрэгжиж буй төсөл хөтөлбөрүүдэд чиг үүрэг хамаарахгүйгээр хамтарсан баг бүрдүүлэн багийн гишүүдийг нээлттэй сонгон шалгаруулж олон төсөл хөтөлбөрүүдийг өөрсдийн санаачлагаар хэрэгжүүлсэн ба энэ нь хамт олны уур амьсгал сайжрах, харилцан бие биенээ ойлгох, нөхөрлөх боломжийг бүрдүүлдэг.
Үүнээс гадна цар тахлын нөхцөл байдалтай холбоотойгоор ажилтнуудаа болзошгүй эрсдлээс сэргийлж даатгалын үйлчилгээнд хамруулсан ба халдвараар өвчилсөн ажилтнуудад зориулан эм тариа авах мөнгөн дэмжлэг болон ковидын багц бүтээгдэхүүнийг хүргэн өгч үйлчлэх зэргээр эрүүл мэнд, аюулгүй байдлыг хангасан хөтөлбөрүүдийг идэвхтэй хэрэгжүүлж байгаа юм.
Олон улсын Great Place to work Institute нь “Итгэлцлийн индекс®” тооцох аргачлалаар судалгаа явуулж энэхүү баталгаажуулалтыг олгодог ба ажилтнууд өөрийнхөө ажлын талаар болон байгууллагынхаа талаар ямар сэтгэгдэлтэй, ямар үзэл бодолтой ажилладгийг хэмждэг. Түүнчлэн, ажилтны сэтгэлтэй байдал/энгэйжмэнт, ажлын орчин, байгууллагын стратегийн уялдаа холбоо гэх мэт олон хүчин зүйлсийг хэмжиж, тайлагнах боломжтойгоор онцлог.
АПУ ХК нь 2021 онд “Хүний хөгжлийн тогтвортой бодлого”-д онцгойлон анхаарч, нийгэмд эерэг өөрчлөлтийг авчрах манлайлагчдыг нээн илрүүлэх, тэднийг сурч боловсроход нь дэмжлэг үзүүлэх зорилгоор зохион байгуулсан 100 оюутны тэтгэлэгт хөтөлбөрийн эзэд тодорлоо. АПУ ХК-ийн хэрэгжүүлж буй бодлого, үйл ажиллагаанууд нь “Тогтвортой Хөгжил”-ийн үндсэн суурь зарчим болох ЭДИЙН ЗАСАГ, НИЙГЭМ, БАЙГАЛЬ ОРЧНЫ тэнцвэртэй хөгжлийг ханган, хамтын үнэ цэн бүтээхэд чиглэдэг билээ. Компанийн үнэт зүйлс, үзэл баримтлалтай уялдуулан 2021 оны Тогтвортой хөгжлийн бодлого, зорилтын хүрээнд нийгэмдээ сайн үйлс хийх, эерэг өөрчлөлт авчрах сайн дурын арга хэмжээ, төсөл хөтөлбөрүүдийг санаачлан зохион байгуулж, гар бие оролцдог оюутнуудыг шалгаруулж, тэдний өөрчлөлтийн төлөөх хүчин чармайлтыг эрчимжүүлэхээр “Маргаашийн манлайлагчид” 100 оюутны тэтгэлэгт хөтөлбөрийг санаачлан хэрэгжүүлж байна.
Тэтгэлэгт хөтөлбөрт 1500 гаруй оюутнууд өрсөлдсөн ба дараах шалгуурыг голлон баримтлан шалгарууллаа:
Өөрөөр хэлбэл АПУ ХК-ийн нэрэмжит уг тэтгэлэгт хөтөлбөрт хамрагдах оюутан залуусыг шалгаруулахдаа мэргэжил, курс харгалзахгүй бөгөөд нийгэм, олон нийтийн ажилд идэвхитэй оролцдог, амьдран буй дэлхий ертөнц, байгаль эх дэлхийдээ ээлтэй, цар тахал тэргүүтэй нийгмийн шийдлээ хүлээж буй олон асуудлуудад гарц гаргалгаа хайх чин эрмэлзлэлтэй байх, бакалаврын үндсэн ангийн оюутан байх, гэх мэт маш энгийн шалгуурыг чухалчиллаа.
Тэтгэлэгт хөтөлбөрт шалгарсан оюутан 10 сарын турш сар тутам 100 мянган төгрөгийн тэтгэлэг авахаас гадна уг хөтөлбөрийн хамтрагч байгууллагуудын үйл ажиллагаатай танилцах, холбогдох сургалт, хөтөлбөрүүдэд хамрагдах, АПУ ХК-ийн хэрэгжүүлж буй нийгмийн эерэг өөрчлөлтийн төлөөх төсөл хөтөлбөрүүдэд гар бие оролцох, цаашлаад АПУ ХК-д ажиллах боломжтой болох зэрэг олон ач холбогдолтой юм.
Нийгмийн эерэг өөрчлөлтийг хамтдаа бүтээе!
Би багаасаа л физик, байгалийн ухааны хичээлүүдэд дуртай байсан. Эргэн тойрны бүхий л зүйл өөрийн гэсэн зүй тогтолтой, утга учиртай, тэдгээрийн гаргалгаа шийдэл бүр нь тооцоологдож болдог, томъёолж болдог. Ямар нэг гэнэтийн, санаандгүй зүйл болох магадлал бараг байдаггүй юм шиг. Энэ утгаараа эзэмшсэн мэргэжилдээ дуртай, одоо ч эргэн тойрны бүхий л зүйлийг сониучирхан, ажиглаж явдаг.
Миний хувьд 2012 онд МУИС-ийг төгсөөд АПУ ХК-д ТАА-ны Кип Автоматикийн техникчээр ажлын гараагаа эхэлсэн. Тэр үед манайхан бүгд л миний үеийн, залуу хүмүүс байсан учраас хамтдаа бие биенээсээ суралцаж, хүсэл тэмүүлэл, эрч хүч дүүрэн шижигнэсэн уур амьсгал бүрдсэн байсан. Хамтдаа өсөн дэвжиж, нэг зорилгын төлөө явсаар мундаг инженерүүд болсныг нь хараад өөрийн эрхгүй бахархах сэтгэл төрдөг. Хамт олон бол ажлын томоохон, чухал хэсэг. Тийм учраас зөв сэтгэлтэй, сайн хамт олон бүрдэнэ гэдэг ёстой бурхнаас өгсөн бэлэг, зол завшаан болов уу гэж боддог.
Одоогоор би савлалтын үйлдвэрийн ахлах инженерээр ажиллаж байна. Өөрийн удирдлагад 15 инженер, техникийн ажилтнуудын хамтаар ажилладаг. Өмнө нь лабораторийн нийт 130 гаруй тоног төхөөрөмжийн хэвийн үйл ажиллагааг хангаж ажиллахдаа ганцаараа төлөвлөгөөгөө гаргаад, гүйцэтгэлээ хийдэг байсан. Харин дараа нь үйлдвэрт орж ажиллахад маш өөр, шинэ орчин намайг угтсан. Ганцаараа биш олуулаа, багаараа ажиллаж хамтын төлөвлөгөө, хамтын гүйцэтгэлтэй холбогдоод ирэхээр их сонирхолтой, бүтээмж ч тэр хэрээр өндөр. Бүх зүйлийг том зургаар, илүү цогцоор нь хардаг болсон. Удаан хамт ажиллаад эхлэхээр зөвхөн ажил, ажлын хамтрагч гэдэг утгаас давж нэг нэгэндээ санаа тавих, халамжлах, “бид” гэсэн нэгэн цул сэтгэлтэй болдог юм байна. Ийм уур амьсгалыг бүрдүүлж чадсан хамт олондоо дотроо талархаж, бахархаж явдаг.
Хэдийгээр багаараа ажилладаг ч хувь хүний ур чадвар, мэргэшил, хичээл зүтгэл их чухал. Тийм ч учраас манай компани ажилтнуудаа сургаж, мэргэшүүлэх, шинэ ур чадвар дадалд суралцахыг их дэмждэг. Би лабораторийн инженер байхдаа ажлын шугамаар Германд архины шинжилгээ хийдэг багажны засвар үйлчилгээ болон тохируулга, гэнэтийн эвдрэлийн үед авах арга хэмжээ, шинжилгээг хэрхэн зөв хийх талаар сургалтад хамрагдсан. Үүний ачаар outsourcing буюу гаднын компаниар хийлгүүлдэг байсан засвар үйлчилгээг одоо бид өөрсдөө хийдэг болсон.
Хувь хүний амжилттай ажиллах гол нууц бол эрүүл мэнд гэж боддог. Эрүүл, эрч хүчтэй хүн ямар ч ажил, асуудлын ард гарч чадна. Тийм болохоор ажлынхаа хажуугаар спортоор хичээллэх, тэр дундаа усан спортод сонирхолтой. Компанийнхаа усан спортын сонирхлын клубийн админаар ажилладаг. Мөн компанийн маань ажилтнуудынхаа эрүүл мэндэд анхаарч бэлтгэн хүргэдэг “Active APU” хөтөлбөрт нэгдэж, усан сэлэлтийн анхан шатны техникүүдийг мэргэжлийн багштай хамтран хүргэсэн. Манайхан одоо ихэнх нь усан сэлэлтийн анхан шатны техникээ эзэмшчихсэн байгаа. Хүмүүсийн тэр бүр мэдэхгүй өөр нэг зүйл бол би Хүндэт донор. Одоогоор цус, сийвэн нийлээд нийт 58 удаа, 23 литр цусаа хандивласан. Монголчууд бид цөөхүүлээ. Тийм учраас цусаа хандивлаж, эрдэнэт хүний амь аврах хэрэгцээ маш их бий. Сүүлдээ цусны төвийнхөн таны цусаа өгөх хугацаа болчихсон байна, бидэнд яаралтай эс хэрэгтэй боллоо гээд залгадаг болсон. Энэ их сайхан байдаг.
“Соёлоор гоёно” төслийн хүрээнд бид 10 мянга гаруй харилцагчдынхаа төлөөлөлтэй хамт эх дэлхийгээ хайрлах соёл, амьдран буй нийгэмдээ халуун дулаан, ээлтэй соёл, хариуцлагатай хэрэглээний соёлыг уриалан, 4000 гаруй км замыг туулсан “Алтай Таван Богд” аяллыг зохион байгууллаа. Аливаа бизнесийн оролцогч талууд үнэт зүйлсээ нэгтгэн хамтдаа, нэгдмэл, нэг дуу хоолойгоор өөрчлөлт бий болгохын төлөө хүчин чармайлт гаргах нь амжилтын эхлэл билээ.
Хамтдаа эерэг өөрчлөлтийн төлөө нэгдэж буй эрхэм харилцагч та бүхэндээ баярлалаа.
Эх дэлхийгээ мөнх ногооноор нь үлдээе.
АПУ Хувьцаат компани
АПУ ХК-ийн Төлөөлөн Удирдах Зөвлөлийн 2021 оны 8-р сарын 16-ны өдрийн 21/11 тоот шийдвэрээр компанийн 2021 оны эхний хагас жилийн үр дүнд үндэслэн нэгж хувьцаанд 46 төгрөг буюу нийт 48.8 тэрбум төгрөгийн ногдол ашиг хуваарилахаар шийдвэрлэлээ. Энэхүү ногдол ашиг авах эрхтэй хувьцаа эзэмшигчдийн жагсаалтыг 2021 оны 9-р сарын 03-ны өдрөөр тогтоож, ногдол ашгийг 2022 оны 2-р сарын 10-ны өдрийн дотор төлнө.
АПУ ХК нь байгууллагын үнэт зүйлсдээ тулгуурлан 2021 оноос дараах үндсэн гурван чиглэлийн хүрээнд нийгмийн эерэг өөрчлөлт бий болгох нөлөөллийн кампанит ажлуудыг үе шаттайгаар зохион байгуулж байна:
” Байгаль орчинд ээлтэй соёл /хоггүй аялах, байгальд хог тарихгүй байх, хүрээлэн буй орчиндоо ээлтэй амьдрах/
” Урлаг, загвар, бизнесийн салбарынхан тэргүүтэй олон талт оролцоог бэхжүүлж өв соёлыг түгээн дэлгэрүүлэх, хариуцлагатай, э соёл, амьдрах хэв маягийг түгээн дэлгэрүүлэх, ухамсар, хандлагад нөлөөлөх
” Хариуцлагатай хэрэглээний соёлыг түгээн дэлгэрүүлэх
Орчин цагийн соёлт хүний нэрийн хуудас байгаль эх дэлхийгээ хайрлах соёлоос эхлэнэ.
Эх дэлхийгээ хайрлах, хоггүй, цэвэр цэмцгэр аялах соёлыг урлагаар дамжуулан уриалах “Соёлоор гоёно” цувралыг зохион байгууллаа
Шилээ дахин амьдруулъя
Байгальд ээлтэй хариуцлагатай хэрэглээг дэмжиж, хог хаягдлыг бууруулах “Шилээ дахин амьдруулъя” хөтөлбөр хэрэгжүүлж, тойрог эдийн засгийг дэмжиж 2 дахин өндөр үнээр бүтээгдэхүүнийхээ шилийг хэрэглэгчдээс буцаан худалдан авах урамшууллын хөтөлбөр зарласан. Үүнээс гадна Монгол-Германы ашигт малтмал, технологийн их сургуультай хамтран “Монголд шилэн савлагаа дахин ашиглах тогтолцооны техник, эдийн засгийн боломжийг судлах” төслийг эхлүүлээд байгаа бөгөөд уг төслийн үр дүнд АПУ ХК-ийн бүтээгдэхүүний савлагааны байгальд үлдээх ул мөрийг эдийн засгийн тооцоотойгоор бодитой багасгах боломж бүрдүүлэхийг зорьж байна. Эхний хагас жилийн байдлаар бид нийт 6 сая гаруй ширхэг шил татан авсан байна.
АПУ ХК нь үйлдвэрлэлээс гарч буй бүх төрлийн хатуу хог хаягдлын хүрээнд хог хаягдлын менежмент хэрэгжүүлдэг ба хог хаягдлын хэмжээг бууруулах, ландфиллд хаягдах хаягдлыг багасгах, дахивар хог хаягдлаа эргүүлэн ашиглах, дахин боловсруулахад чиглэн ажиллаж байна. Үүний хүрээнд үйлдвэрлэлийн хог хаягдлын хэмжээ энэ үеийн өмнөхтэй харьцуулахад 27% -иар буурсан байна. Бид хог хаягдлаа дахивар болон идэвхгүй хаягдал зэргээр дөрвөн төрөлд ангилж, цааш нь дахин боловсруулагдах хог хаягдлыг хоёрдогч болон дахин боловсруулах компаниуд руу нийлүүлдэг. Тухайлбал аюултай болон химийн хорт бодисын сав баглаа боодол болон хаягдал шилийг дахин боловсруулах үйлдвэрүүд рүү тус тус нийлүүлдэг боллоо. Үйлдвэрлэлээс гарч буй органик түүхий эд болох улаан буудай, арвайн соёолжийн үлдэгдлийг малчид фермерүүдэд, хөрөнгө, шаарыг тэжээлийн үйлдвэрт тогтмол нийлүүлж байна.
