АПУ ХК нь цэвэр усны эх үүсвэрийг хайрлан хамгаалж, нөөцийг үр ашигтай ашиглах, хэмнэх үүднээс 2021 онд 13,589 м3 усыг дахин ашиглалаа. Бид “Тогтвортой хөгжлийн зорилтууд”-д хүрэхийн төлөөх хүчин чармайлтаа улам нэмэгдүүлж, нэгж бүтээгдэхүүнд зарцуулагдах усны хэрэглээг бууруулан, усны дахин ашиглалтыг нэмэгдүүлэхэд анхаарч ажиллаж байна.
Бусдыг эрхэмлэн дээдлэ Суралц, Нээ, Хөгж Үлгэрлэн манлайл Уламжлалаа хүндэл, шинийг бүтээ Амжилт өөд хамтдаа
АПУ ХК-ИЙН ХУВЬЦАА ЭЗЭМШИГЧДИЙН АНХААРАЛД
АПУ ХК-ийн Хувьцаа эзэмшигчдийн ээлжит хурал 2022 оны 04 сарын 29-ний өдрийн 14:00 цагт Улаанбаатар хот, Хан-Уул дүүрэг, 15 хороо, Махатма Гандийн гудамж 39, Корпорейт Хотел энд Конвеншн Цэнтрийн 4 давхарт байрлах Концерт холл танхимд болох тул хувьцаа эзэмшигчид та бүхнийг хүрэлцэн ирэхийг урьж байна.
Хурлаар дараах асуудлыг хэлэлцэн шийдвэрлэнэ. Үүнд:
Хувьцаа эзэмшигчдийн хурлын бүртгэл явагдах цаг: 13:00-13:59
Хувьцаа эзэмшигчдийн хурал эхлэх цаг: 14:00
Хуралд оролцох эрхтэй хувьцаа эзэмшигчдийн нэрсийн жагсаалт гарах бүртгэлийн өдөр: 2022 оны 04 сарын 08-ны өдөр
Хувьцаа эзэмшигч та бүхэн хурлын бүртгэлийн өдрийн байдлаар компанийн хувьцааг эзэмшиж байгаа тохиолдолд хуралд оролцох эрхтэй хувьцаа эзэмшигчдийн жагсаалтад автоматаар бүртгэгдэх болно.
Хувьцаа эзэмшигч та биечлэн эсхүл итгэмжлэгдсэн төлөөлөгчөөрөө дамжуулан хуралд оролцож болох ба брокер дилерийн компаниудаар дамжуулан санал авах хуудсаар саналаа урьдчилж өгөх боломжтой. Санал авах хуудсаар санал авах сүүлчийн хугацаа 2022 оны 04 сарын 29-ний өдрийн 10:00 цагт дуусна.
Хурлын талаарх дэлгэрэнгүй мэдээллийг хурал зохион байгуулах комиссын утас, цахим хаягаар ажлын өдрүүдэд 10:00-17:00 цагийн хооронд авна уу.
| № | Нэрс | Утас | Имэйл хаяг | Цахим хуудас |
| 1 | АПУ ХК, ТУЗ-ийн нарийн бичгийн дарга Ч.Ариунсан | 344336-338 | ariunsan.ch@www.apu.mn | www.apu.mn |
| 2 | АПУ ХК, ТУЗ-ийн ажлын алба Б.Мягмар | myagmar.b@www.apu.mn | ||
| 3 | АПУ ХК, ТУЗ-ийн ажлын алба Э.Солонго | solongo.e@www.apu.mn | ||
| 4 | АПУ ХК, ТУЗ-ийн ажлын алба Б.Эрдэнэтуяа | erdenetuya.b@www.apu.mn |
Хурлаар хэлэлцэх асуудалтай холбоотой танилцуулга материал буюу хурлын товхимолтой энд дарж танилцана уу.
For English, please click here.
ХУРАЛ ЗОХИОН БАЙГУУЛАХ КОМИСС
АПУ ХК, Чингисийн өргөн чөлөө, Хан-Уул дүүрэг,
Улаанбаатар-17040, Монгол Улс
Олон Улсын Эмэгтэйчүүдийн Эрхийг Хамгаалах Өдрийг тохиолдуулан IWFCI Mongolia, Хүний Эрхийн Үндэсний Комисс, Олон Улсын Хөдөлмөрийн Байгууллага болон Монголын Ажил Олгогч Эздийн Холбоо тус тус хамтран зохион байгуулсан “Зохистой ажлын байр” сэдэвт өндөр түвшний уулзалтад АПУ ХК-ийн Захиргаа, Хүний нөөц эрхэлсэн захирал Ж.Ичинхорлоо оролцож ажлын байрны таатай бодлого, зохистой хөдөлмөр эрхлэлтийн төлөөх хүчин чармайлтаа танилцууллаа.
АПУ ХК нь Монголоос анх удаа “Ажиллахад Таатай Газар” Олон улсын сертификатыг хүлээн авсан бөгөөд ажлын байрны дарамт, хүчирхийллийн эрсдлээс сэргийлэх болон тохиолдлыг илрүүлэх, шийдвэрлэх олон төрлийн арга механизмыг хэрэгжүүлж байна.
Speak up, APU-Life зэрэг хөтөлбөрүүдээр дамжуулан ажлын байрын дарамт, хүчирхийлэл, авилга, ёс зүйн асуудлыг нээн илрүүлж, тухай бүрт нь шийдвэрлэхийн зэрэгцээ ажилтны нийгэм, сэтгэл зүйн эрүүл мэндийн асуудлыг чухалчлан нэгдсэн бодлогоор хүн төвтэй менежментийн суурь зарчмыг хэрэгжүүлэн ажиллаж байна.
Олон улсын эмэгтэйчүүдийн өдөрт зориулан АПУ ХК-ийн хэрэгжүүлж буй “Тогтвортой хөгжлийн бодлого”-ын хүрээнд цаашид баримтлах бодлого, зорилтуудаа эмэгтэй ажилтнууддаа танилцууллаа.
НҮБ-ын Эмэгтэйчүүдийн Байгууллагаас 2022 оны уриалга болгон гаргаж буй “Тогтвортой маргаашийн төлөөх” санаачилгад нэгдэн албан ёсны зөвшөөрөлтэйгөөр энэхүү арга хэмжээг зохион байгуулж хэрхэн олон талт хамтын ажиллагааг бэхжүүлж, компанийн нийгэм, олон нийт төдийгүй хүний нөөцийн бодлогын зорилтуудаа хүртээмжтэй байдлаар хэрэгжүүлэх талаар хэлэлцлээ. Энэ үеэр АПУ ХК-ийн Захиргаа, хүний нөөц эрхэлсэн захирал Ж.Ичинхорлоо цаашид компанидаа хэрэгжүүлэхээр зорьж буй нийгмийн эрүүл мэнд, сэтгэл зүйн эрүүл мэнд, бие бялдрын эрүүл мэнд тэргүүтэй хүн төвтэй менежментийн бодлогын чиглэлийг танилцуулсан ба компанийн хэмжээнд эмэгтэйчүүдийн манлайллаар хүрэх олон эерэг өөрчлөлт, хөгжлийн боломж байгааг чухалчиллаа.
Мөн арга хэмжээний үеэр эмэгтэйчүүдийн дуу хоолойг илэрхийлэх гүүр болсон клуб болох “The Circle” Sustainability Club нээлтээ хийсэн нь онцлог байв.
АПУ ХК нь нийгмийн олон талт оролцоог хангах замаар, эерэг өөрчлөлт, ухамсар нөлөөллийн төслүүд болох “Соёлоор Гоёно” төсөл, уур амьсгалын өөрчлөлтийн эсрэг “Мод бид хоёр”, “Шилээ дахин амьдруулъя – Чи чадна”, боловсролын чиглэлээр “Маргаашийн манлайлагчид” төсөл тэргүүтэй олон ажлуудыг хийгээд байна.
Монгол улсын спиртийн төрлийн бүтээгдэхүүний хамгийн өндөр технологи, Монгол хөрсөнд ургасан шилэгдмэл улаан буудайн түүхий эдээр бүтээсэн тансаг зэрэглэлийн бүтээгдэхүүн болох “Chinggis Khan” брэндийг ОХУ-ын №1 “Гум” их дэлгүүрээр худалдаалж эхэллээ.
Ингэснээр дэлхийн хэрэглэгчид Монгол брэндийн үнэ цэнийг хүртэх боломж улам ойртож байна. АПУ ХК нь цар тахлын үед экспортын зах зээлд тэлэх бодлогоо эрчимжүүлж байна. Бүтээгдэхүүнээ гадаад зах зээлд идэвхтэй борлуулж гадаад валютын орох урсгалыг нэмэгдүүлснээр Монгол улсын эдийн засагт эерэг нөлөө бий болгох юм. “Chinggis Khan” брэндийг анх 2008 онд ОХУ-руу экспортод гаргаж эхэлсэн ба өдгөө БНХАУ, Их Британи, АНУ зэрэг улсуудад экспортод гарч буй Монголын томоохон брэндүүдийн нэг юм.
ОХУ-ын ГУМ их дэлгүүр нь 1890-1893 оны хооронд баригдсан бөгөөд гайхалтай архетикторийн дотоод заслыг өөртөө шингээн 1920-иод оныг хүртэл дээдсийн худалдааны төв гэж нэрлэгдсээр ирсэн. Тус дэлгүүрт Dior, Louis Vuitton, Hermes, Prada гэх мэт дэлхийн алдартай тансаг зэрэглэлийн 200 гаруй брэнд үйл ажиллагаагаа явуулдаг нэр хүндтэй их дэлгүүр юм. Тус дэлгүүрт 2000 гаруй хүн ажилладаг бөгөөд өдөрт 60,000 хүний урсгал дамжин өнгөрч худалдан авалт хийдэг гэсэн статистик баримт байдаг.