АПУ Трейдинг ХХК-ийн Ерөнхий нягтлан бодогч Г. Ариунаа
Намайг 2004 онд АПУ трейдинг ХХК-д оператор нярвын орон тоон дээр анх ажилд орж байхад компанийн маань 80 жилийн ой тохиож байлаа. Үндэсний ууган үйлдвэрийн нэгд тэмдэглэлт ойн жил нь орж байсандаа хувьдаа бэлэгшээн, баярлаж байсан. Одоо 100 жилийн ой удахгүй тохионо гэж бодохоор цаг хугацаа яг л харвасан сум шиг одож шүү. Энэ хугацаанд олон зүйл өөрчлөгдсөн байна. Гэхдээ энэ бүхэн эргээд бодоход сайн сайхан, хөгжил дэвшил рүү чиглэсэн өөрчлөлтүүд байгааг өөрийн хувьдаа ч, компанийнхаа тухайд ч мэдрэхэд сэтгэл өег, сайхан санагдаж байна.
Анх манай санхүүгийн газрын бүтэц цомхон, цөөн хэдхэн нягтлан бодогчтой байсан. Одоо зөвхөн манай хэлтэс гэхэд л өнөр өтгөн, олуулаа болсон байна. Компани маань Монголын анхны их наядын үнэлгээтэй компани болсон. Энэ бол манай компанийг үе дамжин босголцсон хамт олны хувьд түүхэн амжилт мөн. Тэр дундаа санхүү, нягтлан бодогчдын маань нөр их ажлын үр шим онцгойлох үүрэгтэй байсан болов уу, хэмээн нэг удаа бахдаж хэлэхийг хүсэж байна. АПУ Монголын хөрөнгийн биржид бүртгэлтэй компаниудаас зах зээлийн үнэлгээгээр 1-рт бичигдэхэд хамт олон, ажлынхаа үр дүнгээр их бахархаж байлаа.
Хүн болгон хийж буй ажилдаа нэг сэтгэл, нэг зорилготой байх нь амжилтын үндэс гэж би боддог. Тийм учраас хүн нэг бүрийн гүйцэтгэлийг чухалчлан үзэж, чадаж байгааг нь урамшуулж, чадахгүй байгаад нь зааж туслан хамтдаа урагшлахыг эрхэмлэн үздэг. Санхүүгийн тайлан мэдээллийн хувьд нэгжийн доороосоо эхлээд бүхий л зүйл үнэн бодитой, нямбай байснаар эцсийн тоо, тооцоолол алдаа мадаггүй гарч, эргээд бид зөв, оновчтой шийдвэр гаргах, нөхцөл байдлаа үнэн зөв, бодитойгоор үнэлэх боломж олдоно. Анх дөнгөж санхүүгийн албаны дарга болчихоод өөрөө л оролцоогүй бол итгэж өгөхгүй, өөрөөрөө дамжсан мэдээлэл л үнэн гэж боддог байсан. Харин сүүлийн жилүүдэд бусдадаа зааж, сайн мэргэжилтнүүд бэлтгэх тал дээр санаа тавих болсон. Тоо, баримт, санхүү, тайлан гэдэг нарийн зүйл болохоор манай ижил мэргэжилтэй хүмүүс намайг юу хэлж буйг сайн ойлгож байгаа болов уу.
Санхүү, нягтлан бодогчийн мэргэжлийг хүмүүс зөвхөн хэдэн тоо цохиод суудаг гэж буруу ташаа ойлгох нь бий. Гэтэл үнэндээ хамгийн чухал нь тоо цохихдоо бус, тэрхүү тоогоор илэрхийлэгдэж байгаа агуулга юм шүү дээ. Эдгээр тооны ард компанийн бүхий л үр дүн, хүмүүсийн хөлс хөдөлмөр, бидний бүтээж буй үнэ цэнэ, ажлын маань амжилт чанар “нуугдсан” байдаг. Энэ утгаараа надад ажил мэргэжил маань сонирхолтой сайхан санагддаг.
Миний хувьд их сургуулиа төгсөөд л АПУ ХК-тай холбогдсон болохоор өөр бусдын компани, ажил ямар байдаг тухай ойлголт муутай. Гэхдээ манай хамт олон, компани маань ажил амьдралаа зориулахад хамгийн жаргалтай, өөдрөг, бүтээлч хүмүүсийн нийлбэр болов уу гэж боддог. Би ер нь дуугай, даруухан талдаа хүн. Харин компанидаа ороод олон хүмүүстэй танилцаж, хамтран ажиллаж, янз бүрийн араншинтай хүмүүсээс суралцаж, өөрийгөө бүтээж яваа.
Бид дэлхийн стандартаар дамжуулан гүйцэтгэгч, туслан гүйцэтгэгчдийн аюулгүй байдлыг хангах үүднээс Гүйцэтгэгчийн аюулгүй байдлын шинэ стандартыг нэвтрүүлсэн. Энэ нь өндөр эрсдэлтэй үйл ажиллагаанд төвлөрч, гэрээлэгчдийн мэргэшлийн болон менежментийн үйл явцыг оновчтой болгодог.
“АПУ” ХК-ийн Төлөөлөн Удирдах Зөвлөлийн 2021 оны 8-р сарын 16-ны өдрийн 21/11 тоот шийдвэрээр компанийн 2021 оны эхний хагас жилийн үр дүнд үндэслэн нэгж хувьцаанд 46 төгрөг буюу нийт 48.8 тэрбум төгрөгийн ногдол ашиг хуваарилахаар шийдвэрлэлээ. Энэхүү ногдол ашиг авах эрхтэй хувьцаа эзэмшигчдийн жагсаалтыг 2021 оны 9-р сарын 03-ны өдрөөр тогтоож, ногдол ашгийг 2022 оны 2-р сарын 10-ны өдрийн дотор төлнө.
Судалгаагаар монголчуудын 90 гаруй хувьд нь Д амин дэмийн дутагдалтай гэж гарсан байдаг. Тиймээс цар тахлын үетэй холбогдуулж “АПУ Дэйри” компани худалдан авагчдынхаа дархлааг дэмжихээр “Д” витаминаар баялаг “САЙН” сүүгээ үйлдвэрийн өртгөөр хүнсний дэлгүүрүүдэд 2 сарын турш худалдааллаа.
HEINEKEN-ийн амь насаа хамгаалах дүрмүүд нь манай компанид ажилладаг бүх хүмүүст хамаатай аюулгүй ажиллагааны дүрмүүд юм. Эдгээр нь эрсдэлийг бууруулах хөтөлбөрөөр дэмжигддэг бөгөөд ноцтой, хүний амь нас алдах ослоос урьдчилан сэргийлэх түлхүүр юм.
Үйл ажиллагаа эрхэлдэг бүх компаниуд Амь насаа хамгаалах дүрмийг дагаж мөрдөх ёстой. 2021 онд бид үйлдвэрлэл үйл ажиллагаандаа амь насаа хамгаалах 12 дүрмийг бүрэн мөрдөн ажиллаж байна.
Монгол Улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, 10 мянга гаруй харилцагчдынхаа мэдлэг оюунд хөрөнгө оруулалт хийж, салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа 2021” цахим хэлэлцүүлэг зохион байгуулж олон нийтэд хүргэв.
Уг хэлэлцүүлгээр цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар зөвлөгөө, мэдээлэл өгч нийт 700 гаруй мянган хүнд хүрлээ.
Аюулгүй ажлын систем нь манай хүмүүсийг аюулгүй байлгахад чухал үүрэг гүйцэтгэдэг. Дэлхийн үйл явцын аюулгүй байдлын нийгэмлэгийг Үйл ажиллагааны аюулгүй байдлын төвөөс дэмжин хөгжүүлж байна.
Бид эрсдэлийн хувилбаруудад дүн шинжилгээ хийх, харилцан ойлголцох, эрсдэлийн талаарх ойлголтыг нэмэгдүүлэхэд эрсдэлийг үнэлэх аргыг боловсруулан, аюулгүй ажиллагааны ‘Эрдэлийг үнэлэх аргачлал’-г нэвтрүүлэв.
Монгол Улсын хэмжээнд 2021 оны эхний хагас жил коронавирусын цар тахлын тархалт огцом нэмэгдэж хүн ардын эрүүл мэнд, эдийн засагт сөрөг нөлөөлөл үзүүлсэн. Бид 2021 оны эхний хагас жилд компанийнхаа нийт ажилтнуудыг коронавирусын эсрэг вакцинд хамруулах компанит ажлыг зохион байгуулснаар тавдугаар сарын байдлаар нийт ажилтнуудынхаа 92 хувийг вакцинд хамруулсан.
Мөн халдвар тархах эрсдэлээс сэргийлэх зорилгоор ариутгал, халдваргүйжүүлэлтийн тоног төхөөрөмжүүдээр ажлын орчныг тоноглох зэргээр шаардлагатай арга хэмжээнүүдийг авч хэрэгжүүлсэн байна. Эхний хагас ажилд 1480 ажилтнаа коронавирусын халдварын даатгалд хамруулжээ.
Компани маань 2001 онд хувьчлагдан, Г. Батхүү дарга Гүйцэтгэх захирлаар томилогдон ирсэн даруйдаа бүх үйлдвэрийг бүрэн шинэчлэх, зах зээлийн эрэлтэд нийцсэн олон шинэ бүтээгдэхүүн, брэнд бий болгох нөр их ажлыг эхлүүлсэн. Миний хувьд Архины үйлдвэрийн бүрэн шинэчлэлийн төсөлд гар бие оролцон, Ус ундаа, Спирт, Сүүний шинэ үйлдвэрийн төслийг удирдан, төслөө дуусмагц тэр үйлдвэрийнхээ даргаар ажиллаж байлаа.
Алтан босготой энэ сайхан компани инженер мэргэжилтэй хүний мөрөөдөж болох тэр олон үйлдвэрийн төслийг удирдах боломжийг надад олгосон нь миний хувь хүний хөгжилд асар их хөрөнгө оруулалт хийж, олон олон үнэ цэн, үнэт зүйлс, мэдлэг, чадварыг надад хайрлажээ гэж би дотроо бэлэгшээж явдаг. Өмнө минь шинэ боломж, шинэ хаалга нээгдэх бүрд би өөрийн өмнө нээгдсэн боломж, хаалга болгоныг бусдын өмнө ч бас нээхийг хичээж ирсэн.
Би бол АПУ компани, сайхан хамт олныхоо буянд ер бусын аялал хийж, адал явдал дүүрэн амьдралаар аз жаргалтай амьдарч байгаа эгэл жирийн инженер хүн. 1992 онд ОХУ-ын нийслэл Москва хотын ХТДС-ийг “Хүнсний үйлдвэрийн механик инженер” мэргэжлээр төгсөж ирээд ХҮЭШЗТИ-ийн Зохион бүтээх товчоонд зургийн техникчээр ажилд орсон. Гэхдээ удаагүй ээ. Учир нь тэр жилээс шинжлэх ухааны байгууллагуудыг улсаас санхүүжүүлэхээ больж, олон хүн цомхтголд орсны нэг нь би болсон. Улмаар 1999 оны гуравдугаар сард АПУ ХК-ийн КИП засварчнаар орж, Б.Батбаяр инженерийнхээ удирдлаганд ажиллаж эхэлсэн.
Ажиллаад хэсэг хугацаа өнгөрсний дараа нэг өдөр дотуур утас дуугарч “Ерөнхий инженер Ганжав байна. Батбаяр наана чинь байна уу? гэлээ. “Инженер байхгүй байна” гэхэд “Чи чинь хэн билээ, юун хүүхэд билээ?” гэхээр нь “Х.Орломжав байна” гээд нэрээ хэлтэл “Чи манай өрөөнд ирээд энэ зургийг авчих, зураг зурж чадах уу?” гэж байна. Анх удаа ерөнхий инженерийн өрөөнд өвдөг чичирсхийн зогсож байгаад зурах ёстой зургаа тайлбарлуулж аваад гарсан. Шөнөжин зураад, маргааш өглөө нь авчирч өгөхөд инженер маань “Зураг зурдаг инженер хүүхдийг 6-р зэрэгтэй болго” гэсэн үүрэг өгч, би гэдэг хүн хамгийн дээд зэрэгтэй засварчин болж, магнайгаа хагартал баярлаж билээ.
Аливаа ажлыг багаас нь эхэлж, хамт олон дотроо хүн болж төлөвших, инженер мэргэжилдээ эзэн болох гэж хичээх ёстойг ойлгуулсан эхлэл нь энэ бүхэн байсан юм болов уу гэж би одоо боддог. Тэрнээс хойш КИП-ийн засварчнаас эхлээд оператор, мастер, үйлдвэрийн дарга, төслийн удирдагч зэрэг олон газар ажилласан. Одоо би Маркетингийн газарт менежерээр ажиллаж байна. Сүүлийн үед хүмүүс надаас “Чиний үндсэн мэргэжил яг юу билээ? Яагаад ийм олон янзын ажил хийгээд байдаг юм бэ?” гэж их асуудаг юм.
Хүмүүн бид өнгөрсөн, одоо, ирээдүй гэх гурван цагийн хэлхээс дунд амьдардаг. Өнгөрснийг бүтээсэн ахмадууд болон ирээдүйн эзэд залуусаа хүндэтгэн, нэг нэгэндээ нээлттэй, илэн далангүй байж, хэн хэнээсээ харилцан суралцаж, хамтран ажиллаж байж илүү их хөгжил, илүү том амжилтанд хүрнэ гэж би боддог. Энэ бүхэнд хамтарч ажиллаж, дэмжиж, урам зориг өгч, намайг хурцалж байсан бүх хүмүүстээ “Баярлалаа, хайртай шүү” гэдэг үгсийг чин сэтгэлээсээ хэлэхийг хүсч байна.
УЛААНБААТАР, МОНГОЛ УЛС (2021 оны 08 дугаар сарын 09) — Монголын Хөрөнгийн Биржид бүртгэлтэй нээлттэй хувьцаат компаниуд дундаас АПУ ХК зах зээлийн үнэлгээгээр ₮1 их наяд давсан анхны компани болж, түүхэн үйл явдал тохиолоо.
“ АПУ ХК-ийн удирдлагын арга барил, компанийн засаглалын хөгжлийг шинэ түвшинд гаргасан ба ингэснээр үйл ажиллагаа, үнэ цэн өсөн нэмэгдэх боломжтой гэдгийг бусад томоохон компаниудад илтгэн харуулж байгаа явдал гэж билэгшээж байна. АПУ ХК нь хувьцаа эзэмшигчдэдээ тогтмол ногдол ашиг тараах бодлогыг сүүлийн жилүүдэд баримталж байгаа нь хөрөнгө оруулагчдын итгэлийг нэмэгдүүлж МХБ-ийн хамгийн идэвхтэй, хөрвөх чадвар хамгийн өндөр хувьцаа болсноор хөрөнгө оруулалтын багцад зайлшгүй багтах хувьцаа болж чадсан байна. Хөрөнгийн зах зээлийн түүхэн хөгжилд үнэтэй хувь нэмэр оруулж байгаа 97 жилийн түүхтэй хүнсний салбарын ууган үйлдвэр АПУ ХК-ийн нийт хамт олон, хөрөнгө оруулагчид, харилцагчид, хэрэглэгчид, түнш байгууллагууд та бүхэнд халуун баяр хүргэе.” гэж МХБ-ийн гүйцэтгэх захирал Х.Алтай онцоллоо.
АПУ ХК нь 1924 онд байгуулагдсан Монгол Улсын хүнсний ууган үйлдвэрийн нэг бөгөөд 1992 онд Засгийн газрын шийдвэрээр хувьцаат компани болж өөрчлөгдөн, 2001 бүрэн хувьчлагдсан түүхтэй. Сүүлийн 20 жилийн хугацаанд АПУ компани 100 гаруй сая ам.долларын гурван шатны хөрөнгө оруулалт, технологийн шинэчлэлийн хөтөлбөрийг хэрэгжүүлсний үр дүнд шингэн хүнсний салбарын манлайлагч, зах зээлийн хөгжлийг тодорхойлогч, үндэсний ТОП компанийн нэг болжээ. Тус компани өдгөө 2000 гаруй ажилтантай, 8 охин компани, 1 хараат компани бүхий групп компанийн бүтэцтэй ажиллаж, 10,000 гаруй харилцагчдын дэмжлэгтэйгээр Монгол Улсын өнцөг булан бүрд бүтээгдэхүүнээ түгээж байна. Түүнчлэн, БНХАУ, ОХУ-ыг экспортын стратегийн зах зээлээр тодорхойлсон бөгөөд 2019 онд ОХУ-ын зах зээлд тэргүүлэгч “Татспиртпром” ХК-тай худалдаа, үйлдвэрлэлийн хамтын ажиллагааны гэрээнд гарын үсэг зурсан. Үүний зэрэгцээ БНХАУ-ын зах зээлд шар айрагны борлуулалтын сүлжээгээ тэлэх ажлаа эрчимжүүлсний үр дүнд тус хоёр улсад экспортолсон нийт бүтээгдэхүүний хэмжээ өмнөх оныхоос даруй зургаа дахин нэмэгдээд байна.
2017 онд Монгол Улсын шингэн хүнсний салбар, хөрөнгийн зах зээлийн хувьд урьд өмнө тохиож байгаагүй томоохон нэгдэн нийлэх ажиллагаа явагдаж, Хайнекен болон Шунхлай Групп компаниуд Монгол Улс дахь архи, шар айраг, ундааны үйлдвэрлэл, түгээлтийн бизнесээ нэгтгэн хүчирхэг нэгдлийг бий болгосон. Нэгдлийн үр дүнд АПУ ХК-ийн үнэт цаасны бүртгэлд өөрчлөлт орж, нийт гаргасан хувьцааны тоо 1,064,181,553 ширхэг болж, дэлхийн шар айрагны хэрэглээг тодорхойлон манлайлж буй Хайнекен компани тус компанийн хувьцааны 25%-ийг эзэмшигчээр бүртгэгдсэн. Ийнхүү дотоодын зах зээлд тэргүүлэгчийн байр суурийг бататгахын зэрэгцээ олон улсад шингэн хүнсний томоохон үйлдвэрлэгч хэмээн хүлээн зөвшөөрөгдөж, Хөрөнгийн бирж дээр хамгийн өндөр буюу үнэлгээтэй компани болох эхлэл тавигдсан билээ.
“Монголын хөрөнгийн зах зээл үүсч хөгжсөн 30 жилийн хугацаанд АПУ ХК засаглалын нээлттэй, ил тод байдлыг эрхэмлэн хувьцаа эзэмшигч, хэрэглэгч, харилцагч тэргүүтэй төр, хувийн хэвшлийн бүхий л салбарт хувь нэмрээ оруулахад онцгой анхаарч ажиллаж ирсэн билээ. Энэ дундаа хүн төвтэй менежментийн бодлого хэрэгжүүлэхэд анхаарч компанийн эрхэм зорилго, үнэт зүйлсээ баримтлан аливаа нийгэм, эдийн засгийн өөрчлөлт бүхий цаг үед ажилтнуудаа хөгжүүлэх, ажлын байраа хадгалах төдийгүй олон нийтэд чиглэсэн төсөл хөтөлбөрүүдээ эрчимжүүлж “Тогтвортой хөгжлийн зорилт” дэвшүүлэн ажиллаж байна.” хэмээн АПУ ХК-ийн Гүйцэтгэх захирал Ц.Эрдэнэбилэг онцлов.
Монголын хөрөнгийн зах зээлийн түүхийг бичилцэж буй АПУ компани нь хөгжлийн дараагийн шатанд гарч, тасралтгүй хөгжил дэвшлийн сууриа бататган ажиллаж байна. Цаашид, зах зээл, технологийн дэвшил, бизнесийн амжилтаар тэргүүлэгч байр сууриа хадгалан бэхжүүлж, тогтвортой хөгжил, нийгмийн хариуцлагын зарчмуудыг үйл ажиллагааны бүх шатандаа тууштай хэрэгжүүлэн, экспортоо тэлж, шинэ зах зээл, шинэ боломжуудыг эрэлхийлэхийн зэрэгцээ олон улсын хөрөнгийн зах зээлд гарсан уул уурхайн бус Монголын анхны компани болох зорилго тавиад байна.
Монголын Хөрөнгийн Биржид бүртгэлтэй нээлттэй хувьцаат компаниуд дундаас АПУ ХК зах зээлийн үнэлгээгээр ₮1 их наяд давсан анхны компани болж, түүхэн өдөр тохиолоо. Ийнхүү Монгол бизнес дэлхийн зах зээлд гарах хөгжлийн дараагийн үе шатны суурь тавигдаж байна.
Бидэнд итгэл үзүүлж 97 жилийн түүхийг хамтдаа бичилцсэн үе үеийн эрхэм хамт олон, хөрөнгө оруулагчид, харилцагчид, хүндэт хэрэглэгчид, хамтын ажиллагаат түнш байгууллагууд та бүхэнд гүн талархал илэрхийлье!
АПУ Хувьцаат компани
Миний аав Ө.Цэрэндэжид салбартаа нэр хүндтэй, олон ч бүтээн байгуулалтыг гардаж хийсэн механик инженер хүн байсан. Аав минь надад мэргэжлээ өвлүүлж, бас дээр нь “Залуу байхдаа маш сайн сурч мэдэж авах хэрэгтэй. Мэдэхгүй байгаагаа шууд хэлэхээс эмээж, ичих хэрэггүй. Шинийг сурч мэдэхэд тэмүүлж, нэг алдсан алдаагаа давтаж гаргахгүй байх нь чухал” хэмээн захиж үлдээсэн. Үүнийг би одоо ч эрхэмлэн бодож, бусдаас суралцах, мөн өөрийн олж мэдсэнээ хуваалцахыг хичээж яваа. Анх 2003 онд АПУ ХК-д ажилд ороход техник технологийн шинэчлэлтийн ажил ид эхлээд байсан. Хэрэв шинэ ажилд ороход хамгийн төгс цаг хугацаа гэж байдаг бол миний хувьд тэр нь тохиосон гэж боддог. Дэлхийд алдартай Германы техник технологийг үйлдвэрлэлдээ нэвтрүүлэхэд АПУ-гийн ахмад, дунд, залуу үе цөм зэрэгцэн зүтгэсэн. Шинэ юм бүхэн хичээл байдаг. Бид дэлхийн технологиос суралцахын сацуу хичээл зүтгэлээрээ өөрийн болгож, шинэ технологийг хамтдаа нэвтрүүлж чадсан нь эргээд харахад бахархалтай санагдаж байна.
Шинэ төсөл, техник технологи нэвтрүүлэх үед бид гаднын мэргэжилтнүүдээс маш их зүйл сурч мэдэж авдаг. Тэдний ноу-хау тоног төхөөрөмж технологийг даган тэр чигтээ бидэнд орж ирдэг. Энэ бүгдийг сурч авна гэдэг бидэнд маш их боломж, мэргэжлийн хувьд өсөж дэвших их аз завшаан болдог.
Хамт олонтойгоо олон ч сайхан ажлын ард гарч байснаас шинэ Сүүний үйлдвэрийн төслийг онцлон дурдахыг хүсэж байна. Тухайн үед Ц. Эрдэнэбилэг захирлаар удирдуулан А.Мэндбаяр, Х.Орломжав дарга, Т.Сарантуяа ахлах технологич, Б.Нямбаяр ахлах инженер нартайгаа хамтран 2012 оноос эхлэн судалж, цаасан дээр анхнаас нь зурж эхэлсэн. Олон хувилбараар зурж төсөөлж, тоног төхөөрөмжийн сонголт, Олон улсын компаниудтай гэрээ хэлцэл хийх гээд тэр бүх хугацаанд маш их зүйл сурч авсан. Аавынхаа захиж хэлсний адил мэдэхгүйгээ нуулгүй хэлж, түүнийгээ сурч өөрийн болгохын тулд хичээн зүтгэсээр 2014 онд хуучин үйлдвэрийнхээ эцсийн бүтээгдэхүүнийг дуусган, өөрийн гар бие оролцсон цоо шинэ үйлдвэрийн эхний бүтээгдэхүүн гарахыг харж зогсож байлаа. Хуучин үйлдвэр маань 10 хүрэхгүй хүнтэй байсан бол одоо 100 гаруй хүнтэй өнөр өтгөн хамт олон болсон.
Үйлдвэр гэдэг тасралтгүй үргэлжилж байдаг амьд процесс. Тэр дундаа шингэн хүнс дотроо сүү бол хадгалах хугацаа богино, тусгай нөхцөл шаарддаг, хамгийн эмзэг бүтээгдэхүүн. Мөн бүх насныхан хэрэглэдэг учир чанар стандарт, эрүүл ахуйг маш сайн анхаарч хангах шаардлагатай. “Үнээний дэлэн амрах биш” гээд манайхан хоорондоо ярьдаг юм. Сүүний температур, бохирдлын үзүүлэлтээс хамааран богинохон хугацаанд шаардлага хангахгүй болох гээд байдаг тул маш хурдан шийдвэр гаргаж, боловсруулалт хийх, жигд ажиллагааг хангах гэхчлэн ур чадвар, хурд их шаарддаг. Энэ хэрээрээ сонирхолтой, сайхан ажил.
Анх ажилд ороод, залуухан инженер байхдаа олон жил ажилласан ах эгч нараа хараад яаж нэг газраа ийм удаан ажиллаж чадаж байна аа гэж гайхдаг байсан. Тэгтэл одоо өөрөө тэдний нэг болчихсон явж байна (инээв). Гэхдээ жаргалтайгаар гэж тодотгон хэлье. Миний амьдрал гэр бүл гээд бүх зүйл энэ хамт олонтой маань салшгүй холбоотой болжээ. Амьдралынхаа ханьтай энэ компанидаа учирсан, одоо гурван хүүхдийн аав, ээж болоод сайхан амьдарч байна. Миний амьдралын аз жаргалтай, зовлон гунигтай бүхий л үед энэ хамт олон цуг байсан.
Би дунд сургуульд байхдаа тооны хичээлдээ дуртай байсан болохоор санхүүгийн мэргэжил илүү ойр санагддаг байсан. Тэр сонирхлоо даган ХҮИС-ийг нягтлан бодогч, бизнесийн удирдлага мэргэжлээр суралцаж, төгссөн жилдээ MBC компанид орж байлаа. MBC компани дэлхийн 190 гаруй оронд бүтээгдэхүүнээ борлуулдаг, алдарт HEINEKEN компанийн хөрөнгө оруулалттай байсан тул дэлхийн шилдэг компанийн туршлагаас их олон зүйлс сурч авсан. Бүх зүйл нь тогтсон нэг стандарттай, бүх шатандаа бизнесийн үйл ажиллагааны процесс нь тодорхой, тогтсон дүрэм журмын дагуу өдөр тутмын үйл ажиллагаа нь явагддаг. Энэ бол бизнес өсөн дэвжихэд их том хөшүүрэг болдог. Санхүүгийн мэргэжил бол алдах эрхгүй, хариуцлагатай байхыг хувь хүнээс шаарддаг.