Дэлхийд түгсэн монголын анхдагч брэнд “Chinggis Khan” нь төгс утгаараа дээд зэрэглэлийн сархад бөгөөд Чингис Хааны өлгий нутаг Хан Хэнтийн нуруу, Төрийн тахилгат Бурхан Халдун уулын хормой Онон-Хэрлэнгийн үржил шимт сав нутагт тариалдаг өлчир улаан буудайгаар дээдийн дээд нэрмэл охь таслаж, Монголын сүүлчийн хаан VIII Богд Жавзандамбын соёрхон ундаалдаг байсан дэлхийн анхны дархан цаазат Богд Хан уулын хормой, Хатан туулын ай савд орших гүний цэвэр тунгалаг устай зохируулан бүтээсэн төгс төгөлдөр (crafted vodka) билээ.
“Chinggis Khan” брэндийн нүүрэн хэсэгт байрлах 24 каратын алтаар эмжсэн тунгалаг бортогон дээр салхи татуулан давхиж яваа нь урнаар дүрслэгдсэн морьтон бол Чингис Хаан билээ. Эрэмгийн дайчин энэхүү дүрслэл нь дээдийн дээд сархаддаа эн тэнцэхүйц уран тансаг өвөрмөц хийцтэй бөгөөд дээд зэрэглэлийн Альфа спиртийг гүний цэнгэг усаар найруулж, очир эрдэнэ, сувдан, мөнгөн, нүүрсэн ,кварц, мембраман 6 н давхар шүүлтүүрээр шүүн 21 хоногийн турш амрааж зөөлөн амтыг бүтээдэг. Мөн лаванда цэцэг, зэрлэг гоньдын үл мэдэг анхилуун үнэртэй, чихэр өвсний амтлаг амтыг шингээн өгсөн нь төгс амт үнэрийг зохицлоосон төгс бүтээл юм.
Ийнхүү дэлхийн хэрэглэгчид Монгол брэндийн үнэ цэнийг хүртэх боломж улам ойртож Монголын брэндүүд гадаад зах зээлд хүчтэй өрсөлдөгч болж буйг тунхагласан үйл явдал боллоо.
АПУ ХК нь бизнесийн томоохон төлөөлөгч, гол оролцогчдын хамт Монгол улсын эдийн засгийг богино хугацаанд сэргээх, цар тахлын дараах “шинэ хэвийн байдал”-д дасан зохицох, нийгэм болон эдийн засагт тулгамдаж буй асуудлуудыг шийдвэрлэхийн төлөө эвлэлдэн нэгдэж, өөрсдийн хувь нэмрээ оруулан, манлайлал үзүүлэхээ илэрхийлж байна.
Дэлгэрэнгүйг: https://www.mongolchamber.mn/a/786
1989 оноос хойш НҮБ-ын санаачлагаар дэлхийн ихэнх улс орнууд “Дэлхийн чанарын өдөр”-ийг 11 сарын 2 дахь долоо хоногт тэмдэглэн өнгөрүүлж байгаа бөгөөд энэ жил Манай улс “Чанар-тогтвортой хөгжил” уриан дор Үндэсний чанарын чуулганыг Шадар сайдын ивээл дор зохион байгууллаа.Уг үндэсний чуулганаас АПУ Дэйри ХХК-ийн Сайн актив брэнд чанарыг өндөр түвшинд эрхэмлэдэг “Шилдэг бүтээгдэхүүн” шагнал гардан авлаа. Сайн актив брэндийг Монголын зах зээлд анх удаа дэлхийн алдарт Хансен компанийн патенттай LGG пробиотик хөрөнгөөр МОНГОЛД АНХ УДАА үйлдвэрлэсэн.
Энэхүү йогурт нь 1 граммдаа 100 сая ашигтай бактеритай бөгөөд энэхүү йогуртыг хэрэглэснээр :
• Дархлааг эсийн түвшинд сэргээж, харшлаас хамгаална.
• Ходоод гэдэсний хэвийн орчныг хангана.
• Бие организмыг идэвхтэй, эрч хүчтэй болгоно.
• Антибиотикт дарангуйлагдсан ашигтай бактерийг сэргээнэ.
АПУ компани нь 2014 онд Сүүний үйлдвэр анх байгуулсан бөгөөд 2017 оноос эхлэн АПУ ДЭЙРИ нэртэйгээр үйл ажиллагаагаа явуулан 4 брэндийн 46 нэр төрлийн сүү, сүүн бүтээгдэхүүнийг үйлдвэрлэж байна. Бид 1200 гаруй малчид фермерүүдээс өдөрт 70-80 тонн сүү, жилд 11-15 сая литр сүү цуглуулж 4000 гаруй харилцагчаар дамжуулж Монголынхоо 3 сая гаруй иргэнд хүргэж байна. АПУ Дэйри ХХК нь чанарын гэрчилгээ болох FSSC 22000, ISO 22000, ISO 22002-1 стандартын дагуу бүтээгдэхүүнээ үйлдвэрлэж байна.
Хятад улсын хамгийн том импортын үзэсгэлэн худалдаа болон өргөжсөн энэхүү арга хэмжээнд Монгол улсыг төлөөлөн оролцсоноор БНХАУ-ын зах зээлд гаргах уул уурхайн бус бүтээгдэхүүний нэр төрлийг өсгөх, улмаар хоёр талын худалдааны эргэлтийг нэмэгдүүлэхийн зэрэгцээ Монгол брэнд бүтээгдэхүүнийг дэлхийн хэрэглэгчдэд хүргэх чухал ач холбогдолтой юм.
Уг арга хэмжээг БНХАУ-ын дарга Ши Жиньпин нээн цахимаар үг хэлж, тус улсын дэд дарга Ван Чишан биечлэн оролцсон бөгөөд Аргентин, Казахстан, Замби улсын Ерөнхийлөгч, Итали, Тайланд, Фижи зэрэг улсын Ерөнхий сайд, Дэлхийн худалдааны байгууллагын ерөнхий захирал, НҮБ-ын худалдаа, хөгжлийн бага хурлын Ерөнхий нарийн бичгийн дарга зэрэг өндөр, дээд албан тушаалтнууд цахимаар оролцож үг хэлэв.
Мөн Монгол бүтээгдэхүүний үзэсгэлэнгийн хэсгийг нээж Монгол Улсаас БНХАУ-д суугаа ЭСЯ-ны Элчин зөвлөх Л.Мөнхтүшиг, Шанхай хотод суугаа ЕКГ-ын дэд консул Л.Эрдэнэбаатар, “Шанхай Шинэ Трэйд” ХХК-ийн захирал Б.Золцэнгэл, Грийнланд төвийн үйл ажиллагаа эрхэлсэн захирал Юй Гуовэй зэрэг зочид тус тус оролцсон байна.
Шанхай хотод 4 дэх жилдээ уламжлал болон зохион байгуулагдаж буй уг олон улсын импортын үзэсгэлэнд нийт 127 улсын 2900 гаруй аж ахуйн нэгжүүд оролцож, бүтээгдэхүүнээ танилцуулж байна.
БНХАУ-ын зах зээлд АПУ ХК нь Сэнгүр, Сэрүүн, Чингис хаан, Соёмбо, Болор, Чингис Гранд Хаан тэргүүтэй брэнд бүтээгдэхүүнийг 2015 оноос хойш нийлүүлж байна.
Дэлхийд хамтдаа
АПУ Хувьцаат компани
Дэлхийн 5 улс оронд туршилтын болон тогтмол экспортоо хийж буй АПУ ХК нь валютын орох урсгалыг нэмэгдүүлэх замаар Монгол улсын эдийн засагт хувь нэмэр оруулахын зэрэгцээ хариуцлагатай хэрэглээ, соёлтой амьдралын хэвшилд уриалан нийгмийн эерэг өөрчлөлтийн төлөө тасралтгүй хүчин чармайлт гарган ажиллаж байна. Үзэсгэлэн 4 өдөр үргэлжлэх ба эрхэм хэрэглэгч та бүхэн АПУ ХК-ийн хэрэгжүүлж буй төсөл хөтөлбөрүүд болон бидний үйлдвэрлэн танд хүргэдэг олон улсын чанар, стандартад нийцсэн бүтээгдэхүүнүүдийн Монгол эх орны хөрсөнд ургасан, органик орц найрлагатай танилцаж дэлгэрэнгүй мэдээлэл аваарай. Мөн бүтээгдэхүүний амталгаа хийхийн зэрэгцээ эерэг өөрчлөлтийн төлөөх “Соёлоор гоёно” аянд үнэт зүйлсээрээ нэгдээрэй.
Монгол Улсад худалдааны салбар үүсэж хөгжсөний 100 жилийн ойн хүрээнд төр, хувийн хэвшил хамтран зохион байгуулж буй “Улаанбаатар Түншлэл-2021“ олон улсын үзэсгэлэн худалдаанд АПУ Хувьцаат компани оролцож байна.
АПУ ХК нь цар тахлын үед нийт 2000 гаруй ажилтнуудынхаа эрүүл мэнд, аюулгүй байдалд хувь нэмрээ оруулж “Дархлаа дэмжих багц”-аар ханган ажиллаж байна. Ковид 19 цар тахлын үед хүн төвтэй менежментийн бодлого хэрэгжүүлж, ажилтнуудаа Ковид 19 эрсдэлийн даатгалд хамруулах, зайнаас ажиллах боломжоор хангах, түргэвчилсэн оношилгоог үнэ төлбөргүй зохион байгуулах, вакцинд хамруулах, сэтгэл зүйн зөвлөгөө, халдвар хамгааллын дэглэм баримтлах мэдээ, мэдээллээр хангах гэх мэтээр эрчимтэй үйл ажиллагаа явуулж байна.
Бид ажилтнуудынхаа хамтын итгэл үнэмшлээр тодорхойлсон дараах 5 үнэт зүйлсийн хүрээнд бодлого, төсөл, хөтөлбөрүүдээ тодорхойлон ажиллаж байгаа билээ.
– Будсыг дээдлэн эрхэмлэ
– Амжилт өөд хамтдаа
– Үлгэрлэн манлайл
– Уламжлалаа хүндэл, шинийг бүтээ
– Суралц. Нээ. Хөгж
Хариуцлагаа нэмж, хамтдаа давъя. АПУ Хувьцаат компани
Хүнс, хөдөө аж ахуй, хөнгөн үйлдвэрийн яам, Нийслэлийн Засаг даргын Тамгын газар, НҮБ-ын Хүнс, хөдөө аж ахуйн байгууллага, Монголын Хүнсчдийн Холбоо хамтран “Намрын ногоон өдрүүд-2021” үзэсгэлэн худалдааг 16 дахь жилдээ зохион байгуулагдлаа.Тус үзэсгэлэн худалдаанаас АПУ ХК-ийн АПУ Дэйри ХХК-ийн ДЭЭЖ бор элсэн чихэртэй тараг хэрэглэгчдийн саналаар “АРД ТҮМНИЙ ХҮНС” хэмээх эрхэм хүндтэй шагнал гардан авлаа.