Бид багаараа HEINEKEN компанийн Ази, Номхон далайн бүс нутгийн нийт 20 гаруй улсын Санхүүгийн албадын дунд явагддаг “Be the best” буюу тайлан мэдээгээ цаг тухайд нь алдаагүй хүргүүлэх, санхүүгийн багийн шинэ бүтэц зохион байгуулалтыг HEINEKEN-ийн шаардлагын дагуу нэвтрүүлэх, санхүүгийн тайлагналын дотоод хяналтыг сайжруулах гэх мэт мэргэжлийн хүрээг хамран явагддаг уралдаанд 2015 онд 3-р байр, 2016 онд амжилтаа ахиулан Тэргүүн байр эзэлж, 10,000 еврогоор шагнуулж байсан. Ажил мэргэжлийнхээ хүрээнд олон улсын шилдгүүдтэй өрсөлдөж, хичээл зүтгэлээ үнэлүүлнэ гэдэг үнэхээр сайхан. Монгол мэргэжилтнүүд дэлхийн хаана ч өрсөлдөхүйц хэмжээний мэдлэг чадвартай юм байна гэдгээ багаараа нотлон харуулсан бахархалтай үйл явдал байсан. Ингээд компанийнхаа Тогтвортой хөгжлийн “Илүү сайхан дэлхийг цогцлооё” стратегийн хүрээнд бид шагналынхаа мөнгийг өөрсдөдөө биш хэрэгцээтэй хүмүүст нь хүргэхээр шийдсэнээ Байгууллагын Харилцааны газартаа хэлснээр бид хамтран Баянзүрх дүүргийн Засаг даргын тамгын газарт хандан тус дүүргийн тусламж нэн шаардлагатай 10 айлд иж бүрэн таван ханатай гэр бэлэглэж байлаа. Залуу хүний хувьд АПУ компанид ажиллахдаа бахархалтай байдаг олон хүчин зүйлс бий. Тэдгээрийн нэг нь хамт олныхоо сурч хөгжих нөхцөлийг нь бий болгож, илүү бүтээлч ажиллах боломжийг бүрдүүлдгийг онцлон дурдмаар байна. Мөн орчин үетэйгээ хөл нийлүүлэн алхаж, техник технологийн дэвшлийг үр дүнтэй ажилдаа ашиглах талаас нь олон шинэ төсөл хөтөлбөр хэрэгжүүлж, үүндээ хүн бүрийг оролцуулах замаар хувь хүний болон компанийн өсөлт дэвшилд хүргэж байдаг нь сайхан санагддаг. Хамгийн сүүлд АПУ групп компанийн хэмжээнд ихээхэн хүч, хөрөнгө зарцуулан хэрэгжүүлж байгаа борлуулалт ложистикийн нэгдсэн программын төслийг багийнхныхаа хамт амжилттай нэвтрүүлээд, өдөр тутмын үйл ажиллагаандаа ашиглаж эхлээд байгаа. Монгол өв соёлоо, уламжлалаа дээдлэн шинийг бүтээж буй 100 жилийн түүхтэй Монгол Улсын шингэн хүнсний салбарын тэргүүлэх компани болох АПУ компанидаа үе үеийн олон сайхан чадварлаг хүмүүстэй мөр зэрэгцэн хамтран ажилладгаараа үнэхээр бахархдаг.
Амстердам хотод анх үүсэн Жерард Адриан Хайнекен хэмээх үүсгэн байгуулагчийн нэрээр нэрлэгдсэн дээд зэрэглэлийн Heineken® брэнд нь дэлхийн 172 гаруй оронд борлуулагдаж байна. Чанар бол Heineken® брэндийн хамгийн чухал үзүүлэлт бөгөөд уламжлалт технологийн дагуу исгэсэн өөрийн нэрийн “А” хөрөнгийг ашиглан үйлдвэрлэдэг. Хайнекен 0.0 нь 2 дахин исгэж алкохолыг шүүн авсан төдийгүй Хайнекен шар айргийн тэнцвэртэй амт чанарыг хадгалж чадсанаараа давуу талтай.
Энэхүү тусгай дугаараар бид Монголын хамгийн анхны ₮1 их наядын үнэлгээнд хүрээд буй хүнсний ууган үйлдвэр АПУ ХК-ийн талаар онцоллоо. Олон улсад “тэр компани их наяд долларын компани боллоо” гээд баахан шуугидагтай адил АПУ ХК-ийн тус амжилт ч түүхэн явдал юм.
Тусгай дугаарын агуулга:
1. НЭГЭН ЗУУНЫ ТҮҮХ
Тэртээ 1924 онд Ардын Засгийн Газрын 7-р хурлаар “Архины онц эрхийг улсын санд авах тухай” дүрмийг баталснаар, 14 ажилтантай анхны архи, архины төрлийн бүтээгдэхүүний үйлдвэр нийслэл хотод маань нээгдэж байжээ.
Түүнээс хойших түүхийг тоймловол…
Өсөлтийн үе: Ийнхүү тэд үйл ажиллагааны хүрээгээ тэлсээр 2017 онд дэлхийд шар айрагны үйлдвэрлэлээрээ хоёрт эрэмбэлэгддэг 154 жилийн түүхтэй алдарт Heineken компанийн Монгол дахь эзэмшлийн компаниудыг нэгтгэж, Монгол Улсын шингэн хүнсний салбарыг чиглүүлэгч компанийн суурийг тавьж чадсан юм. Уг нэгдлийн үр дүнд $94 саяын зээлийн эргэн төлөлтийг хугацаанаас нь өмнө дуусгаснаас гадна олон улсад гарах томоохон үүд хаалга нээгджээ.
Absolute Pure Unique: Өнөөдөр тэд шинэ стандартуудыг нэвтрүүлж, хүний нөөцийн цогц бодлогыг хэрэгжүүлж, стратегийн түншлэлийг олон улсад нэмэгдүүлэн, шинэ шилдэг брэнд бүтээгдэхүүнийг дэлхийд таниулах алсын хараатай зорилго тавин ажиллаж байгаа аж. Энэхүү зорилгодоо хүрэхэд тэдэнд:
Дурдахгүй өнгөрч болохгүй нэг зүйл бол… Тус компани өнгөрсөн 2 жилд цар тахлын эсрэг бизнесийн шуурхай хариу, арга хэмжээ авч хурдтай ажилласнаар өөрсдийгөө хэр чадварлаг компани вэ гэдгээ батлан харуулах шиг боллоо. Магадгүй энэ нь тэдний хувьцааны ханшийн өсөлтөд нөлөөлсөн хүчин зүйлсийн нэг ч байж болох юм даа.
2. “BLUE CHIP” ХУВЬЦАА
Хөрөнгийн зах зээл хөгжсөн орнуудад томоохон тогтвортой компанийн хувьцааг blue chip хувьцаа гэж нэрлэдэг юм. Тухайлбал, Америкаас Coca-Cola (KO), Amazon (AMZN), Японоос Softbank (9984), Canon (7751) зэрэг компаниудын хувьцааг нэрлэж болох бол манай улсын хувьд АПУ (APU)-г дурдах нь зүйтэй.
Бяцхан тооцоолол хийгээд үзье. Та 5 жилийн өмнө АПУ-гийн 10,000 ширхэг хувьцааг зах зээлийн ханшаар, нийт ₮4.3 саяар авсан гэж төсөөлье. 2020 хүртэлх энэ хугацаанд ногдол ашгаас гэхэд л нийтдээ ₮2.2 саяыг, ханшийн өсөлтөөс ₮5.1 саяын ашиг олох боломжтой байжээ. Тодруулбал 168.8%-ийн өгөөж хүртэж, ₮7.3 саяын ашиг шүү дээ. Тэгэхээр жилд дунджаар 33.8%-ийн ашиг олно гэхээр ямар ч хадгаламж, сангийн өгөөжөөс өндөр болох нь харагдаж байна.
9,112 хувьцаа эзэмшигч
Нээлттэй хувьцаат компанийн гол учир олон тооны хүн хувь эзэмшиж байгаад оршдог шүү дээ. Тэгвэл АПУ-гийн хувьд нийтдээ 1.1 тэрбум ширхэг хувьцаа нь зах зээл дээр эргэлддэг бөгөөд хувьцаа эзэмшигчдийн тоо нь сүүлийн нэг жилийн хугацаанд 50%-аар нэмэгдэж 9,112-д хүрчээ.
Онцлох 3 санхүүгийн үзүүлэлт
Борлуулалтын орлого: Өнгөрсөн онд ₮492.3 тэрбумын борлуулалтын орлоготой ажилласан нь 5 жилийн өмнөхтэй харьцуулахад 2.4 дахин өссөн дүн аж. Харин 2021 оны эхний хагас жилд өнгөрсөн оны борлуулалтын орлогын 62%-ийг буюу ₮305.0 тэрбумыг аль хэдийн олжээ.
Ногдол ашиг: Тэд сүүлийн 6 жилийн хугацаанд тасралтгүй ногдол ашиг тараав. Өнгөрсөн жилийн хувьд нэгж хувьцаанд ₮95, нийтдээ ₮101.1 тэрбумын ногдол ашиг олгосон аж. Монголд ингэж ногдол ашиг тараадаг компанийг хаанаас ч олох боломжгүй. Түүнчлэн цар тахлын хүнд цаг үед ногдол ашиг олгоно гэдэг бол хөрөнгө оруулагчдаа бодсон оновчтой бодлогын илрэл шиг.
Үнэ ашгийн харьцаа (P/E Ratio): 2020 оны эцэст компанийн үнэ ашгийн харьцаа 8.5 байсан бол үүнээс хойш хувьцааны ханш 68.2%-аар өссөнөөр 2021 оны эхний хагаст тус харьцаа 12.1 болж нэмэгджээ. Уг харьцаа нь компанийн нэгж хувьцаанд ногдох цэвэр ашгийн хэмжээг харуулдаг юм. Шинжээчдийн дунд тус харьцаа 15-аас бага байх нь компани зах зээл дээр дутуу үнэлэгдсэн, цаашид өсөх магадлалтай гэх ойлголт байдаг. Сонирхуулахад S&P 500 индексийн үнэ ашгийн харьцаа 13-15 гэсэн тоонуудын хооронд хэлбэлзсээр иржээ.
Том тоонууд…
25.9%: АПУ зах зээлийн үнэлгээгээр Монголын хөрөнгийн зах зээлийн 25.9%, хамгийн өндөр үнэлгээтэй 20 компанийн 52.3%-тай тэнцүү.
91%: Монголын хийжүүлсэн ундааны зах зээлийн 3%, импортын согтууруулах ундааны 10%, сүү, сүүн бүтээгдэхүүний зах зээлийн 31%, пивоны зах зээлийн 91%, цагаан архины зах зээлийн 83%-ийг тус тус эзэлж байна. Базарваань.
18.5%: Сүүлийн 5 жилийн хугацаанд ₮1.9 их наядын орлого олсон нь Монголын ДНБ-ны 18.5%-тай тэнцүү юм.
10,256 жил: Өнгөрсөн жил ₮492.3 тэрбумын орлоготой ажилласан нь нэг олимпын алтан медальтай тамирчинд ЗГ-аас 10,256 жилийн туршид сар бүр ₮4 саяыг олгох дүн аж.
3. ХИЛИЙН ЧАНАД ДАХЬ СТРАТЕГИ
Source: Сэнгүр зарагдаж буй Шанхайн хотын шар айрагны газар Twitter (@zoltsengel)
“АПУ ХК-г баахан л магтаж, зах зээлд томоохон тоглогч болсон тухай зөндөө халлаа. Тэгвэл цаашид яг яах юм бэ? Бизнес хэрхэн өргөжин тэлэх төлөвлөгөө байгаа юм уу” гэж үү? Байлгүй яахав. Ер нь дотоодын зах зээлээ чанартай, найдвартай бүтээгдэхүүнээр хангаж буй тэдний хувьд одоо дэлхий гэдэг далай шиг уудам зах зээл рүү нэвтэрч байна.
Twitter дээр Сэнгүр пиво Шанхайн шар айрагны сүлжээ газарт хамгийн өндөр борлуулалттай байгаа тухай явсан нэг постыг та хэд маань санаж байна уу? Ээ дээ, энэ компани ажлаа хийгээд эхэлжээ гэсэн үг.
Экспортын тухай… Тэд сүүлийн жилүүдэд эх орныхоо шингэн хүнсийг төлөөлж Хятад, ОХУ руу архи, шар айрагны төрлийн бүтээгдэхүүнүүдийг амжилттай экспортолж, ОХУ-ын 326 худалдааны цэгүүд, Хятадын 138 салбартай дэлгүүр болон онлайн дэлгүүрээр дамжуулан худалдаалж байна. Хэдий цар тахалтай байсан ч 2020 онд ОХУ-д борлуулалт 45%, Хятадад 7% өсжээ. Харин 2021 оны эхний хагас жилд Хятад дахь борлуулалт өмнөх оны мөн үеэс 6 дахин, ОХУ дахь борлуулалт 2 дахин нэмэгдсэн байна. Мөн ирэх 5 жилд борлуулалтын орлогын 20%-ийг экспортын орлогоос бүрдүүлэх зорилго тавиад буй юм.
Солонгон эдийн засаг… Бид ганц уул уурхайгаас хараат бус байх тухай олон жил ярилаа. Гэвч экспортын 70-80%-ийг уул уурхайн бүтээгдэхүүн эзэлж давамгайлсан дүр зураг өөрчлөгдөөгүй байна. Харин экспортоо солонгоруулах нэг боломж бол яалт ч үгүй шингэн хүнсний зах зээлд хүч түрэн АПУ ХК олон улсад өрсөлдөх явдал юм.
ESG (Environment, Social, Governance)…Орчин үед ESG-ийг их ярих болсон. Тэгвэл АПУ ХК-ийн хувьд ESG буюу байгаль орчин, нийгэм, засаглалын хүрээнд маш их анхаарч, дараах ажлуудыг хийгээд байна.
Тухайлбал:
ESG сайтай байж л олон улсад хүлээн зөвшөөрөгдөхөөс гадна олон давуу талыг олж авдаг. Тодруулбал, хямд зээлийн эх үүсвэр олох, нэр хүндтэй хөрөнгийн биржид бүртгүүлэх, хөрөнгө оруулагчдыг татах, томоохон орнуудад бүтээгдэхүүнээ экспортлоход ESG үнэлгээг нь шалгадаг болсон цаг үе шүү дээ.
Инновац:
АПУ ХК нь зөвхөн архи, шар айрагны зах зээлээс гадна, сүү сүүн бүтээгдэхүүн, ус ундааны зах зээлд 60 жилийн түүхийг бичилцэн, сүүн бүтээгдэхүүний дотоодын зах зээлийн 31%-ийг эзэлдэг болжээ.
Өөрсдийн технологи, арга барилаар дотоодын сүүн бүтээгдэхүүний зах зээлийн тодорхой хэмжээний байр суурийг эзэллээ. Бүүр цаашлаад дэлхийн сүүн бүтээгдэхүүний нийт хэрэглээний 50%-ийг бүрдүүлдэг Ази, Европын орнуудад экспортлох боломж ч байгаа юм.
4. ЭЦЭСТ НЬ
Таны мэдлэгт нэгэн зүйл нэмэрлэе.
Dividend Stock: Сүүлийн үед гаднын хөрөнгө оруулагчдын дунд ногдол ашиг сайн тараадаг хувьцаанд хөрөнгө оруулж, ногдол ашгаараа буцаагаад тухайн хувьцаагаа авдаг хөрөнгө оруулалтын стратеги тренд болж байна. Тэгвэл та хэлүүлэлтгүй АПУ яг тийм хувьцаа байж чадна гэдгийг мэдэж байгаа байх. Ийм хувьцаанд хөрөнгө оруулснаар бараг л хадгаламж шиг тогтвортой өгөөж хүртэж хуримтлал үүсгэх боломж бүрддэг. Дээрээс нь хувьцааны ханш өсөж болно шүү дээ.
За ийнхүү бид ээлжит нэгэн тусгай дугаараараа дотоодын хөрөнгө оруулагчдын бахархал болсон АПУ ХК-ийн талаар онцоллоо.
Уул уурхайн бус салбарын үндэсний ямар компани дэлхийн хэмжээнд гарч чадах бололцоотой вэ гэвэл хамгийн түрүүнд АПУ-г л гэж хэлнэ. Тэд гэрийн даалгавраа ч сайн хийж байгаа. Дэлхийн топ компанитай нэгдэж, ESG-дээ маш сайн анхаарч, экспортын зах зээлээ өргөжүүлээд эхэлсэн. Тэгэхээр цаашдаа бидний хувьд энэхүү үндэсний үйлдвэрлэгчээ дэмжиж, цаашдаа хамтдаа үр шимийг нь хүртэх боломж бүрэн дүүрэн байна шүү.
Товхимлын 7 сарын 30-ны тусгай дугаараас.Товхимолд бүртгүүлэх бол www.lemonpress.mn хаягаар ороорой.
Эх сурвалж: https://lemonpress.mn/news/special_apu/
АПУ ХК “Байгальд ээлтэй соёл”-ыг түгээх зорилгоор хамтын ажиллагаат дэлгүүрүүдээр дамжуулан хогийн уут бэлэглэж байна. Бид байгальд уусдаг материалтай ЭКО бүтээгдэхүүн сонгосон тул эх дэлхийгээ хамгаалж, бодит өөрчлөлтийг авчирна гэж итгэж байна. Та эх дэлхийдээ шил, сав, лааз зэрэг хог хаягдал нэгийг ч бүү хаяарай. Таны худалдан авалт байгальд ээлтэй, хоггүй соёлыг бий болгож эх дэлхийгээ хайрлах үйлст зориулагдах болно. Өөрчлөлтийг өөрөөсөө эхэлж хоггүй соёлыг хамтдаа цогцлооё.
АПУ ХК нь нийгэмд эерэг өөрчлөлтийг бий болгох “Соёлоор Гоёно” төслийг ашгийн бус зорилгоор хэрэгжүүлж буй бөгөөд энэ хүрээнд хүн, байгаль, эх дэлхийдээ ээлтэй соёлыг түгээн дэлгэрүүлэх олон ажлуудыг хийгээд байна.
“Цахилгаан нүдэнд харагдаж, гарт баригдахгүй хэрнээ бидний өдөр тутмын ажил амьдралын салшгүй нэгэн хэсэг, хамгийн чухал хөдөлгөгч хүч гэдгийг бид саяхан болсон үйл явдлаас маш тодорхой ойлгосон болов уу. Монгол даяар цахилгаан тасрахад айл өрх, албан байгууллагын дотоод үйл ажиллагаа хэрхэн үймсэн билээ, тэгэхэд ийм том хэмжээний үйлдвэр хэдэн цаг зогсоход л ямар их хэмжээний хохирол, доголдол гарах билээ. Тийм учраас цахилгааны инженер бидний ажил ямар их хариуцлагатай, няхуур болох нь харагдах байх. АПУ-д 30 орчим жил ажиллахдаа гурван удаагийн том цахилгаан тасралтыг үзсэн. Хамгийн ихдээ долоо хонож байлаа. Болзошгүй эрсдлийг тооцож, энгийн үед ч бэлтгэлтэй байх ямар чухлыг бидэнд ойлгуулдаг.
Би багаасаа л техникт сонирхолтой, элдэв юм онгичиж, оролддог хүүхэд байлаа. Эвлүүлэхээсээ эвдэх нь олон байсан хэдий ч хүсэл, сонирхолоо яахан дарж чадах вэ. Энэ л сонирхол маань намайг хөтөлсөөр АПУ ХК-ийн гайхалтай сайхан хамт олонтой амьдралын минь замыг холбосон. АПУ алтан босготой үйлдвэр шүү гэж ахмадуудынхаа байнга хэлдгийг сонсож хүмүүжсэн. Үнэхээр ч энд орсноос хойш амьдрал ахуй минь өөдрөг дэврүүн яваа. АПУ-д ороод муудсан хүн гэж ер нь байдаггүй юм даа. Өөдөө л явдаг.
Инженер хүний хувьд сайхан техник хэрэгсэлтэй, сайхан үйлдвэрт ажиллах шиг жаргал байхгүй. Өөрсдийн гараар бүтээн босголцсон үйлдвэртээ өглөө бүр ирэх үгээр хэлшгүй сайхан. Миний олон инженер найз нөхөд, танилууд манай үйлдвэртэй танилцаж байсан. Тэдэнд хийсэн бүтээснээ бахархалтайгаар танилцуулж, нээрэн бид ийм сайхан үйлдвэр цогцлоож чаджээ гэж бодохоор урамтай, онгирмоор болдог доо.
2003 онд манай үйлдвэр бүрэн шинэчлэл хийхэд миний бие хамт олонтойгоо бүхий л ажилд нь гар бие оролцсон. Шинэ пивоны үйлдвэр, АПУ Дэйри ХХК-ийн төслүүдийг ч бид амжилттай хэрэгжүүлсэн. Олон жил ажиллаж байгаа болохоор үйлдвэрүүд маань, тэр дундаа цахилгаантай холбоотой зүйлс одоо ер нь гарт минь орсон. Хаана юу байгаа билээ, аль хэсгийн юуг солих болсон гээд “уншдаг” болж. Гэхдээ хүн юмыг сураад, болоод, ханалаа гэж бодож болдоггүй юм билээ. Цахилгааны асуудал их түвэгтэй. Нарийн ярьвал амь насанд ч ойрхон. Энэ бол тоглоом биш. Мэддэг гээд үл нямбайлан, юмханаар аргалах зэрэг хандлагыг би хүлээн зөвшөөрдөггүй. Би хамт олондоо ч мөн энэ шаардлагыг тавьдаг.”
Нийгмийн эерэг өөрчлөлтийг бий болгох зорилгоор АПУ ХК-ийн хэрэгжүүлж буй “Соёлоор гоёно” төсөлд салбар салбарынхан нэгдэн орж, өөрсдийн хүчээ нэгтгэсээр байна. Бидний чин хүсэл бол хамтын манлайллаар нийгэмдээ хувь нэмрээ оруулах юм. Төслийн хүрээнд “Урлагаар соёлыг түгээх нь” сэдвээр ээлжит хэлэлцүүлгээ зохион байгууллаа. Clubhouse-аар зохион байгуулсан энэхүү цахим хэлэлцүүлгийг тоймлон хүргэж байна.
Энэхүү хэлэлцүүлэгт Архитектор Батжав, IWFCI Mongolia байгууллагын Ерөнхийлөгч О.Байгаль, Dance chance ТББ-ын үүсгэн байгуулагч Э.Халиун, Michel & Amazonka брэндийн хамтран үүсгэн байгуулагч Amazonka, Фото зурагчин н.Төмөрбаатар, Toirogdii thrift shop-ийн үүсгэн байгуулагч Агнууш, АПУ компанийн Борлуулалт, Байгууллагын харилцаа эрхэлсэн захирал Г.Баярмагнай нар оролцлоо.
Энэ үеэр загварын салбарт манлайлагчдын нэг Michel & Amazonka брэндийнхэн “Соёлоор гоёно” төсөлд нэгдэн орж, “Соёлоор гоёно” гурван төрлийн бүтээгдэхүүн буюу футболкыг зах зээлд гаргаж буйгаа мэдэгдсэн юм.
Брэндийн орлогоос эерэг өөрчлөлт, эерэг соёл бий болгох төсөлд зориулна гэдгээ танилцууллаа. Өөрөөр хэлбэл, таны худалдан авалт нийгмийн эерэг өөрчлөлт, эерэг соёлын үр үндэст шим тэжээл, ус, агаар болох юм. “Соёлоор гоёно” брэнд нь нийгэмд талархал, хүндлэл, уучлал, урам зориг, итгэл авчрах, хариуцлагатай хэрэглээг эрхэмлэх мессэжийг давхар хүргэхээр зорьж байна.
Нийгмийн хариуцлага бүхий л салбарт урьд өмнө байгаагүй шинэ жишиг тогтоож, урьдын ойлголтыг орвонгоор нь өөрчилж буй. Хувь хүн болон компанийн нийгмийн өмнө хүлээсэн хариуцлага нийлж, нягтарч эх дэлхийгээ хайрлан хамгаалах, өв уламжлалаа өвлүүлэн үлдээх, нийгэмд шинэ соёлыг түгээн дэлгэрүүлэхэд хэчнээн чухал болохыг энэхүү хэлэлцүүлэг дахин бататгаж өгсөн нь онцлог байлаа.
“Урлагаар соёлыг түгээх нь” хэлэлцүүлэгт оролцсон Архитектор н.Батжав “Бид хүмүүст урлаг гэж ийм байдаг гэж зааж ярихаас илүү сэдэл өгөх ёстой. Залууст нийгэм болоод дэлхий дахинд тулгараад байгаа шийдэх ёстой асуудлыг шууд ярихад өөрөөс нь хол ч юм шиг, эсвэл хэтэрхий их том асуудал ч юм шиг ойлголт өгөөд байдаг юм байна. Тийм учраас сонсох дуртай дуу, хөгжим, өмсөх дуртай хувцсаар нь дамжуулаад хүргэх, сэдэл өгөх нь илүү үр дүнтэй” хэмээн өөрийн сэтгэгдлээ хуваалцсан юм.
Бидний ажиллаж амьдарч буй нийслэл маань хэдий залуусын хот гэх боловч өнгө гундуу, ногоон байгууламж муутай, бүрсгэр саарал, хүнд “уур амьсгал”-тай. Тэгвэл хүйтэн, хөндий орчныг өөрчлөх замаар эерэг соёлыг түгээх боломжтой гэж нь Amazonka хэлсэн юм.
Соёлын хамт ухамсар тогтох, нийгмийн хариуцлага тогтох, тухайн худалдан авалтаараа нийгмийн хөгжилд хэрхэн оролцох нь хүртэл өөрөө жижиг асуудал биш болж хувирсан байна. Байгаль орчин, нийгмийн эрх тэгш байдал, эерэг хандлага энэ болгоныг соёлоор дамжуулан илэрхийлэх боломж улам бүрдсээр. Байгаль орчинд ээлтэй, хүний эрхийг дээдэлсэн, бусдыгаа хүндэтгэсэн хариуцлагатай хэрэглээ, дадал хэвшил цар хүрээгээ тэлсээр байгааг энэ удаагийн хэлэлцүүлэг илэрхийллээ.
АПУ Хувьцаат компани 2020 оны үндэсний ТОП-100 аж ахуй нэгжийн ТОП 10-т эрэмбэлэгдлээ.Цар тахлын хүнд сорилт тулгарсан 2020 онд Монгол улсын төсөвт бүрдүүлэх татварын орлого, ажлын байрыг тасралтгүй хангах, харилцагчийн үйл ажиллагаанд дэмжлэг үзүүлэх, экспортын үйл ажиллагаагаа эрчимжүүлэхтэй холбоотойгоор валютын орох урсгалыг нэмэгдүүлэх зэргээр улсынхаа эдийн засагт хувь нэмэр оруулж хамтран зүтгэсэн нийт хамт олон, харилцагч, түнш байгууллагууд, хэрэглэгч та бүхэндээ гүн ТАЛАРХАЛ илэрхийлье. Бидний хамтын зүтгэл эх орноо төлөөлөх дэлхийн брэндийг бий болгож, олон тулгуурт эдийн засгийн хөгжлийн түүчээ болж цар тахлын үед хүнээ дээдэлсэн, хүндээ ээлтэй нийгмийг цогцлоох хөгжлийн зүтгүүр байна гэдэгт итгэлтэй байна. АПУ Компанийн хувьд НҮБ-аас баталж, дэлхийн улс орнууд бүх нийтээр дэмжин хэрэгжүүлж буй Тогтвортой хөгжлийн үндсэн зорилтуудын хурдасгуур болсон томоохон төсөл хөтөлбөрүүдийг хэрэгжүүлж, төр хувийн хэвшлийн хамтын ажиллагааг бэхжүүлэн ажиллаж байна. Тэр дундаа Тогтвортой хөгжлийн 13-р зорилт болох уур амьсгалын өөрчлөлтийн нөлөөг бууруулах зорилгоор кампанийн ажилтнууддаа зориулсан “Мод бид хоёр” төсөл, 15-р зорилт болох хуурай газрын эко системийг хамгаалах, биологийн олон янз байдлыг хадгалж хамгаалах зорилгоор Экологийн Цагдаагийн Албатай хамтран “Байгаль эн тэргүүнд” төсөл, 12-р зорилт болох Хариуцлагатай хэрэглээг дэмжих чиглэлээр “Шилээ дахин амьдруулъя”, “Соёлоор Гоёно”, Нийслэлийн эрүүл мэндийн газрын харъяа Наркологийн эмнэлэгтэй хамтран хэрэгжүүлж буй эрт илрүүлэг, судалгаа мэдээлэл, урьдчилан сэргийлэх төсөл, 4, 10-р зорилт болох Боловсролын салбар дахь тэгш бус байдлыг бууруулах “Маргаашийн манлайлагчид – нийгмийн эерэг өөрчлөлтийг бий болгох 100 оюутны тэтгэлэгт хөтөлбөр” зэрэг олон олон төслүүдийг амжилттай хэрэгжүүлж байна. Бусдыг дээдлэн эрхэмлэж, суралцаж хөгжин амжилт өөд хамтдаа тэмүүлж, үлгэрлэн манлайлж, уламжлалаа хүндэлж, шинийг бүтээх үнэт зүйлсээр нэгдсэн АПУ компанийн нийт хамт олны өмнөөс хөгжил, дэвшлийг бүтээсэн 97 жилийн мөч бүртэй хамт байсан эрхэм та бүгдэд талархал илэрхийлье.
АПУ ХК боловсон хүчнээ нэн тэргүүнд тавьж, тэднийг хөгжиж дэвжих, шинийг суралцахад зориулж олон төсөл хөтөлбөр хэрэгжүүлдэг.
Би өөрийн ажил, мэргэжилтэйгээ хар багаасаа танилцсан азтай хүн. Ажлын талбартаа анх удаа очиход надад цоо шинэ орчин санагдаагүй. Учир нь ээж, аав хоёр маань Спирт комбинатад ажилладаг, энэ байгууллагын хүмүүс манайхаар орж гарч, би ч ажлаар нь хүүхэд байхдаа байнга очдог байлаа. Үйлдвэр маань аав ээжийн минь ид ажиллаж байх үед ямар байсан, одоо хэрхэн хөгжиж дэвшиж өөрчлөгдсөн бэ гэдгийг өөрийн биеэр харж яваа. 1996 онд Дулааны станцын ээлжийн засварчнаар ажилд орсноор энэ компанитай холбоотой миний бүтээх түүх эхэлсэн юм.