“Намрын ногоон өдрүүд-2021” үзэсгэлэн худалдаанд АПУ ДЭЙРИ ХХК жил бүр оролцдог бөгөөд энэ удаад 46 нэр төрлийн бүтээгдэхүүнээр оролцсон юм.
Дээж брэнд нь 2015 онд Дээж сүү, Дээж таргийг худалдаанд гаргаж эхэлсэн бөгөөд одоогийн байдлаар Дээж сүү, Дээж тараг, Дээж бор сахартай тараг, Дээж ааруул, Дээж цөцгийн тос, Дээж шар тос, Дээж өрөм, Дээж чихэр, Дээж аарцан амттан зэрэг 10 гаруй нэр төрөл болон өргөжиж зах зээлийн 35 хувийг эзэлж байна. Дээж брэндийг үйлдвэрлэхдээ дотоодын малчид фермерүүдээс Монгол үнээний шинэхэн сүүг татан авч Европ стандартын орчин үеийн дэвшилтэт технологийг ашиглан бүрэн автомат тоног төхөөрөмжөөр ариутган боловсруулдаг.
Мөн “Дээж” бор сахартай таргийг уламжлалт аргаар буюу цэвэр сүүн хүчлийн бичил биетээр хөрөнгөлөн бүрж, бор сахраар баяжуулан , олон улсын хүнсний аюулгүй байдлын тогтолцоо ISO 22000 стандартын дагуу үйлдвэрлэдэг.
Дээж бор элсэн чихэртэй таргийг хэрэглэсний давуу талууд:
Мөн энэ үеэр “ДЭЭЖ ЦӨЦГИЙН ТОС” Намрын ногоон өдрүүдийн шилдгээр тодорлоо.
Дээж цөцгийн тосны онцлог:
АПУ ДЭЙРИ компани нь 1200 гаруй малчид фермерүүдээс өдөрт 70-80 тонн сүү, жилд 11-15 сая литр сүү цуглуулж 4000 гаруй харилцагчаар дамжуулж Монголынхоо 3 сая гаруй иргэнд хүргэж байна. Монгол улсын сүү, сүүн бүтээгдэхүүний зах зээлийн 35 хувийг дангаар хангаж байна. Тиймдээ ч олон улсын чанарын гэрчилгээ болох FSSC 22000 ISO 22000 , ISO 22002-1 стандартын дагуу бүтээгдэхүүнээ үйлдвэрлэж байна.
Дэлхийд өрсөлдөх үндэсний компани АПУ ХК нь 94 улс оронд салбартай Great Place to work Institute-ээс олгодог “Ажиллахад хамгийн таатай газар” гэрчилгээг амжилттай хүлээн авлаа.
Энэхүү баталгаажуулалт нь байгууллагын соёлын хүчин зүйлсийг 5 тулгуур үзүүлэлтийн хүрээнд задлан шинжилж тодорхойлдог ба эдгээр нь ажилтнууд хоорондын нөхөрлөл, итгэлцэл, хүндлэл, бахархал, шудрага байдлыг дүгнэн судалдаг.
АПУ ХК-ийн нийт 2000 гаруй ажилтнуудын дунд явуулсан судалгаагаар судалгаанд хамрагдагсдын 84% нь “Итгэлцэл дээр суурилсан, өндөр гүйцэтгэлтэй байгууллагын соёл”-ыг бий болгож чадсан болохыг дүгнэснээр Монгол улсад хамгийн анх удаа энэхүү сертификатын болзол хангасан аж ахуйн нэгж болж чадлаа.
Судалгааны үр дүнг харахад онцлох үзүүлэлт нь ажилтнуудын компаниараа бахархах сэтгэл, хийж буй ажил үүргээрээ дамжуулан өөртөө утга учир бий болгож ажлаараа дамжуулан улс орондоо хувь нэмрээ өгч буй хэмээн итгэх итгэл, бахархах сэтгэл байсан юм.
АПУ ХК нь ажлын байрны ээлтэй бодлого баримтлахаас гадна нийгэмдээ эергээр хувь нэмрээ оруулах НҮБ-аас баталсан “Тогтвортой хөгжлийн 17 зорилт”-д чиглэсэн уур амьсгалын өөрчлөлтийн эсрэг “Мод бид хоёр”, байгаль орчинд чиглэсэн “Байгаль эн тэргүүнд”, хариуцлагатай хэрэглээг бий болгох “Соёлоор Гоёно”, хог хаягдлын эсрэг “Шилээ дахин амьдруулъя”, боловсролын салбарт чиглэсэн “Маргаашийн манлайлагч” тэтгэлэгт хөтөлбөр гэх мэт томоохон төслүүдийг ажиллагсад төдийгүй харилцагч, түнш байгууллагууд, төр, хувийн хэвшил, иргэний нийгмийн байгууллагуудтай хамтран идэвхтэй хэрэгжүүлж байна.
Цар тахлын сорилт бэрхшээл дүүрэн сүүлийн жилүүдэд удирдлагын менежментийн арга барил “хүн төвтэй” бодлогод суурилж ажиллагсаддаа ээлтэй, ажлын таатай орчин бүрдүүлсэн, тасралтгүй сурч хөгжих боломжоор хангаж байна.
Тухайлбал ажилтнуудад чиглэсэн “Менторшип” хөтөлбөр, шинэ төгсөгчдөд чигэлсэн “Fast track” програм, Дэлхийн түвшний менежер бэлтгэх хөтөлбөр, Сургагч багш бэлтгэх цөм хөтөлбөр гэх мэт сургалт хөгжлийн олон төрлийн хөтөлбөрүүдийг санаачлан хэрэгжүүлж байгаа юм.
АПУ ХК нь ажлын байрны ээлтэй орчин бүрдүүлэх зорилгоор ажиллагсадтайгаа хамтын гэрээтэй ажиллаж жил бүр 20 ажилтанд орон сууцны урьдчилгаа олгодог төдийгүй олон талт хөнгөлөлт, хангамжийн бодлогод анхаарч ажиллаж байна. Үүнээс гадна олон улсын түвшинд үйл ажиллагаа явуулж, чанар стандартын өндөр түвшинд брэнд бүтээгдэхүүнүүдээ үйлдвэрлэж хөнгөлөлттэй бараа, бүтээгдэхүүн авах, урамшуулалд хамрагдах боломжуудыг ажилтнууддаа олгож байна. Монгол улсад цөөнд тооцогдох бүрэн автомажсан үйлдвэрлэлтэй бөгөөд үйлчилгээний салбарт ажиллаж буй борлуулалт, түгээлтийн ажилтнуудынхаа ажлыг хөнгөвчлөх зорилгоор нэгдсэн цахим системээр хангадаг ба ингэснээр үйлдвэрлэл болон үйлчилгээний олон улсын стандарт шаардлагын дагуу сурч хөгжих боломжууд нээлттэй байдаг.
Ажилтнууд өөрсдийн чөлөөт цагаараа сонирхол, хоббигоороо нэгдэн олон төрлийн сонирхлын клубуудад хамрагдах боломжтой байдаг ба “Төгөлдөр” төслийн хүрээнд нийт 10 төрлийн клубууд идэвхитэй үйл ажиллагаа явуулдаг.
Ялангуяа цар тахлын үед ажлын цагийн уян хатан нөхцөлөөр хангаж зайнаас болон уян хатан ажлын цагаар ажиллах нөхцлөөр хангаж байгаагаас гадна гэр бүлийн өдөр, шинэ аавын амралт, өөрийн болон гэр бүлийн хүний эрүүл мэндийн шалтгаанаар цалинтай чөлөө олгох гэх мэт ажилтнууддаа ээлтэй зохицуулалтуудыг хийж байна.
Компани дээр хэрэгжиж буй төсөл хөтөлбөрүүдэд чиг үүрэг хамаарахгүйгээр хамтарсан баг бүрдүүлэн багийн гишүүдийг нээлттэй сонгон шалгаруулж олон төсөл хөтөлбөрүүдийг өөрсдийн санаачлагаар хэрэгжүүлсэн ба энэ нь хамт олны уур амьсгал сайжрах, харилцан бие биенээ ойлгох, нөхөрлөх боломжийг бүрдүүлдэг.
Үүнээс гадна цар тахлын нөхцөл байдалтай холбоотойгоор ажилтнуудаа болзошгүй эрсдлээс сэргийлж даатгалын үйлчилгээнд хамруулсан ба халдвараар өвчилсөн ажилтнуудад зориулан эм тариа авах мөнгөн дэмжлэг болон ковидын багц бүтээгдэхүүнийг хүргэн өгч үйлчлэх зэргээр эрүүл мэнд, аюулгүй байдлыг хангасан хөтөлбөрүүдийг идэвхтэй хэрэгжүүлж байгаа юм.
Олон улсын Great Place to work Institute нь “Итгэлцлийн индекс®” тооцох аргачлалаар судалгаа явуулж энэхүү баталгаажуулалтыг олгодог ба ажилтнууд өөрийнхөө ажлын талаар болон байгууллагынхаа талаар ямар сэтгэгдэлтэй, ямар үзэл бодолтой ажилладгийг хэмждэг. Түүнчлэн, ажилтны сэтгэлтэй байдал/энгэйжмэнт, ажлын орчин, байгууллагын стратегийн уялдаа холбоо гэх мэт олон хүчин зүйлсийг хэмжиж, тайлагнах боломжтойгоор онцлог.
АПУ ХК нь 2021 онд “Хүний хөгжлийн тогтвортой бодлого”-д онцгойлон анхаарч, нийгэмд эерэг өөрчлөлтийг авчрах манлайлагчдыг нээн илрүүлэх, тэднийг сурч боловсроход нь дэмжлэг үзүүлэх зорилгоор зохион байгуулсан 100 оюутны тэтгэлэгт хөтөлбөрийн эзэд тодорлоо. АПУ ХК-ийн хэрэгжүүлж буй бодлого, үйл ажиллагаанууд нь “Тогтвортой Хөгжил”-ийн үндсэн суурь зарчим болох ЭДИЙН ЗАСАГ, НИЙГЭМ, БАЙГАЛЬ ОРЧНЫ тэнцвэртэй хөгжлийг ханган, хамтын үнэ цэн бүтээхэд чиглэдэг билээ. Компанийн үнэт зүйлс, үзэл баримтлалтай уялдуулан 2021 оны Тогтвортой хөгжлийн бодлого, зорилтын хүрээнд нийгэмдээ сайн үйлс хийх, эерэг өөрчлөлт авчрах сайн дурын арга хэмжээ, төсөл хөтөлбөрүүдийг санаачлан зохион байгуулж, гар бие оролцдог оюутнуудыг шалгаруулж, тэдний өөрчлөлтийн төлөөх хүчин чармайлтыг эрчимжүүлэхээр “Маргаашийн манлайлагчид” 100 оюутны тэтгэлэгт хөтөлбөрийг санаачлан хэрэгжүүлж байна.
Тэтгэлэгт хөтөлбөрт 1500 гаруй оюутнууд өрсөлдсөн ба дараах шалгуурыг голлон баримтлан шалгарууллаа:
Өөрөөр хэлбэл АПУ ХК-ийн нэрэмжит уг тэтгэлэгт хөтөлбөрт хамрагдах оюутан залуусыг шалгаруулахдаа мэргэжил, курс харгалзахгүй бөгөөд нийгэм, олон нийтийн ажилд идэвхитэй оролцдог, амьдран буй дэлхий ертөнц, байгаль эх дэлхийдээ ээлтэй, цар тахал тэргүүтэй нийгмийн шийдлээ хүлээж буй олон асуудлуудад гарц гаргалгаа хайх чин эрмэлзлэлтэй байх, бакалаврын үндсэн ангийн оюутан байх, гэх мэт маш энгийн шалгуурыг чухалчиллаа.
Тэтгэлэгт хөтөлбөрт шалгарсан оюутан 10 сарын турш сар тутам 100 мянган төгрөгийн тэтгэлэг авахаас гадна уг хөтөлбөрийн хамтрагч байгууллагуудын үйл ажиллагаатай танилцах, холбогдох сургалт, хөтөлбөрүүдэд хамрагдах, АПУ ХК-ийн хэрэгжүүлж буй нийгмийн эерэг өөрчлөлтийн төлөөх төсөл хөтөлбөрүүдэд гар бие оролцох, цаашлаад АПУ ХК-д ажиллах боломжтой болох зэрэг олон ач холбогдолтой юм.
Нийгмийн эерэг өөрчлөлтийг хамтдаа бүтээе!
“Соёлоор гоёно” төслийн хүрээнд бид 10 мянга гаруй харилцагчдынхаа төлөөлөлтэй хамт эх дэлхийгээ хайрлах соёл, амьдран буй нийгэмдээ халуун дулаан, ээлтэй соёл, хариуцлагатай хэрэглээний соёлыг уриалан, 4000 гаруй км замыг туулсан “Алтай Таван Богд” аяллыг зохион байгууллаа. Аливаа бизнесийн оролцогч талууд үнэт зүйлсээ нэгтгэн хамтдаа, нэгдмэл, нэг дуу хоолойгоор өөрчлөлт бий болгохын төлөө хүчин чармайлт гаргах нь амжилтын эхлэл билээ.
Хамтдаа эерэг өөрчлөлтийн төлөө нэгдэж буй эрхэм харилцагч та бүхэндээ баярлалаа.
Эх дэлхийгээ мөнх ногооноор нь үлдээе.
АПУ Хувьцаат компани
“АПУ” ХК-ийн Төлөөлөн Удирдах Зөвлөлийн 2021 оны 8-р сарын 16-ны өдрийн 21/11 тоот шийдвэрээр компанийн 2021 оны эхний хагас жилийн үр дүнд үндэслэн нэгж хувьцаанд 46 төгрөг буюу нийт 48.8 тэрбум төгрөгийн ногдол ашиг хуваарилахаар шийдвэрлэлээ. Энэхүү ногдол ашиг авах эрхтэй хувьцаа эзэмшигчдийн жагсаалтыг 2021 оны 9-р сарын 03-ны өдрөөр тогтоож, ногдол ашгийг 2022 оны 2-р сарын 10-ны өдрийн дотор төлнө.
УЛААНБААТАР, МОНГОЛ УЛС (2021 оны 08 дугаар сарын 09) — Монголын Хөрөнгийн Биржид бүртгэлтэй нээлттэй хувьцаат компаниуд дундаас АПУ ХК зах зээлийн үнэлгээгээр ₮1 их наяд давсан анхны компани болж, түүхэн үйл явдал тохиолоо.
“ АПУ ХК-ийн удирдлагын арга барил, компанийн засаглалын хөгжлийг шинэ түвшинд гаргасан ба ингэснээр үйл ажиллагаа, үнэ цэн өсөн нэмэгдэх боломжтой гэдгийг бусад томоохон компаниудад илтгэн харуулж байгаа явдал гэж билэгшээж байна. АПУ ХК нь хувьцаа эзэмшигчдэдээ тогтмол ногдол ашиг тараах бодлогыг сүүлийн жилүүдэд баримталж байгаа нь хөрөнгө оруулагчдын итгэлийг нэмэгдүүлж МХБ-ийн хамгийн идэвхтэй, хөрвөх чадвар хамгийн өндөр хувьцаа болсноор хөрөнгө оруулалтын багцад зайлшгүй багтах хувьцаа болж чадсан байна. Хөрөнгийн зах зээлийн түүхэн хөгжилд үнэтэй хувь нэмэр оруулж байгаа 97 жилийн түүхтэй хүнсний салбарын ууган үйлдвэр АПУ ХК-ийн нийт хамт олон, хөрөнгө оруулагчид, харилцагчид, хэрэглэгчид, түнш байгууллагууд та бүхэнд халуун баяр хүргэе.” гэж МХБ-ийн гүйцэтгэх захирал Х.Алтай онцоллоо.
АПУ ХК нь 1924 онд байгуулагдсан Монгол Улсын хүнсний ууган үйлдвэрийн нэг бөгөөд 1992 онд Засгийн газрын шийдвэрээр хувьцаат компани болж өөрчлөгдөн, 2001 бүрэн хувьчлагдсан түүхтэй. Сүүлийн 20 жилийн хугацаанд АПУ компани 100 гаруй сая ам.долларын гурван шатны хөрөнгө оруулалт, технологийн шинэчлэлийн хөтөлбөрийг хэрэгжүүлсний үр дүнд шингэн хүнсний салбарын манлайлагч, зах зээлийн хөгжлийг тодорхойлогч, үндэсний ТОП компанийн нэг болжээ. Тус компани өдгөө 2000 гаруй ажилтантай, 8 охин компани, 1 хараат компани бүхий групп компанийн бүтэцтэй ажиллаж, 10,000 гаруй харилцагчдын дэмжлэгтэйгээр Монгол Улсын өнцөг булан бүрд бүтээгдэхүүнээ түгээж байна. Түүнчлэн, БНХАУ, ОХУ-ыг экспортын стратегийн зах зээлээр тодорхойлсон бөгөөд 2019 онд ОХУ-ын зах зээлд тэргүүлэгч “Татспиртпром” ХК-тай худалдаа, үйлдвэрлэлийн хамтын ажиллагааны гэрээнд гарын үсэг зурсан. Үүний зэрэгцээ БНХАУ-ын зах зээлд шар айрагны борлуулалтын сүлжээгээ тэлэх ажлаа эрчимжүүлсний үр дүнд тус хоёр улсад экспортолсон нийт бүтээгдэхүүний хэмжээ өмнөх оныхоос даруй зургаа дахин нэмэгдээд байна.
2017 онд Монгол Улсын шингэн хүнсний салбар, хөрөнгийн зах зээлийн хувьд урьд өмнө тохиож байгаагүй томоохон нэгдэн нийлэх ажиллагаа явагдаж, Хайнекен болон Шунхлай Групп компаниуд Монгол Улс дахь архи, шар айраг, ундааны үйлдвэрлэл, түгээлтийн бизнесээ нэгтгэн хүчирхэг нэгдлийг бий болгосон. Нэгдлийн үр дүнд АПУ ХК-ийн үнэт цаасны бүртгэлд өөрчлөлт орж, нийт гаргасан хувьцааны тоо 1,064,181,553 ширхэг болж, дэлхийн шар айрагны хэрэглээг тодорхойлон манлайлж буй Хайнекен компани тус компанийн хувьцааны 25%-ийг эзэмшигчээр бүртгэгдсэн. Ийнхүү дотоодын зах зээлд тэргүүлэгчийн байр суурийг бататгахын зэрэгцээ олон улсад шингэн хүнсний томоохон үйлдвэрлэгч хэмээн хүлээн зөвшөөрөгдөж, Хөрөнгийн бирж дээр хамгийн өндөр буюу үнэлгээтэй компани болох эхлэл тавигдсан билээ.
“Монголын хөрөнгийн зах зээл үүсч хөгжсөн 30 жилийн хугацаанд АПУ ХК засаглалын нээлттэй, ил тод байдлыг эрхэмлэн хувьцаа эзэмшигч, хэрэглэгч, харилцагч тэргүүтэй төр, хувийн хэвшлийн бүхий л салбарт хувь нэмрээ оруулахад онцгой анхаарч ажиллаж ирсэн билээ. Энэ дундаа хүн төвтэй менежментийн бодлого хэрэгжүүлэхэд анхаарч компанийн эрхэм зорилго, үнэт зүйлсээ баримтлан аливаа нийгэм, эдийн засгийн өөрчлөлт бүхий цаг үед ажилтнуудаа хөгжүүлэх, ажлын байраа хадгалах төдийгүй олон нийтэд чиглэсэн төсөл хөтөлбөрүүдээ эрчимжүүлж “Тогтвортой хөгжлийн зорилт” дэвшүүлэн ажиллаж байна.” хэмээн АПУ ХК-ийн Гүйцэтгэх захирал Ц.Эрдэнэбилэг онцлов.