1998 онд манайх Спирт Бал Бурам ХХК болж хувьчлагдах үед би их сургуульд элсье гэж шийдээд ШУТИС-д шалгалт өгөөд тэнцсэн. За тэнцдэг юм байж, сургалтын төлбөрөө хэрхэн төлөх билээ гэж санаа зовж байтал тухайн үеийн гүйцэтгэх захирал Л.Элдэв-Очир дуудаад, компанийн үе дамжсан боловсон хүчин бэлдэнэ, чиний сургалтын төлбөрийг бид даана гэж хэлэхэд нуруун дээрээс хүнд ачаа авсан авах шиг болж, маш их баярлаж билээ. Зөвхөн би биш тэр үед компанийн олон ажилтны хүүхдүүдэд ийм боломж тохиож, одоо тэд маань ээж аавынхаа хийж байсан ажил хэргийг үргэлжлүүлэн яваа нь сайхан санагддаг. Сургуулиа төгсөөд компанидаа ажилд орж, Спиртийн үйлдвэрийн нүүрс хүчлийн цехэд савлагчаар ажлын гараагаа эхлэн, 2012 онд Ерөнхий инженер болтлоо дэвшиж, одоог хүртэл энэ албаа хашиж байна.
Өмнө нь үйлдвэрийн инженер байхдаа тоног төхөөрөмж засварлах, үйлдвэрийн хэвийн жигд ажиллагааг алдагдуулчихгүй юмсан гэдэгт л санаа зовнин ажилладаг байлаа. Харин Ерөнхий инженер болоод хүнтэй ажиллах, удирдах чадварт суралцах хэрэг гарсан. Тоног төхөөрөмжийг ямар ч аргаар засварлаад ажиллагаанд оруулж болно. Харин хүн болгон өөр өөр зан араншин, үзэл бодолтой байдаг. Хүнтэй ажиллахад хүмүүсээ хүндлэх, онцлог давуу талыг нь мэдэрч урам зориг, итгэл найдвар өгөх зэрэг нарийн чимхлүүр мэдрэмж, ур чадвар шаардагдана. Азаар манай хамт олон ажлаа гэх сэтгэлтэй, нэг зорилго дор нэгдэж чаддаг нь давуу тал болсон.
Манай компани хувьчлалаар “М-Си-Эс” группийн мэдэлд орсноор зах зээлийн үед компани ямар хэмжээнд ажиллаж, богино хугацаанд хэрхэн чадварлагаар амжилтанд хүрч болдгийг бодитоор харуулж чадсан гэж боддог. Дараа нь “HEINEKEN” компани манай хувьцаа эзэмшигч болсноор бид Олон улсын менежмент, ноү – хау, стандарт туршлагаас суралцан хөгжиж дэлхийн түвшинд ойртсон. Улмаар 2018 онд АПУ компанитайгаа нэгдсэнээр эх орныхоо шингэн хүнс үйлдвэрлэлийн түүхийг бичилцэж явна. Хувь тавилан биднийг үргэлж сайн сайхан зүгт чиглүүлээд байгаа мэт санагдсан он жилүүд байлаа.
АПУ ХК боловсон хүчнээ нэн тэргүүнд тавьж, тэднийг хөгжиж дэвжих, шинийг суралцахад зориулж олон төсөл хөтөлбөр хэрэгжүүлдэг. Хүнээ хамгийн тэргүүнд, эрхэмд тавьдаг компани хэрхэн хөгжиж дэвжиж байдгийн бодит жишээ болж байгааг харж, мэдэрч амжилт өөд хамтдаа тэмүүлж явна.
Анх IV ангид байхдаа уншсан Жюль Вернийн “Нууцат арал” ном хожим миний ажил амьдрал, хувь заяанд нөлөөлнө гэж хэн санах билээ. Гэхдээ л үнэхээр тийм юм болсон юм даа. Сургуулиа төгсөөд нягтлан бодогч, архитектор, инженер гэсэн гурван сонголт өмнө минь ирэхэд Сайрус Смит шиг мундаг инженер болох хүсэл мөрөөдөл маань хатгаж, өдгөө би АПУ ХК-даа засвар үйлчилгээ хариуцсан ахлах инженерээр 22 дахь жилдээ ажиллаж байна.
Хоёр жил дараалан үйлдвэрлэлийн дадлагаа АПУ ХК-д хийсэн болохоор инженер техникийн албаныхнаа таньдаг болчихсон, тэд ч намайг авах сонирхолтой байгаагаа илэрхийлсэн байв. Сургуулиа төгсөөд компани дээрээ яваад очтол шар айраг савлах үйлдвэрт механикчаар ажиллах санал тавьж билээ. Тэр үед манайх вино үйлдвэрлэх шинэ цех байгуулж байсан юм. Ажилд шинээр орсон хүн шууд механикч болох боломжгүй байдаг ч миний хувьд хоёр жил дадлага хийсэн, багахан туршлагатай байсан учраас итгэл хүлээлгэсэн болов уу гэж боддог.
Хувьтай хүн гэж бид нэгнээ ярьдаг даа. Манай АПУ хүнээр бол яг л тийм. Хувь заяа, амжилт ололт нь үргэлж дээшээ өгсөж явдаг. Хүмүүстээ хайртай, ажилчдаа сургаж ч чаддаг, урамшуулж ч чаддаг. Улсын үйлдвэрүүд ид хувьчлагдах үеэр бусад үйлдвэрүүд унаж доройтоод дампуурсан жишээ олон. Бид ч тухайн үед бас эмээж л байсан. Харин АПУ хувьчлагдахдаа хүмүүсээ авч үлдэж, үйлдвэрлэлийн цоо шинэ цаг үе рүү, амжилт өөд хамтдаа алхаж чадсан.
Зуун жилийн түүхийг бүтээж яваа үйлдвэр гэдэг өөрөө их онцлог байдаг юм байна. Үеийн үед энд ажиллаж байсан, байгаа хүмүүсийн ур чадвар, хичээл зүтгэл, сэтгэлийг өөртөө шингээгээд явдаг шиг. Залгамж халаагаа бэлдэх, хүмүүсээ сургах тал дээр манайх их сайн. Шинэ орж ирж байгаа хүмүүсийг залуу, туршлагагүй гэж голдоггүй. Яагаад гэвэл шинэ хүмүүстэй хамт шинэ мэдлэг, шинэ ур чадвар, эрч хүч хамт орж ирнэ. Тэд өмнөх ажилтнуудаасаа суралцах юм байхад, бид ч эргээд асууж зөвлөх юм их гарна. Би хувьдаа зүгээр суух, зөвхөн оногдсон ажлаа л хийх гэдгийг төдийлөн таашаадаггүй хүн. Юм юм туршиж үзэх, суралцах их дуртай. Залуу мэргэжилтнүүддээ ч мөн тэгж хэлдэг.
Механик инженер гээд би зөвхөн эрэг боолт тайлаад суух уйтгартай. Тийм учраас би хэлтсийнхээ бусад мэргэжилтнүүдээс асууж суралцсаар ирсэн. Одоо бол өөрийнхөө хэмжээнд найз нөхөд, үр хүүхдийнхээ байшинг барилаа гэхэд зургийг нь гаргаад, сантехник, цахилгааных нь учрыг хүний гар харахгүйгээр өөрөө гардаад хийчих хэмжээнд хүрсэн. Ер нь хүний сурсан юм гэдэг хэн ч булааж авч чадахгүй их хүч. Шинэ юм сурах бүрт тэр чамайг нэг шат ахиулж байдаг гэдэгт итгэдэг. Энэ ажлыг ингэж л хийх ёстой, ингэж хийсээр ирсэн гэсэн хуучин, хэвшмэл үзэлд дургүй. Толгойгоо ажиллуулж, яавал илүү дээр байж болох вэ гэдгийг үргэлж бодож байх хэрэгтэй. Тийм учраас би ажил дээрээ жаахан “зөрүүд” нэртэй (инээв).
Техник технологи хөгжөөд урьд нь хүний гараар хийдэг байсан олон үйлдэл автоматжиж байна. Ямар ч чадалтай техник технологи чамайг орлож чадахгүй болтол сурч, боловсорч, өөрийгөө үргэлж шинэ мэдлэг мэдээллээр цэнэглэж, ур чадвараа хөгжүүлж яваарай гэж залуусдаа захидаг даа.
АПУ ХК нь “Залуу хүмүүст итгэдэг, тэдэнд боломж олгодог, ирээдүйгээ бэлтгэхдээ онцгой анхаарал тавьдаг болохыг нь өөрөө орсон хойноо анзаарсан”.
Хүмүүс өөрсдийн эрхийг хамгаалах тухай хангалттай мэдлэггүйгээс үүдээд эрх ашиг, сонирхлоо хамгаалж чадахгүй тохиолдол их байдаг, хүний эрхийг хамгаалахад хуульч хүн хамгийн их хувь нэмэр оруулдаг тухай телевизийн ярианаас сонсоод надад их хүчтэй нөлөөлсөн. Ямар мэргэжил сонгох тухайгаа нухацтай бодсоны эцэст хуулийн чиглэлээр сурaхаар шийдсэн. Нийгмийн тухай мэдлэг хичээлээ голчлон бэлтгэж, хот, улсын олимпиадын тэргүүн байр эзэлж МУИС-ийн Хууль зүйн сургуульд урилгаар элсэн орж, өнгөрсөн жил олон улсын эрх зүйгээр мэргэшсэн эрх зүйч болж төгссөн.
Төгсөөд удалгүй АПУ ХК-ийн ажлын зар олж хараад, анкет бөглөсөн. Ийм том компани дөнгөж их сургуулиа төгссөн намайг авахгүй л байх даа хэмээн өөртөө итгэлгүй бодож байсан маань бодит байдал дээр өөрөөр эргэж, энэ сайхан хамт олны нэг хэсэг болсон. Залуу хүмүүст итгэдэг, тэдэнд боломж олгодог, ирээдүйгээ бэлтгэхдээ онцгой анхаарал тавьдаг болохыг нь өөрөө орсон хойноо анзаарсан. Ийм их итгэлийн хариуд би ажилдаа сул хандаж болохгүй, нямбай, сэтгэлээсээ ажиллах, бусдаас суралцах боломж бүрийг алдахгүй байх зэргийг өөртөө сайтар суулгахыг хичээдэг. Ирээдүйд олон олон залууст итгэл хүлээлгэн, боломж олгох нь миний ямар байхаас тодорхой хэмжээнд шалтгаалах юм шиг санагддаг учраас хариуцлагатай хандахыг өөртөө сануулдаг.
Анх ажилд ороод Хуулийн албаны Чанарын менежментийн ISO 9001:2015-д хамаарах үйл ажиллагааг хариуцахаар томилогдож, түүнтэй холбогдох бүхий л баримт бичгүүдийг таних, боловсруулах, хавтас бүрдүүлэх, компанийн ихэнх албадын үйл ажиллагааны хуулийн нийцлийг үнэлж, дүгнэх даалгавар авсан. Мэдээж ажлын талбарт гараад удаагүй надад мэдэхгүй, чадахгүй гэх олон зүйл гарч байсан ч хамт олныхоо тусламжтайгаар ард нь гарч, их зүйл мэдэж авсан. Хамгийн гол нь би шинэ, би залуу гэж өөрийгөө голж хойш суухгүй, оногдсон үүрэг даалгаврыг биелүүлж, тэр явцдаа өөрийгөө хөгжүүлэх нь залуу мэргэжилтнүүдэд хэрэгтэй санагдсан.
Ажил мэргэжлийн маань гол онцлог зүйл нь тухайн хүнээс маш их тэвчээр, хөдөлмөр, тууштай байдлыг шаарддаг. Түүнчлэн сэтгэлийн хаттай байх, бусдын эрхийг хамгаалахын тулд өөрийн мэдлэгээ үргэлж тэлж байх хэрэг гарна. Өглөө ажлын цаг эхлэхээс өмнө ирж, хувийн таатай орчноо бүрдүүлж, тухайн өдрийн хийх зүйлсдээ өөрийгөө бэлтгэдэг. Харин ажлын цаг дууссаны дараа тэр өдрийнхөө хийсэн ажлуудаа бүртгэж, дутуу зүйлсээ хянаад, өөрийгөө дүгнэж аваад ажлаасаа гарах дуртай. Энэ дундуур ажлынхантайгаа хэсэгхэн зуур ярилцаж, хөгжилдөх, түр гарч агаар амьсгалах зэрэг бяцхан амралтыг өөртөө зөвшөөрдөг. Ийм жижигхэн зүйлс ажлын гүйцэтгэлийг сайжруулах хамгийн том хөшүүрэг болдог гэж боддог.
Хувьцаа эзэмшигчдийн хурал болсон огноо, газар: 2016 оны 04 дүгээр сарын 22-ний өдөр АПУ ХК-ийн Хувьцаа эзэмшигчдийн ээлжит хурал ХУД-ийн Соёлын ордонд 15:00-18:00 цагийн хооронд болов.
Хурлын ирц: Хувьцаа эзэмшигчдийн хуралд ҮЦТТТХТ-с 2016 оны 03 дүгээр сарын 16-ны өдрөөр тасалбар болгон гаргасан хувьцаа эзэмшигчдийн дэлгэрэнгүй судалгаанд багтсан нийт 69,906,115 хувьцаа эзэмшдэг 187 хувьцаа эзэмшигчид биеэр оролцсон нь 74,287,700 ширхэг энгийн хувьцаанаас 94,1% болж хуралд оролцож санал өгсөн тул хурал хүчин төгөлдөр болсон байна.
Хурлаар дараах асуудлыг хэлэлцэн баталсан байна:
Хурлаас гарсан шийдвэр:
3.1 Компанийн Дүрмийн 4.9, 7.22.11, 9.А, 9.2, 9.3, 9.5, 9.6 дахь заалтын “аудитор” гэснийг “аудит” болон “аудитын байгууллага” гэх асуудлыг 78.89 хувийн саналаар батлав.
3.2 Компанийн дүрмийн 7.22.5 дахь заалтыг “Энгийн хувьцааг худалдан авах эрхийн бичиг болон хувьцаанд хөрвөх үнэт цаас, опцион гаргах шийдвэр гаргах, түүнтэй холбоотой журмыг батлах” асуудлыг 78.8 хувийн саналаар батлав.
3.3 Компанийн дүрмийн 7.22.5 дахь заалтыг “Компанийн салбар, төлөөлөгчийн газар байгуулах, хөрөнгө оруулалт хийх замаар охин болон хараат компани байгуулах, шинээр байгуулагдсан компанийн хувьцаа эзэмшигчдийн бүрэн эрхийг эдлэх” гэх асуудлаар 78.8 хувийн саналаар батлав.
Арван жилийн сургуулиа онц дүнтэй төгсөөд, гадаадын хуваарь авах хүсэлтэй байсан ч яг тэр үед ЗХУ-д ардчилал болоод ээж аавынхаа зөвлөснөөр ШУТИС-ийн Хүнсний технологийн ангийг сонгон орж байлаа. Тэр жилийн элсэлтийн хүүхдүүд Исгэлтийн технологич инженер мэргэжлээр дотооддоо сурсан анхны оюутнууд болж байв. Жирийн арвай будааг дэвтээж ургуулаад, хөрөнгөөр исгээд, зөрөг цэцгээр амтлаад шар айраг болгодог технологи, тэр процесс их сонирхолтой санагдаж энэ мэргэжлээр суралцсан.
Оюутан байхдаа II курсээс эхлэн АПУ компанийн Шар айргийн үйлдвэрийн исгэлтийн цех, дарсны цехэд дадлага хийж, хожим Архины үйлдвэрээс ажлын гараагаа эхэлсэн. 2003 онд Дарсны цехийн мастераар томилогдон Химийн хүрээлэнгийн эрдэмтэн Дамдин гуай, олон жил ундааны ханд болон найрлага бэлтгэх хэсэгт ажиллаж байсан Оюунчимэг, Дашзэвэг эгч нартайгаа хамтран эх орныхоо зэрлэг жимс аньс болон таримал үхрийн нүд жимсийг уламжлалт аргаар ариутгаж исгэн “Жимсгэнэ” дарсыг үйлдвэрлэх ажилтай холбогдсон нь одоо эргээд харахад сонин сайхан түүх.
Тэр үедээ л анх удаа жинхэнэ дарсны өндөр хүзүүтэй шилэнд үйсэн бөглөөгөөр бөглөн хэрэглэгчдээ хүргэж байсан. “Жимсгэнэ” дарсаа шинэ жилийн өмнө үйлдвэрлэх болоод бөглөгч машин нь ирээгүй байхад гараараа бөглөх гэж хөглөж байснаа дурсах дуртай. Үйсэн бөглөөгөө усанд дэвтээж, үрж нарийсгаад бөглөх, резинэн алхаар цохиж оруулах гэх мэтээр олон янзаар туршиж бүтэлгүйтсэн хөгжилтэй түүхүүд ч бий. Дарсны цехийнхэн, ачигч нарыгаа удирдаад ямаахайн үндэс, аньсны навч түүхээр хөдөө хээр хүрз бариад ачааны машин дээр шижигнүүлж явсан. Энэ бүхэн компанийн хувьд ч тэр, бидний хувьд ч тэр эргээд харахад сайхан дурсамж.
Би ууланд авирах дуртай. 2015 онд ажиллагсдынхаа чөлөөт цагийг зөв өнгөрүүлэх, ажиллагсдын оролцоог нэмэгдүүлэх зорилгоор 11-н сонирхлын клуб байгуулж байсны нэг нь “APU Hiking Club”. Тэр үеэс хойш одоог хүртэл энэ клубийнхээ Админаар нь ажилладаг. Гималайн нурууны далайн төвшнөөс дээш 6000м өндөртэй Им Жа Цэ болон Лобуче гэсэн хоёр том оргилд гурав хоногийн зайтай амжилттай авирч, компанийнхаа тугийг мандуулж байсан. Энэ авиралтад компанийн удирдлагууд хамт олон маань маш их дэмжсэнд одоо ч баярлаж бахархаж байдаг.
2019 онд манай клубийн идэвхтэй алхдаг гишүүдээс бүрдсэн баг Монгол Улсын дээвэр болох Алтай Таван Богдын Хүйтэн оргилд Монгол Улсын гавьяат тамирчин Б.Гангаамаагийн удирдлага дор амжилттай авирсан. Тэгж явсаар 2020 онд манай клубийн дөрвөн гишүүн уулын холбооны “Дөрвөн бэрх” цомын эзэн болсон. Энэхүү цом нь Монгол Улсынхаа дөрвөн том нуруу /Алтай, Хангай, Хэнтий, Саяны нуруу/-ны ноён оргилд амжилттай авирсан ажилтанд олгодог шагнал юм.
Миний хувьд олон жил тогтвортой ажиллан, олон олон асуудал бэрхшээл, шинэ боломжууд дээр тасралтгүй суралцсан нь өндөр ууланд авирах тэсвэр тэвчээр, тасралтгүй урагшлах эрч хүч, хамтрагч нартаа итгэж хамтдаа даван туулах итгэл, өөртөө итгэлтэй хувь хүн болоход нөлөөлсөн гэж боддог. Манай үйлдвэрүүд тасралтгүй 24 цагаар ажилладаг. Ус ундаа, шар айраг, сүү сүүн бүтээгдэхүүн гээд олон төрлийн бүтээгдэхүүн үйлдвэрлэдэг учраас цаг маш хурдан өнгөрдөг. Гэсэн ч ажлын цагтаа бүтээмж өндөртэй ажиллан, амралтын цагаа гэр бүл болон өөртөө зориулахыг хичээдэг.
Компани маань тасралтгүй хөгжиж, өөрчлөгдөж байдаг учраас дасан зохицох, өөрчлөлтөд үргэлж бэлэн байх чадвар чухал санагддаг. Компанийн маань үйл ажиллагааны өөрчлөлт бүр бидний хувьд хөгжил дэвшлийг авчирч, хамт олон руу чиглэсэн олон хөтөлбөр, санаачилга ажлууд нь уйдах завдал олгодоггүй.
АПУ Компани Төгс Төгөлдөр Тунгалаг гэсэн үндсэн гурван үзэл баримтлалыг мөрдлөг болгон ажилладаг. Энэхүү гурван үзэл баримтлал нь бидний цаашдын амжилт үндэс, оршин тогтнох баталгаа юм.
ТӨГС чанар: Бид бүхий л түвшинд чанарыг эрхэмлэж, хэрэглэгч, харилцагч, хамтрагчдынхаа эрхэм сонголт байхын төлөө ажилладаг.
Бид 100 жилийн турш хэзээд хэрэглэгчдийнхээ эрхэм сонголт байсаар ирсэн билээ. Ийм урт хугацаанд хэрэглэгчдийнхээ итгэлийг алдаагүй нь чанарыг эрхэмлэж ирсний үр дүн юм. Дараа дараагийн 100 жилүүдэд ч хэрэглэгчдийнхээ эрхэм сонголт нь байхын тулд цаашид ч өдөр тутам ТӨГС үзэл баримтлалаа чанд мөрдөх болно.
Бид чанарыг үргэлж сайжруулж, хүнсний аюулгүй байдлыг ханган ажиллах үүрэгтэй. Манай хамт олон бүтээгдэхүүн үйлдвэрлэлийн шат тутамд олон улсын стандартад нийцсэн технологи нэвтрүүлж, өдөр бүр бүтээгдэхүүний дээжээс шинжилж чанарыг баталгаажуулдаг.
Бид бүтээгдэхүүний санаа гарахаас эхлээд эцсийн хэрэглэгчийн гар дээр очих хүртэлх бүхий л шатанд чанарыг эрхэмлэдэг. Манай бүтээгдэхүүн хүн бүрийн эрэлт хэрэгцээнд нийцэхүйц чанартай байх нь бидний эрхэм даалгавар юм.
ТӨГС үзэл баримтлал нь бүтээгдэхүүн үйлдвэрлэл төдийгүй харилцагч, хамтрагчидтайгаа ажиллах өдөр тутмын хамтын ажиллагаанд ч хамаатай. АПУ ХК харилцан өгөөжтэй хамтын ажиллагааг хөгжүүлэхэд ямагт анхаарч, дотоод гадаадын тэргүүн туршлагуудыг нэвтрүүлж ажилладаг.
АПУ Компани Төгс. Төгөлдөр.Тунгалаг гэсэн үндсэн гурван үзэл баримтлалыг тодорхойлон мөрдөн ажилладаг. Эдгээр гурван үзэл баримтлал нь бидний цаашдын амжилт, оршин тогтнох үндэс юм.
Бид хүн, нийгэм ба эх дэлхийд ээлтэй үйл ажиллагаа явуулж, байгальд сөргөөр нөлөөлөх нөлөөллийг алхам бүртээ багасгаж, гэрэлт ирээдүйг хамтдаа цогцлооно.
Бид цаашид олон зуун жил хэрэглэгч, харилцагч, хамтрагч, хамт олныхоо амьдралын баяр хөөртэй мөч бүрийг хамтдаа хуваалцах том зорилготой. Үүний тулд биднийг хүрээлэн буй хүн, нийгэм, эх дэлхийтэйгээ хамт орших нь бидний даалгавар болж байна. Хүн, нийгэм болон эх дэлхий бол бидний оршин тогтнох баталгаа билээ. Иймдээ ч бид НҮБ-ийн Тогтвортой Хөгжлийн Зорилтуудын хүрээнд үйл ажиллагаа явуулахыг эрхэм болгодог.
Хүн, нийгэм: ” Аливаа байгууллага хамтрагч, харилцагч, хэрэглэгч болон хамт олон үгүй бол оршин тогтнож чадахгүй. Тиймээс бид бүхий л түвшиндээ оролцогч талуудынхаа сайн сайхны төлөө хичээн ажилладаг.
Эх дэлхий: ” Манай брэндүүд, үйлдвэрлэн хүргэж буй бүтээгдэхүүнүүд 100% байгалийн түүхий эдээр бүтээгддэг. Эх дэлхий, байгаль орчны асуудал бол бид бүгдийн асуудал. Тиймээс бид өдөр тутамдаа орчин тойрондоо ээлтэй үйл ажиллагаа явуулахад анхаарч, манай үйлдвэрлэл, бүтээгдээхүүнээс үүдэн гарах нөлөөллийг багасгахын төлөө шамдан ажилладаг.
АПУ Компани Төгс Төгөлдөр Тунгалаг гэсэн үндсэн гурван үзэл баримтлалыг мөрдлөг болгон ажилладаг. Энэхүү гурван үзэл баримтлал нь бидний цаашдын амжилтын үндэс, оршин тогтнох баталгаа юм.
Төгөлдөр: “ Бид баяр хөөртэй, дахин давтагдашгүй, нандин сайхан мөчүүдийг түгээнэ.”
Манай бүтээгдэхүүнүүд хүний амьдралын мартагдашгүй мөчүүдийг бүтээж, гэр бүл, найз нөхөд, хамт олныг нэгтгэдэг. Бид зөвхөн хүнс, ундаа, хэрэглээ биш хэрэглэгч, харилцагч, ханган нийлүүлэгч, хамтрагч, хамт олондоо дахин давтагдашгүй мөчүүдийг түгээдэг.
М-Би-Си Азиа Пасифик ХХК-ийн шар айрагны үйлдвэр нь анх 2007 онд ба байгуулагдсан жилдээ 30.000.000 литр шар айраг үйлдвэрлэх хүчин чадалтай. Уг үйлдвэрийг олон нийт Тайгер шар айрагны үйлдвэр гэдгээр илүү сайн таних байх. Ингээд та бүхнийг тус үйлдвэрийн виртуал аялалд урьж байна.
Аялалаа эхлэхийн өмнө та бүхэн ойр орчимдоо саад болох зүйлгүй байх тал дээр анхаараарай.
Өег нүнжиг тослогтой өтгөн сайхан цэвэр сүү
АПУ ХК экспортын зах зээлд чиглэсэн үйл ажиллагаагаа эрчимжүүлж хамтын ажиллагааны шинэ түвшинг тодорхойлох стратегийн уулзалт зохион байгууллаа. АПУ ХК-ийн маркетинг эрхэлсэн Захирал Д.Ариунаа, ОХУ-ын Красноярск хот дахь АПУ ХК-ийн 100% хөрөнгө оруулалттай охин компани болох Гранд ХХК-ийн удирдлагуудын хамт Татспиртпром ХК-ийн удирдлагуудтай 6-р сарын 9-ний өдөр Татарстаны нийслэл Казань хотноо албан ёсны уулзалт хийлээ. Уулзалтын хүрээнд АПУ ХК нь ОХУ-ын зах зээлд Татспиртпром ХК-иар дамжуулан нийлүүлж буй брэнд бүтээгдэхүүний нэр төрлийг нэмэгдүүлэх талаар санал солилцож, технологийн өндөр түвшний стандарт, ноу-хау шингэсэн үндэсний брэнд бүтээгдэхүүнийг олон улсын хэрэглэгчдэд хүргэх асуудлаар хэлэлцлээ. АПУ ХК нь экспортын үйл ажиллагаандаа онцгойлон анхаарал хандуулж Монгол брэнд бүтээгдэхүүнийг дэлхийн зах зээлд таниулж, экспортын орлогыг нэмэгдүүлэхийн зэрэгцээ улсын эдийн засаг, валютын орох урсгалыг нэмэгдүүлэх чиглэлд эрчимтэй ажиллаж байна. Энэ хүрээнд ОХУ-ын зах зээлд нийлүүлж буй брэнд бүтээгдэхүүний борлуулалтыг нэмэгдүүлэх, бүтээгдэхүүний нөөцийн оновчлол, тээвэр логистикийн асуудлуудыг сайжруулах зорилгоор Эрхүү хотноо дахин нэг салбар компани байгуулан үйл ажиллагаагаа өргөжүүлээд байна. Татспиртпром ХК-ийн албан мэдээллийг дараах холбоосоор хүлээн авна уу: https://bit.ly/3vf6gqb via Tatspirtprom
犀利士
Монгол орны хөрсөнд ургасан байгалийн аньстай Маамууг Эрүүл Монгол хүүхдийн өдөр тутмын хэрэглээнд зориулан гаргалаа. А, С, В1, В2 аминдэм кали, кальци,магни, төмөр, иод зэргийг агуулсан нь биеийн эсэргүүцлийг дэмжих онцгой нөлөөтэй. Худалдаанд гарснаас хойш бяцхан хэрэглэгчдийн дуртай бүтээгдэхүүний нэг болсон билээ.
Монгол орны хөрсөнд ургасан байгалийн чацарганатай Маамууг Эрүүл Монгол хүүхдийн өдөр тутмын хэрэглээнд зориулан гаргалаа. А, С, В1, В2 аминдэм кали, кальци,магни, төмөр, иод зэргийг агуулсан нь биеийн эсэргүүцлийг дэмжих онцгой нөлөөтэй. Худалдаанд гарснаас хойш бяцхан хэрэглэгчдийн дуртай бүтээгдэхүүний нэг болсон билээ.