Монголын хөрөнгийн зах зээлийн түүхийг бичилцэж буй АПУ компани нь хөгжлийн дараагийн шатанд гарч, тасралтгүй хөгжил дэвшлийн сууриа бататган ажиллаж байна. Цаашид, зах зээл, технологийн дэвшил, бизнесийн амжилтаар тэргүүлэгч байр сууриа хадгалан бэхжүүлж, тогтвортой хөгжил, нийгмийн хариуцлагын зарчмуудыг үйл ажиллагааны бүх шатандаа тууштай хэрэгжүүлэн, экспортоо тэлж, шинэ зах зээл, шинэ боломжуудыг эрэлхийлэхийн зэрэгцээ олон улсын хөрөнгийн зах зээлд гарсан уул уурхайн бус Монголын анхны компани болох зорилго тавиад байна.
Монголын Хөрөнгийн Биржид бүртгэлтэй нээлттэй хувьцаат компаниуд дундаас АПУ ХК зах зээлийн үнэлгээгээр ₮1 их наяд давсан анхны компани болж, түүхэн өдөр тохиолоо. Ийнхүү Монгол бизнес дэлхийн зах зээлд гарах хөгжлийн дараагийн үе шатны суурь тавигдаж байна.
Бидэнд итгэл үзүүлж 97 жилийн түүхийг хамтдаа бичилцсэн үе үеийн эрхэм хамт олон, хөрөнгө оруулагчид, харилцагчид, хүндэт хэрэглэгчид, хамтын ажиллагаат түнш байгууллагууд та бүхэнд гүн талархал илэрхийлье!
АПУ Хувьцаат компани
АПУ ХК “Байгальд ээлтэй соёл”-ыг түгээх зорилгоор хамтын ажиллагаат дэлгүүрүүдээр дамжуулан хогийн уут бэлэглэж байна. Бид байгальд уусдаг материалтай ЭКО бүтээгдэхүүн сонгосон тул эх дэлхийгээ хамгаалж, бодит өөрчлөлтийг авчирна гэж итгэж байна. Та эх дэлхийдээ шил, сав, лааз зэрэг хог хаягдал нэгийг ч бүү хаяарай. Таны худалдан авалт байгальд ээлтэй, хоггүй соёлыг бий болгож эх дэлхийгээ хайрлах үйлст зориулагдах болно. Өөрчлөлтийг өөрөөсөө эхэлж хоггүй соёлыг хамтдаа цогцлооё.
АПУ ХК нь нийгэмд эерэг өөрчлөлтийг бий болгох “Соёлоор Гоёно” төслийг ашгийн бус зорилгоор хэрэгжүүлж буй бөгөөд энэ хүрээнд хүн, байгаль, эх дэлхийдээ ээлтэй соёлыг түгээн дэлгэрүүлэх олон ажлуудыг хийгээд байна.
Нийгмийн эерэг өөрчлөлтийг бий болгох зорилгоор АПУ ХК-ийн хэрэгжүүлж буй “Соёлоор гоёно” төсөлд салбар салбарынхан нэгдэн орж, өөрсдийн хүчээ нэгтгэсээр байна. Бидний чин хүсэл бол хамтын манлайллаар нийгэмдээ хувь нэмрээ оруулах юм. Төслийн хүрээнд “Урлагаар соёлыг түгээх нь” сэдвээр ээлжит хэлэлцүүлгээ зохион байгууллаа. Clubhouse-аар зохион байгуулсан энэхүү цахим хэлэлцүүлгийг тоймлон хүргэж байна.
Энэхүү хэлэлцүүлэгт Архитектор Батжав, IWFCI Mongolia байгууллагын Ерөнхийлөгч О.Байгаль, Dance chance ТББ-ын үүсгэн байгуулагч Э.Халиун, Michel & Amazonka брэндийн хамтран үүсгэн байгуулагч Amazonka, Фото зурагчин н.Төмөрбаатар, Toirogdii thrift shop-ийн үүсгэн байгуулагч Агнууш, АПУ компанийн Борлуулалт, Байгууллагын харилцаа эрхэлсэн захирал Г.Баярмагнай нар оролцлоо.
Энэ үеэр загварын салбарт манлайлагчдын нэг Michel & Amazonka брэндийнхэн “Соёлоор гоёно” төсөлд нэгдэн орж, “Соёлоор гоёно” гурван төрлийн бүтээгдэхүүн буюу футболкыг зах зээлд гаргаж буйгаа мэдэгдсэн юм.
Брэндийн орлогоос эерэг өөрчлөлт, эерэг соёл бий болгох төсөлд зориулна гэдгээ танилцууллаа. Өөрөөр хэлбэл, таны худалдан авалт нийгмийн эерэг өөрчлөлт, эерэг соёлын үр үндэст шим тэжээл, ус, агаар болох юм. “Соёлоор гоёно” брэнд нь нийгэмд талархал, хүндлэл, уучлал, урам зориг, итгэл авчрах, хариуцлагатай хэрэглээг эрхэмлэх мессэжийг давхар хүргэхээр зорьж байна.
Нийгмийн хариуцлага бүхий л салбарт урьд өмнө байгаагүй шинэ жишиг тогтоож, урьдын ойлголтыг орвонгоор нь өөрчилж буй. Хувь хүн болон компанийн нийгмийн өмнө хүлээсэн хариуцлага нийлж, нягтарч эх дэлхийгээ хайрлан хамгаалах, өв уламжлалаа өвлүүлэн үлдээх, нийгэмд шинэ соёлыг түгээн дэлгэрүүлэхэд хэчнээн чухал болохыг энэхүү хэлэлцүүлэг дахин бататгаж өгсөн нь онцлог байлаа.
“Урлагаар соёлыг түгээх нь” хэлэлцүүлэгт оролцсон Архитектор н.Батжав “Бид хүмүүст урлаг гэж ийм байдаг гэж зааж ярихаас илүү сэдэл өгөх ёстой. Залууст нийгэм болоод дэлхий дахинд тулгараад байгаа шийдэх ёстой асуудлыг шууд ярихад өөрөөс нь хол ч юм шиг, эсвэл хэтэрхий их том асуудал ч юм шиг ойлголт өгөөд байдаг юм байна. Тийм учраас сонсох дуртай дуу, хөгжим, өмсөх дуртай хувцсаар нь дамжуулаад хүргэх, сэдэл өгөх нь илүү үр дүнтэй” хэмээн өөрийн сэтгэгдлээ хуваалцсан юм.
Бидний ажиллаж амьдарч буй нийслэл маань хэдий залуусын хот гэх боловч өнгө гундуу, ногоон байгууламж муутай, бүрсгэр саарал, хүнд “уур амьсгал”-тай. Тэгвэл хүйтэн, хөндий орчныг өөрчлөх замаар эерэг соёлыг түгээх боломжтой гэж нь Amazonka хэлсэн юм.
Соёлын хамт ухамсар тогтох, нийгмийн хариуцлага тогтох, тухайн худалдан авалтаараа нийгмийн хөгжилд хэрхэн оролцох нь хүртэл өөрөө жижиг асуудал биш болж хувирсан байна. Байгаль орчин, нийгмийн эрх тэгш байдал, эерэг хандлага энэ болгоныг соёлоор дамжуулан илэрхийлэх боломж улам бүрдсээр. Байгаль орчинд ээлтэй, хүний эрхийг дээдэлсэн, бусдыгаа хүндэтгэсэн хариуцлагатай хэрэглээ, дадал хэвшил цар хүрээгээ тэлсээр байгааг энэ удаагийн хэлэлцүүлэг илэрхийллээ.
АПУ Хувьцаат компани 2020 оны үндэсний ТОП-100 аж ахуй нэгжийн ТОП 10-т эрэмбэлэгдлээ.Цар тахлын хүнд сорилт тулгарсан 2020 онд Монгол улсын төсөвт бүрдүүлэх татварын орлого, ажлын байрыг тасралтгүй хангах, харилцагчийн үйл ажиллагаанд дэмжлэг үзүүлэх, экспортын үйл ажиллагаагаа эрчимжүүлэхтэй холбоотойгоор валютын орох урсгалыг нэмэгдүүлэх зэргээр улсынхаа эдийн засагт хувь нэмэр оруулж хамтран зүтгэсэн нийт хамт олон, харилцагч, түнш байгууллагууд, хэрэглэгч та бүхэндээ гүн ТАЛАРХАЛ илэрхийлье. Бидний хамтын зүтгэл эх орноо төлөөлөх дэлхийн брэндийг бий болгож, олон тулгуурт эдийн засгийн хөгжлийн түүчээ болж цар тахлын үед хүнээ дээдэлсэн, хүндээ ээлтэй нийгмийг цогцлоох хөгжлийн зүтгүүр байна гэдэгт итгэлтэй байна. АПУ Компанийн хувьд НҮБ-аас баталж, дэлхийн улс орнууд бүх нийтээр дэмжин хэрэгжүүлж буй Тогтвортой хөгжлийн үндсэн зорилтуудын хурдасгуур болсон томоохон төсөл хөтөлбөрүүдийг хэрэгжүүлж, төр хувийн хэвшлийн хамтын ажиллагааг бэхжүүлэн ажиллаж байна. Тэр дундаа Тогтвортой хөгжлийн 13-р зорилт болох уур амьсгалын өөрчлөлтийн нөлөөг бууруулах зорилгоор кампанийн ажилтнууддаа зориулсан “Мод бид хоёр” төсөл, 15-р зорилт болох хуурай газрын эко системийг хамгаалах, биологийн олон янз байдлыг хадгалж хамгаалах зорилгоор Экологийн Цагдаагийн Албатай хамтран “Байгаль эн тэргүүнд” төсөл, 12-р зорилт болох Хариуцлагатай хэрэглээг дэмжих чиглэлээр “Шилээ дахин амьдруулъя”, “Соёлоор Гоёно”, Нийслэлийн эрүүл мэндийн газрын харъяа Наркологийн эмнэлэгтэй хамтран хэрэгжүүлж буй эрт илрүүлэг, судалгаа мэдээлэл, урьдчилан сэргийлэх төсөл, 4, 10-р зорилт болох Боловсролын салбар дахь тэгш бус байдлыг бууруулах “Маргаашийн манлайлагчид – нийгмийн эерэг өөрчлөлтийг бий болгох 100 оюутны тэтгэлэгт хөтөлбөр” зэрэг олон олон төслүүдийг амжилттай хэрэгжүүлж байна. Бусдыг дээдлэн эрхэмлэж, суралцаж хөгжин амжилт өөд хамтдаа тэмүүлж, үлгэрлэн манлайлж, уламжлалаа хүндэлж, шинийг бүтээх үнэт зүйлсээр нэгдсэн АПУ компанийн нийт хамт олны өмнөөс хөгжил, дэвшлийг бүтээсэн 97 жилийн мөч бүртэй хамт байсан эрхэм та бүгдэд талархал илэрхийлье.