Монгол үндэстний эрт дээр үеэс хүнсэндээ хэрэглэж ирсэн цагаан идээний нэг болох “өрөм “ үйлдвэрлэлийн уламжлалт аргыг орчин үеийн дэвшилтэт технологитой хослуулан үйлдвэрлэсэн Дээж өрөм нь зөөлөн тааламжтай амттай бөгөөд хамгийн дээд зэрэглэлийн тос тул хүний биед 100% шингэнэ.
М-Би-Си Азиа Пасифик ХХК-ийн шар айрагны үйлдвэр нь анх 2007 онд ба байгуулагдсан жилдээ 30.000.000 литр шар айраг үйлдвэрлэх хүчин чадалтай. Уг үйлдвэрийг олон нийт Тайгер шар айрагны үйлдвэр гэдгээр илүү сайн таних байх. Ингээд та бүхнийг тус үйлдвэрийн виртуал аялалд урьж байна.
Аялалаа эхлэхийн өмнө та бүхэн ойр орчимдоо саад болох зүйлгүй байх тал дээр анхаараарай.
Монголчууддаа зориулав
Монгол үнээний сүүгээр аарцны уламжлалт технологийг орчин үеийн дэвшилтэт тоног төхөөрөмжид суурилан бэлтгэсэн “Дээж” аарцан амттан нь амттаны оронд хамгийн хэрэглэхэд тохиромжтой эрүүл байгалийн цэвэр бүтээгдэхүүн юм.
Аарц нь кальци, уурагаар баялаг тул таны дархлааг дэмжих давуу талтай.
Орц /энгийн/: Үнээний сүү, Сүүн хүчлийн цэвэр өсгөврийн хөрөнгө, Элсэн чихэр
Хадгалах нөхцөл: -10-18 хэмд 5 сар хадгална.
Төрөл: Энгийн болон Ж犀利士
имстэй 2 төрлийн амттай
Хэмжээ: 180гр
Монголчууддаа зориулав
Монгол үнээний сүүгээр аарцны уламжлалт технологийг орчин үеийн дэвшилтэт тоног төхөөрөмжид суурилан бэлтгэсэн “Дээж” аарцан амттан нь амттаны оронд хамгийн хэрэглэхэд тохиромжтой эрүүл байгалийн цэвэр бүтээгдэхүүн юм.
Аарц нь кальци, уурагаар баялаг тул таны дархлааг дэмжих давуу талтай.
Орц /энгийн/: Үнээний сүү, Сүүн хүчлийн цэвэр өсгөврийн хөрөнгө, Элсэн чихэр
Хадгалах нөхцөл: -10-18 хэмд 5 сар хадгална.
Төрөл: Энгийн болон Жимстэй 2 төрлийн амттай
Хэмжээ: 180гр
2020 оны 1 сарын 28-ны өдрөөс 31-ний өдрүүдэд Москва хотноо зохион байгуулагдсан “Eurasia Spirit Drinks” тэмцээнд ОХУ, Финлянд, Латви, Бельги, Хятад, Монгол зэрэг нийт 10 гаруй улс орны 120 гаруй брэнд бүтээгдэхүүнүүд оролцсоноос үндэсний ууган үйлдвэр АПУ компанийн Ерөөл брэнд “Гадаадын шилдэг брэнд” төрөлд амт чанараараа тэргүүлэн алтан медаль, премиум сегментийн “Гадаадын шилдэг архи” төрөлд ARKHI EXPORT брэнд мөнгөн медаль тус тус хүртэж Монгол улсын шингэн хүнсний үйлдвэрлэлийн чанар стандарт, нэр хүндийг дахин баталгаажууллаа.
Дэлгэрэнгүй мэдээллийн дараах холбоосоор орж үзнэ үү: https://bit.ly/3xsOMaX
2020 оны 5 дугаар сард Европийн Брюссель хотноо олон улсын чанарын институтээс 59 дахь жилдээ зохион байгуулсан “Monde Selection” тэмцээнд АПУ компанийн шилдэг брэндүүд амжилттай оролцож өөрсдийн үнэ цэнийг тодорхойллоо. “Aurug”, “Evok”, “Soyombo” зэрэг брэндүүд “Gold award” шагналыг хүртлээ.
Уг тэмцээнд олон улсын нийт 3300 гаруй брэнд бүтээгдэхүүн оролцож, тусгай томилогдсон мэргэжилтнүүд, их сургуулийн профессорууд, нэр хүндтэй хүнсний салбарын инженерүүд болон нийт 80 гаруй мэргэжлийн амтлагчид оролцож шалгаруулдгаараа бусад тэмцээнүүдээс нэр хүндээрээ ялгардаг байна.
2020 оны 5 дугаар сард Европийн Брюссель хотноо олон улсын чанарын институтээс 59 дахь жилдээ зохион байгуулсан Monde Selection тэмцээнд АПУ компанийн Chinggis Khan болон Chinggis Grandkhaan брэндүүд Grand gold буюу дээдийн дээд тэргүүн байрыг амт, чанар, дизайн зэргээрээ тэргүүллээ.
Уг тэмцээнд олон улсын нийт 3300 гаруй брэнд бүтээгдэхүүн оролцож, тусгай томилогдсон мэргэжилтнүүд, их сургуулийн профессорууд, нэр хүндтэй хүнсний салбарын инженерүүд болон нийт 80 гаруй мэргэжлийн амтлагчид оролцож шалгаруулдгаараа бусад тэмцээнүүдээс нэр хүндээрээ ялгардаг байна.
Монголчууддаа зориулав
“Дээж” цөцгийн тос нь үнээний цэвэр сүүний цөцгийг орчин үеийн техник технологиор боловсруулан үйлдвэрлэсэн өрөм мэт цөцгийн тос юм. Цөцгийн тос нь биологийн идэвхит бодис болох фосфолипид, тосонд уусдаг амин дэмүүд (A, E, D), бетта каротин, нүүрс ус, эрдсээр баялаг тул хоол хүнсэндээ хэрэглэхэд тохиромжтой.
Тослог: 75%
Илчлэг: 742 ккал
Уураг: 0.85гр
Хэмжээ: 180гр
Монголчууддаа зориулав
Дээж ааруул нь орчин үеийн дэвшилтэт технологийг цагаан идээ бэлтгэх уламжлалт аргатай хослуулан үйлдвэрлэсэн бүтээгдэхүүн юм.
Тослог: 1.5%
Илчлэг: 422 ккал
Уураг: 30 гр
Савалгаа: Уутан савалгаа
Хэмжээ: 900гр, 400гр
Монголчууддаа зориулав
“Дээж” цөцгийн тос нь үнээний цэвэр сүүний цөцгийг орчин үеийн техник технологиор боловсруулан үйлдвэрлэсэн өрөм мэт цөцгийн тос юм. Цөцгийн тос нь биологийн идэвхит бодис болох фосфолипид, тосонд уусдаг амин дэмүүд (A, E, D), бетта каротин, нүүрс ус, эрдсээр баялаг тул хоол хүнсэндээ хэрэглэхэд тохиромжтой.
Тослог: 82%
Илчлэг: 742 ккал
Уураг: 0.85гр
Хэмжээ: 180гр
Монгол үндэстний эрт дээр үеэс хүнсэндээ хэрэглэж ирсэн цагаан идээний нэг болох “өрөм “ үйлдвэрлэлийн уламжлалт аргыг орчин үеийн дэвшилтэт технологитой хослуулан үйлдвэрлэсэн Дээж өрөм нь зөөлөн тааламжтай амттай бөгөөд хамгийн дээд зэрэглэлийн тос тул хүний биед 100% шингэнэ.
Төрөл: Дээж энгийн болон шанзтай өрөм
Хэмжээ: 180гр
Харилцагчдынхаа мэдлэг оюунд хөрөнгө оруулалт хийж “Амжилтын төлөө Хамтдаа 2021” цахим хэлэлцүүлэг зохион байгууллаа.
Монгол улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, харилцагчдынхаа мэдлэг оюунд хөрөнгө оруулалт хийж, салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа 2021” цахим хэлэлцүүлэг зохион байгуулж хүргэлээ. Уг хэлэлцүүлэгт цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар туршлага мэдээлэл солилцлоо.
Хэлэлцүүлгийг бүтнээр үзэхийг хүсвэл энд дарна уу.
Монгол улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, харилцагчдынхаа мэдлэг оюунд хөрөнгө оруулалт хийж салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа-2021” цахим хэлэлцүүлэг зохион байгууллаа. Уг хэлэлцүүлэгт цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар туршлага мэдээлэл солилцлоо. Энэ дундаа “Амжилт” гэдэг ойлголтыг энэ үед өөрөөр тодорхойлж цар тахлын энэхүү нөхцөл байдалд эрхэмлэдэг үнэт зүйлстэйгээ уялдуулан арай өөрөөр ойлгох шаардлага бий болж байна. Тиймээс хамтдаа үнэ цэнэтэй хамтын ажиллагааг бий болгоё гэж компанийн удирдлагууд онцолж байв.
Энэ үеэр АПУ ХК-ийн Гүйцэтгэх захирал Ц.Эрдэнэбилэг: “Амжилтыг бид энэ амаргүй үед бие биенээ гэсэн сэтгэлээр, хүнлэг энэрэнгүй соёл, бусдыг дээдлэн эрхэмлэх үнэт зүйлсээр тодорхойлох нь зүйтэй. Хүнээ хамгаалсан, хүнээ хөгжүүлсэн, хүн төвтэй менежментийн эерэг үр дүнг бид амжилт гэж харцгаая. Энэ ч утгаараа өнөөдөр бидний хамт олон 10 мянга гаруй харилцагчдадаа чиглэсэн эерэг үр дүн, боломжийг хамтын хүчээр бий болгох арга хэмжээг цахим хэлбэрээр санаачлан зохион байгуулж байна. Энэ цаг үед ч бас бидний хамт олон хэрэглэгчдэдээ ээлтэй бодлого баримтлаж дархлаа дэмжих үүднээс дархлаажуулалтын амин хүнс болох “Сайн” брэндийн “Д” витаминтай сүүгээ компанийн бүх ашгийн үзүүлэлтийг хасч цэвэр өөрийн өртгөөр нь зах зээлд нийлүүлэхээр боллоо.
Харилцагч, хэрэглэгч, хамтран ажиллагсад та бид бүгдээрээ Ковид-19 цар тахалтай тэмцэхийн тулд хариуцлагаа нэмж, хайртай хүмүүсээ хамгаалж, хамтдаа даван туулъя гэж уриалж байна.” гэж онцолсон юм.
Цахим хэлэлцүүлгийг хатуу хөл хорио тавигдахаас өмнө халдвар хамгааллын дэглэмийн дагуу зохион байгуулсан ба АПУ ХК-ийн албан ёсны Facebook page /APU Company | Facebook/ болон өргөн нэвтрүүлгийн телевизүүдээр хүлээн авч үзээрэй
Дунд сургуулиа төгсөхдөө “Нийслэлийн шилдэг сурагч”-аар шалгарч, өөрийн хүссэн сургуульд, хүссэн мэргэжлээрээ суралцах боломж тохион, ээжийнхээ зөвлөснөөр санхүүгийн менежмент чиглэлээр суралцсан. Их сургуулиа амжилттай дүүргээд АПУ ХК-ийнхаа нэг хэсэг болж, анх цалин хөлсний эдийн засагчаар ажилд орж байлаа.
Эхний даалгавар маань компанийнхаа цалин хөлсний бодлого, журмыг шинэчлэх байсан. Бүх үйлдвэр, инженер, ложистик, захиргааны ажилтнуудын цалинг шинэчлэн тогтоохтой холбоотойгоор компанийнхаа бүхий л хүмүүстэй уулзах шаардлага гарч, энэ зуур ажил болоод ажилтнуудынхаа талаар олон зүйл ойлгож мэдсэн нь надад их сонирхолтой, бас туршлага суулгасан ажил байсан. Тэдний нарийн мэргэшсэн, маш туршлагатай, мэргэжлийн байгааг хараад өөрийн эрхгүй бахархаж, нөгөө талаасаа миний хувьд ажлаа маш сайн хийх, алдаж болохгүй гэх ташуур болсон болов уу.
Анх орсноос зургаан жилийн дараа, хоёр компани нэгдэхийн өмнө Австралийн топ 3 их сургуулийн нэг болох UNSW-ийн Олон улсын бизнесийн удирдлагын магистрын ангид суралцах боломж олдсон. Өөрийгөө хөгжүүлэх, ажил мэргэжлийн хувьд ахин нэг амьсгаа авч, дээрээс нь ажлын талбарт тодорхой хэмжээний туршлага хуримтлуулсныхаа дараа дахин суралцаж, шинэ мэдлэг мэдээлэл хуримтлуулах гайхалтай завшаан байлаа. Миний хувьд дан санхүүгийн нарийн мэргэжлээр ажиллаж байсан тул хувь хүний хөгжил, менежментийн ур чадвар сайжруулах зайлшгүй шаардлагатай нүүр тулсан байсан үе. Тиймээс Австралид сурсан гурван жилдээ хувь хүний хөгжил, бизнесийн стратеги болон менежментийн чиглэлд өөрийгөө илүү хөгжүүлэх гэж хичээсэн. Энэ шийдвэрийг маань компанийн хувьд ч их дэмжиж, одоо буцаж ирээд хоёр дахь жилдээ ажиллаж байна.
Ажил мэргэжил биднийг тодорхойлж, бид үүнээсээ байнга суралцаж байдаг гэдэг нь үнэн байх. Европын Сэргээн Босголт Хөгжил болон “Кредит Суиссе” банкнуудаас одоогийн сүүний үйлдвэр, автомат агуулах, шинэ пивоны үйлдвэрийн өргөтгөлтэй холбоотой санхүүжилтийг босгох ажлын хүрээнд төсөл тус бүрийн санхүүгийн тооцоолол, цаашлаад групп компанийн санхүүгийн таамаглалыг нэгтгэн боловсруулах ажлыг гүйцэтгэсэн нь миний хувьд хамгийн том, хариуцлагатай ажлуудын нэг байсан. Олон улсын санхүүгийн байгууллага, хөрөнгө оруулагч болон зээлдэгчдийн шаардлага, хүлээлтийг ойлгох, шинэ сүүний үйлдвэр болоод автомат агуулахын төслийн хувьд оргүй хоосноос шинэ төсөл боловсруулах, бүхий л оролцогч талуудтай хамтран ажиллах ур чадваруудад суралцах зэргээр хувь хүн болоод мэргэжлийн хувьд олж авсан зүйл их.Санхүүгийн менежментийн онцлог нь санхүүгийн эрүүл байдлыг хянаж байдаг эмч гэж би боддог. “Төгс, төгөлдөр, тунгалаг” байхын тулд компани санхүүгийн хувьд ч эрүүл, эрч хүчтэй байх ёстой.