АПУ ХК экспортын зах зээлд чиглэсэн үйл ажиллагаагаа эрчимжүүлж хамтын ажиллагааны шинэ түвшинг тодорхойлох стратегийн уулзалт зохион байгууллаа. АПУ ХК-ийн маркетинг эрхэлсэн Захирал Д.Ариунаа, ОХУ-ын Красноярск хот дахь АПУ ХК-ийн 100% хөрөнгө оруулалттай охин компани болох Гранд ХХК-ийн удирдлагуудын хамт Татспиртпром ХК-ийн удирдлагуудтай 6-р сарын 9-ний өдөр Татарстаны нийслэл Казань хотноо албан ёсны уулзалт хийлээ. Уулзалтын хүрээнд АПУ ХК нь ОХУ-ын зах зээлд Татспиртпром ХК-иар дамжуулан нийлүүлж буй брэнд бүтээгдэхүүний нэр төрлийг нэмэгдүүлэх талаар санал солилцож, технологийн өндөр түвшний стандарт, ноу-хау шингэсэн үндэсний брэнд бүтээгдэхүүнийг олон улсын хэрэглэгчдэд хүргэх асуудлаар хэлэлцлээ. АПУ ХК нь экспортын үйл ажиллагаандаа онцгойлон анхаарал хандуулж Монгол брэнд бүтээгдэхүүнийг дэлхийн зах зээлд таниулж, экспортын орлогыг нэмэгдүүлэхийн зэрэгцээ улсын эдийн засаг, валютын орох урсгалыг нэмэгдүүлэх чиглэлд эрчимтэй ажиллаж байна. Энэ хүрээнд ОХУ-ын зах зээлд нийлүүлж буй брэнд бүтээгдэхүүний борлуулалтыг нэмэгдүүлэх, бүтээгдэхүүний нөөцийн оновчлол, тээвэр логистикийн асуудлуудыг сайжруулах зорилгоор Эрхүү хотноо дахин нэг салбар компани байгуулан үйл ажиллагаагаа өргөжүүлээд байна. Татспиртпром ХК-ийн албан мэдээллийг дараах холбоосоор хүлээн авна уу: https://bit.ly/3vf6gqb via Tatspirtprom
Харилцагчдынхаа мэдлэг оюунд хөрөнгө оруулалт хийж “Амжилтын төлөө Хамтдаа 2021” цахим хэлэлцүүлэг зохион байгууллаа.
Монгол улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, харилцагчдынхаа мэдлэг оюунд хөрөнгө оруулалт хийж, салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа 2021” цахим хэлэлцүүлэг зохион байгуулж хүргэлээ. Уг хэлэлцүүлэгт цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар туршлага мэдээлэл солилцлоо.
Хэлэлцүүлгийг бүтнээр үзэхийг хүсвэл энд дарна уу.
Монгол улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, харилцагчдынхаа мэдлэг оюунд хөрөнгө оруулалт хийж салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа-2021” цахим хэлэлцүүлэг зохион байгууллаа. Уг хэлэлцүүлэгт цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар туршлага мэдээлэл солилцлоо. Энэ дундаа “Амжилт” гэдэг ойлголтыг энэ үед өөрөөр тодорхойлж цар тахлын энэхүү нөхцөл байдалд эрхэмлэдэг үнэт зүйлстэйгээ уялдуулан арай өөрөөр ойлгох шаардлага бий болж байна. Тиймээс хамтдаа үнэ цэнэтэй хамтын ажиллагааг бий болгоё гэж компанийн удирдлагууд онцолж байв.
Энэ үеэр АПУ ХК-ийн Гүйцэтгэх захирал Ц.Эрдэнэбилэг: “Амжилтыг бид энэ амаргүй үед бие биенээ гэсэн сэтгэлээр, хүнлэг энэрэнгүй соёл, бусдыг дээдлэн эрхэмлэх үнэт зүйлсээр тодорхойлох нь зүйтэй. Хүнээ хамгаалсан, хүнээ хөгжүүлсэн, хүн төвтэй менежментийн эерэг үр дүнг бид амжилт гэж харцгаая. Энэ ч утгаараа өнөөдөр бидний хамт олон 10 мянга гаруй харилцагчдадаа чиглэсэн эерэг үр дүн, боломжийг хамтын хүчээр бий болгох арга хэмжээг цахим хэлбэрээр санаачлан зохион байгуулж байна. Энэ цаг үед ч бас бидний хамт олон хэрэглэгчдэдээ ээлтэй бодлого баримтлаж дархлаа дэмжих үүднээс дархлаажуулалтын амин хүнс болох “Сайн” брэндийн “Д” витаминтай сүүгээ компанийн бүх ашгийн үзүүлэлтийг хасч цэвэр өөрийн өртгөөр нь зах зээлд нийлүүлэхээр боллоо.
Харилцагч, хэрэглэгч, хамтран ажиллагсад та бид бүгдээрээ Ковид-19 цар тахалтай тэмцэхийн тулд хариуцлагаа нэмж, хайртай хүмүүсээ хамгаалж, хамтдаа даван туулъя гэж уриалж байна.” гэж онцолсон юм.
Цахим хэлэлцүүлгийг хатуу хөл хорио тавигдахаас өмнө халдвар хамгааллын дэглэмийн дагуу зохион байгуулсан ба АПУ ХК-ийн албан ёсны Facebook page /APU Company | Facebook/ болон өргөн нэвтрүүлгийн телевизүүдээр хүлээн авч үзээрэй.
Монгол улсын шингэн хүнсний салбарт тэргүүлэгч, экспортын чиг баримжаатай үйлдвэрлэл эрхлэгч АПУ ХК нь Монгол орны өнцөг булан бүрт буй бизнес эрхлэгч, харилцагчдынхаа мэдлэг оюунд хөрөнгө оруулалт хийж салбарын хөгжилд бодитоор хувь нэмэр оруулах зорилгоор “Амжилтын төлөө Хамтдаа-2021” цахим хэлэлцүүлэг зохион байгууллаа. Уг хэлэлцүүлэгт цар тахлын хүнд үед сорилт, бэрхшээлийг хэрхэн даван туулах талаар худалдаа үйлчилгээ эрхлэгчид, бизнесийн салбарынхан, сэтгэл зүйч, брэнд бүтээгчдийн төлөөлөл оролцож бодитоор нүүр тулсан хүндрэлүүдийг хэрхэн боломж болгон хувиргах талаар туршлага мэдээлэл солилцлоо. Энэ дундаа “Амжилт” гэдэг ойлголтыг энэ үед өөрөөр тодорхойлж цар тахлын энэхүү нөхцөл байдалд эрхэмлэдэг үнэт зүйлстэйгээ уялдуулан арай өөрөөр ойлгох шаардлага бий болж байна. Тиймээс хамтдаа үнэ цэнэтэй хамтын ажиллагааг бий болгоё гэж компанийн удирдлагууд онцолж байв.
Энэ үеэр АПУ ХК-ийн Гүйцэтгэх захирал Ц.Эрдэнэбилэг: “Амжилтыг бид энэ амаргүй үед бие биенээ гэсэн сэтгэлээр, хүнлэг энэрэнгүй соёл, бусдыг дээдлэн эрхэмлэх үнэт зүйлсээр тодорхойлох нь зүйтэй. Хүнээ хамгаалсан, хүнээ хөгжүүлсэн, хүн төвтэй менежментийн эерэг үр дүнг бид амжилт гэж харцгаая. Энэ ч утгаараа өнөөдөр бидний хамт олон 10 мянга гаруй харилцагчдадаа чиглэсэн эерэг үр дүн, боломжийг хамтын хүчээр бий болгох арга хэмжээг цахим хэлбэрээр санаачлан зохион байгуулж байна. Энэ цаг үед ч бас бидний хамт олон хэрэглэгчдэдээ ээлтэй бодлого баримтлаж дархлаа дэмжих үүднээс дархлаажуулалтын амин хүнс болох “Сайн” брэндийн “Д” витаминтай сүүгээ компанийн бүх ашгийн үзүүлэлтийг хасч цэвэр өөрийн өртгөөр нь зах зээлд нийлүүлэхээр боллоо.
Харилцагч, хэрэглэгч, хамтран ажиллагсад та бид бүгдээрээ Ковид-19 цар тахалтай тэмцэхийн тулд хариуцлагаа нэмж, хайртай хүмүүсээ хамгаалж, хамтдаа даван туулъя гэж уриалж байна.” гэж онцолсон юм.
Цахим хэлэлцүүлгийг хатуу хөл хорио тавигдахаас өмнө халдвар хамгааллын дэглэмийн дагуу зохион байгуулсан ба АПУ ХК-ийн албан ёсны Facebook page /APU Company | Facebook/ болон өргөн нэвтрүүлгийн телевизүүдээр хүлээн авч үзээрэй
АПУ ХК нь шинэ төгсөгч оюутнуудыг системчилсэн хөтөлбөрийн дагуу ажлын байран дээр сургаж хөгжүүлэн, мэргэшүүлэх зорилгоор “Fast Track” хөтөлбөрийг хэрэгжүүлж байна. Хөтөлбөрийн оролцогч маань жилийн турш Mentor, Coach, Buddy, Supervisor гэсэн 4 ажилтны тусламжтайгаар суралцаж, ур чадвараа нэмэгдүүлж байгууллагадаа үнэ цэн бүтээх чадварлаг мэргэжилтэн болдог.Ирээдүйн амжилтыг хамтдаа бүтээх залуустаа амжилт хүсье.
АПУ ХК нь 2021 онд “Хүний хөгжлийн тогтвортой бодлого”-д онцгойлон анхаарч, нийгэмд эерэг өөрчлөлтийг авчрах манлайлагчдыг нээн илрүүлэх, тэднийг сурч боловсроход нь дэмжлэг үзүүлэх зорилгоор 100 оюутны тэтгэлэгт хөтөлбөр зарлаж байна. АПУ ХК-ийн хэрэгжүүлж буй бодлого, үйл ажиллагаанууд нь “Тогтвортой Хөгжил”-ийн үндсэн суурь зарчим болох ЭДИЙН ЗАСАГ, НИЙГЭМ, БАЙГАЛЬ ОРЧНЫ тэнцвэртэй хөгжлийг ханган, хамтын үнэ цэн бүтээхэд чиглэдэг билээ. Компанийн үнэт зүйлс, үзэл баримтлалтай уялдуулан 2021 оны Тогтвортой хөгжлийн бодлого, зорилтын хүрээнд нийгэмдээ сайн үйлс хийх, эерэг өөрчлөлт авчрах сайн дурын арга хэмжээ, төсөл хөтөлбөрүүдийг санаачлан зохион байгуулж, гар бие оролцдог оюутнуудыг шалгаруулж, тэдний өөрчлөлтийн төлөөх хүчин чармайлтыг эрчимжүүлэхээр “Маргаашийн манлайлагчид” 100 оюутны тэтгэлэгт хөтөлбөрийг зохион байгуулж байна. Тиймээс АПУ ХК-ийн нэрэмжит уг тэтгэлэгт хөтөлбөрт хамрагдах оюутан залуусыг шалгаруулахдаа мэргэжил, курс харгалзахгүй бөгөөд нийгэм, олон нийтийн ажилд идэвхитэй оролцдог, амьдран буй дэлхий ертөнц, байгаль эх дэлхийдээ ээлтэй, цар тахал тэргүүтэй нийгмийн шийдлээ хүлээж буй олон асуудлуудад гарц гаргалгаа хайх чин эрмэлзлэлтэй байх, бакалаврын үндсэн ангийн оюутан байх, гэх мэт маш энгийн шалгуурыг чухалчиллаа. Тэтгэлэгт хөтөлбөрт шалгарсан оюутан 10 сарын турш сар тутам 100 мянган төгрөгийн тэтгэлэг авахаас гадна уг хөтөлбөрийн хамтрагч байгууллагуудын үйл ажиллагаатай танилцах, холбогдох сургалт, хөтөлбөрүүдэд хамрагдах ба цаашлаад АПУ ХК-д ажиллах боломжтой болох зэрэг олон ач холбогдолтой юм. Оюутан та уг тэтгэлэгт хөтөлбөрийн талаарх дэлгэрэнгүй мэдээллийг www.apu.mn вэб сайтаас авах боломжтой.
Бүртгүүлэх хугацаа: Бүртгэл 2021 оны 5-р сарын 31-нийг дуустал үргэлжлэх бөгөөд холбогдох материалыг дараах холбоосоор https://bit.ly/2R8VMKG эсвэл доорх QR code-ийг ашиглан ирүүлнэ үү.
Шалгаруулалтын үе шат:
1-р үе шат: Цахим асуулгын дагуу бүртгүүлэх
2-р үе шат: Эхний шатанд шалгарсан оюутнуудаас видео бичлэг хэлбэрээр нийгэмд тулгарч буй асуудлуудыг хэрхэн шийдвэрлэхэд гар бие оролцож байсан сайн туршлага, сайн дурын оролцооны тухай танилцуулгыг хүлээн авах
3-р үе шат: Эцсийн шалгаруулалтыг нийтэд танилцуулна.
Нийгмийн эерэг өөрчлөлтийг хамтдаа бүтээе!
АПУ Хувьцаат компани
АПУ КОМПАНИ “ХӨГЖЛИЙН БЭРХШЭЭЛТЭЙ ХҮНД ХҮРТЭЭМЖТЭЙ ОНЫ ШИЛДЭГ АЖИЛ ОЛГОГЧ АЖ АХУЙН НЭГЖ БАЙГУУЛЛАГА” -ААР ШАЛГАРЛАА
Хөгжлийн бэрхшээлтэй хүний эрхийг хангах Үндэсний зөвлөлийн санаачилгаар ХНХЯ, Хөгжлийн бэрхшээлтэй хүний хөгжлийн ерөнхий газар нар хамтран “Хөгжлийн бэрхшээлтэй хүнд хүртээмжтэй оны шилдэг”-үүдийг тодруулан, АПУ ХК-г “Хөгжлийн бэрхшээлтэй хүнд хүртээмжтэй оны шилдэг ажил олгогч аж ахуйн нэгж байгууллага” -аар шалгаруулан өргөмжлөлийг ХНХ-ын сайд А.Ариунзаяа Захиргаа, Хүний нөөц эрхэлсэн захирал Ш. Дөлгөөнд гардууллаа.
АПУ ХК нь хөгжлийн бэрхшээлтэй иргэдийн ажил эрхлэлтийг нэмэгдүүлэх, нийгмийн оролцоог сайжруулах чиглэлд 2020 онд 13 ажилтан ажилд авч ажиллуулснаас хараагүй иргэдэд зориулж 2 ажлын байр тусгайлан гаргаж, хөгжлийн бэрхшээлтэй иргэдийн үйлдвэрлэсэн бараа бүтээгдэхүүнээр 2 өдрийн үзэсгэлэнг ажлын байрандаа зохион байгуулж дэмжиж ажиллажээ. Мөн ХУД-т оршин суудаг хөгжлийн бэрхшээлтэй иргэдийн хамгийн ихээр зорчдог авто замын уулзваруудын гэрлэн дохионд дуут дохиологч байрлуулах ажлыг холбогдох байгууллагуудтай хамтран зохион байгуулж, БЗД-ийн нутаг дэвсгэрт байрлах АПУ компанийн Тайгер шар айргийн үйлдвэрийн дотоод болон нийтийн эзэмшлийн зам талбайг тусгай хэрэгцээт хүмүүст хүртээмжтэй болгон тохижуулан ажилласан байна.
Хөгжлийн бэрхшээлтэй хүний эрхийг хангах Үндэсний зөвлөлийн санаачилгаар ХНХЯ, Хөгжлийн бэрхшээлтэй хүний хөгжлийн ерөнхий газар хамтран 2 дахь удаагаа зохион байгуулсан энэхүү арга хэмжээ нь сайн туршлагыг олон нийтэд түгээх, бусдад үлгэр дуурайлал болгох томоохон ач холбогдолтой бөгөөд АПУ компанийн хувьд цаашид ч эдгээр иргэдэдээ хүртээмжтэй байх бодлого баримтлах, дэмжин ажиллахаа илэрхийлсэн юм.
НҮБ-ын Хөгжлийн хөтөлбөр (НҮБХХ)-өөс Нүүрстөрөгчийн ялгаруулалт, байгальд өгч буй дарамт нь Монгол Улсыг Хүний хөгжлийн индексээс 10 байр хойш татаж байгааг мэдээллээд байна. Тэгвэл байгальд ээлтэй хэрэглээний соёлыг бий болгох зорилгоор АПУ ХК дахин хэрэглээг эрхэмлэн шилний хог хаягдлыг багасгах санаачилга дэвшүүлж байна. Энэ ажлын хүрээнд зорилтот бүтээгдэхүүнийхээ шилийг хамтран ажиллаж буй харилцагч, дэлгүүрүүдээр дамжуулан хэрэглэгчдээс буцаан худалдан авах юм.
Дэлхий даяар COVID-19 цар тахалтай нүүр тулгарч аливаа бэрхшээл, сорилтуудыг хамтын хүчээр даван гарахаас өөр сонголтгүй болж байна. Цар тахлын дараа хүн төрөлхтний өмнө хамгийн чухлаар эрэмбэлэгдэн шийдэл хүлээж байгаа асуудал бол гарцаагүй байгаль экологийн тэнцвэрт байдал, уур амьсгалтын өөрчлөлт болоод байна. Тиймээс Монгол улсын хувийн сектор манлайлан оролцож асуудлыг алхам алхмаар шийдэж ажиллах нь үр хойч ирээдүйн өмнө хүлээж буй компанийн нийгмийн хариуцлага юм.
АПУ компани уг асуудалд шийдэл олох хүчин чармайлтаа эрчимжүүлж хэрэглэгчдийн дунд хог хаягдлыг багасгах, улмаар дахин хэрэглээний соёлыг бий болгох замаар харилцагч, дэлгүүрүүдтэй хамтран бүтээгдэхүүний шилээ эргүүлэн татаж байгальд бий болж буй шилний эмх замбараагүй хаягдлыг бууруулахыг зорьж байна. Энэ санаачилгыг компанийн дотоод ажилтнууд ч мөн дэмжин хог хаягдлаа ялган ангилж, эргүүлэн тушаах кампанит ажлыг эхлүүлээд байна.
Аливаа шилийг ангилан ялгаж, байгальд шууд хаяхгүйгээр дахин ашигласнаар түүхий эд, орц найрлагад орох байгалийн нөөц баялгийг хэмнэх, улмаар шил шинээр үйлдвэрлэхээс гарах хүлэмжийн хийн ялгарлыг бууруулах, ингэснээр уур амьсгалын өөрчлөлтийн хурдыг сааруулах зэрэг олон талын байгаль экологийн давуу талыг бий болгож байна.
Эдгээр давуу талуудаас онцгойлон дурдвал дахин ашиглаж буй шингэн хүнсний шил нь дунджаар 21 дахин байгаль орчинд ээлтэй байдаг. Мөн нэг тонн шил тутамд нэг тонн гаруй байгалийн баялгийг хэмнэдэг. 6 тонн шил дахин ашигласнаар 1 тонн нүүрсхүчлийн хийн ялгарлыг бууруулсантай тэнцэхүйц байдаг байна. (Тайлбар: Нүүрсхүчлийн хий нь хүлэмжийн хийн нэг төрөл ба уур амьсгалын өөрчлөлт, дэлхийн дулаарлыг бий болгож буй гол хүчин зүйлсийг нэг юм) (Эх сурвалж:Glass Recycling Institute)
Нөгөө талаас шил нь 100% дахин боловсруулах боломжтой бөгөөд чанар, цэвэршилт алдагдахгүй, ариутгалын өндөр стандартаар дахин ашиглаж болдог нь эдийн засгийн өгөөжийг тодорхойлж байна. Энэхүү төсөлд хэрэглэгч төдийгүй харилцагч дэлгүүр, бөөний болон жижиглэнгийн төв, тээврийн агентлагууд гээд олон талын төлөөлөл хамрагдах ба хэрэглэсэн шилийг дахин ашиглах нийлүүлэлтийн сүлжээ нь оролцогч тал бүрт нэмүү өртгийг бий болгож өгөөж хүртэх, ашиг олох боломжийг бүрдүүлж байгаа нь хамтын үнэ цэнийг бий болгож компанийн тогтвортой хөгжлийн бодлогын суурь болж байгаа юм. Дэлхийд дунджаар 1000 тонн шилийг дахин ангилах үйл явц тутамд 8 ажлын байр шинээр бий болдог байна. Мөн шилний импортыг бууруулж дотоод нөөц боломжоо дахин ашигласнаар валютын гадагш чиглэх урсгалыг бууруулж ханшид ч эергээр нөлөөлөх дам нөлөөтэй юм.
АПУ ХК нь шингэн хүнсний салбарын тэргүүлэгч компанийн хувьд үйлдвэрлэл, ханган нийлүүлэлтийн сүлжээндээ өөрсдийн бэлтгэн нийлүүлэгч, харилцагчидтай байгаль орчны чиглэлээр илүү хариуцлагатай, хамтын бодлого баримтлан ажиллаж байна.
Бид үйлдвэрлэлийн үйл ажиллагаанаас гарч болох хог хаягдлыг бага түвшинд байлгах, бууруулах, хэрэглэгчдэд очиж буй бүтээгдэхүүний сав баглаа боодлын хаягдлыг дахин ашиглах боломжтой байлгах нөхцлийг бүрдүүлэхийг зорьдог. АПУ компани нь олон улсад хүлээн зөвшөөрөгдсөн Байгаль орчны удирдлагын тогтолцоо ISO 14001:2004 стандартыг 2011 онд нэвтрүүлж улмаар 2017 онд ISO 14001:2015 шинэчлэгдсэн стандартын дагуу дэлхийд нэр хүнд бүхий SGS группын итгэмжлэлд хамрагдан баталгаажуулсан юм.
Эрхэм хэрэглэгч, харилцагч та бүхнийг уг санаачилгыг дэмжин АПУ ХК-ийн төсөлд хамаарах бүтээгдэхүүний шилээ өөрт ойр харилцагч дэлгүүр, төвүүдэд эргүүлэн тушааж байгальд ээлтэй хэрэглээг түгээх санаачилгыг эрчимжүүлэхийг уриалж байна.
АПУ ХК-ийн нийт хамт олны хүч хөдөлмөр шингэсэн хүнсний тусламжийн багц эзэддээ хүрлээ. Ковид-19 цар тахлын улмаас ажлын байр нь түр хаагдсан, орлого нь тасарсан айл өрхүүдэд чиглэсэн хүнсний тусламжийн багц түгээх “Дэм Дэмэндээ-2” аянд АПУ компани нэгдэж 1000 өрхөд тусламж үзүүллээ. Санаачлан зохион байгуулж буй Нийслэлийн Засаг Даргын Тамгын Газар болон аянд нэгдэж буй бусад аж ахуй нэгж, байгууллагууддаа баярлалаа. Одоогийн байдлаар 20 гаруй байгууллагууд нэгдэн үе шаттайгаар хүнсний тусламж үзүүлж байна.
Аж ахуй нэгж, бизнес эрхлэгч та бүхнийг энэхүү аянд нэгдэхийг уриалж байна.
АПУ компанийн Хувьцаа эзэмшигчдийн ээлжит хурал 2020 оны 04 дүгээр сарын 20-ны өдөр 95%-ийн ирцтэйгээр болж өндөрлөлөө. МУЗГ-ын 2020 оны 03 дугаар сарын 22-ны өдрийн 102 дугаар тогтоолын дагуу Бэлэн байдлын зэрэгт шилжүүлсэн хугацааг сунгасантай холбогдуулж, хурлыг “Корпорейт Хотел энд Конвеншн Цэнтр”-ийн Концертын танхимаас Компанийн албан ёсны цахим хуудсаар шууд дамжуулан, анх удаа цахим хэлбэрээр зохион байгуулсан билээ.
Хувьцаа эзэмшигчдийн ээлжит хурлыг Компанийн Гүйцэтгэх захирал Ц.Эрдэнэбилэг даргалан, Компанийн 2019 оны үйл ажиллагааны болон санхүүгийн тайланг хэлэлцэж, тус тайлангийн талаар Төлөөлөн удирдах зөвлөлөөс гаргасан “АПУ групп компани 2019 онд тавьсан зорилтуудаа биелүүлж, амжилттай ажилласан” хэмээх дүгнэлтийг баталснаар энэ удаагийн хурал амжилттай болж өндөрлөв.
Хуралдаа идэвхтэй оролцож, саналаа өгсөн нийт хувьцаа эзэмшигчдэдээ талархсанаа илэрхийлье.
Эрдмийн их баярын өдөр улс орон даяар өрнөж буй энэ цаг үед АПУ компани нь Монголын ууган сургуулиудын нэг болох Санхүү Эдийн Засгийн Их сургуультай хамтын ажиллагаагаа шинэ шатанд гаргах зорилгоор санамж бичиг, гэрээнд гарын үсэг зурлаа. Уг хамтын ажиллагааны хүрээнд:
• Монгол улсын нийгэм, эдийн засгийн тулгамдсан асуудлыг төр, хувийн хэвшил, боловсролын байгууллагын хамтын оролцоотой шийдвэрлэх;
• Талууд нөөц, боломжоо зохистой хувиарлах замаар харилцан туслалцаж, үр ашигтай хамтран ажиллах, төсөл, хөтөлбөр, судалгаа, зөвлөх үйлчилгээг хамтран хэрэгжүүлэх, гүйцэтгэх;
• Нийгэм, олон нийтийн боловсролыг дээшлүүлэх нийгэмд чиглэсэн үйл ажиллагааг хэрэгжүүлэх;гэх мэт чиглэлүүдийн дагуу хамтран ажиллаж оюутан залуусыг дэмжиж, ажлын байран дээр дадлага хийх, онол практикийг хослуулах, өөрийгөө хөгжүүлж цаашид АПУ компанид ажиллах боломжоор хангах.
Мөн АПУ компанийн зүгээс өөрийн ажилчдын ур чадварыг дээшлүүлэх, эрдмийн зэрэг цолоо ахиулахад дэмжлэг үзүүлэх зорилгоор хэрэгжих юм. Нийт хүрэлцэн ирсэн зочид, СЭЗИС-ийн удирдлагын багт талархал илэрхийлье.
ОХУ-ын Бүгд Найрамдах Буриад Улсын Тэргүүн ноён А.С. Цыденов АПУ ХК-д зочлон ирж, компанийн үйл ажиллагаатай танилцлаа. Айлчлалын хүрээнд тэрээр АПУ ХК-ийн үйлдвэрүүд болон бүрэн автомат агуулахтай танилцаж, цаашдын худалдаа, хамтын ажиллагааны талаар санал солилцлоо.
АПУ ХК нь нийгэмд соёл урлагаар дамжуулж эерэг нөлөөлөл түгээх, нийгмийн соён гэгээрүүлэх ажлыг дэмжин ажилладаг билээ. МҮОНТВ-ээр гарсан “Бурхан багш” Энэтхэгийн олон ангит уран сайхны киног гаргаж, олон нийтэд хүртээл болгоход хамтран ажилласан Монголын Сүсэгтний Холбоо, МҮОНРТ-ийн уран бүтээлч, зөвлөх, судлаач нарт талархал илэрхийллээ. Энэхүү арга хэмжээнд Гандантэгчилэн хийдийн тэргүүн Хамба, гавж Д.Чойжамц, МҮОНРТ-ийн ерөнхий захирал Л.Нинжжамц, АПУ ХК-ийн ТУЗ-ийн дарга П.Батсайхан нар оролцож, нийт уран бүтээлчдийг хүлээн авч уулзсан юм.
Тус киног үзэгчдийн хүртээл болгохын тулд орчуулагч, орчуулгын найруулагч, редактор, дуучин, сайн дурын ажилтнууд нийлсэн 40 гаруй уран бүтээлчид хичээнгүйлэн ажиллажээ. Мөн төслийн хамт олны зүгээс цаашид “Бурхан багш” киног радиогийн сувгаар аудио хэлбэрт оруулж түгээх, зурагт ном бүтээх, хүүхэд залуусын ёс суртахууныг дээшлүүлэх оюуны боловсролыг хөгжүүлэхэд чиглэсэн олон ажил төлөвлөж байна.
Олон Улсын хэмжээнд зохион байгуулагддаг НОГООН ДОЛОО ХОНОГ буюу “International Green Week” үзэсгэлэн нь 86 дахь удаагаа 2020 оны 1-р сарын 17-ны өдрөөс 26-ныг дуустал Герман улсын Берлин хотод зохион байгуулагдлаа. Энэхүү үзэсгэлэн нь хоол хүнс, хөдөө аж ахуй болон газар тариалангийн чиглэлээр зохион байгуулагддаг ба энэ жил нийт 1800 орчим үзэсгэлэнд оролцогчдын 620 нь 61 улсаас оролцсон юм.
Монгол улсыг төлөөлж МХАҮТ өргөн хүрээнд тус үзэсгэлэнд оролцсон ба АПУ ХК -г төлөөлж Герман улсанд тус компанийн бүтээгдэхүүнийг худалдан борлуулдаг Wildberry Handelsgesellschaft MBH компани оролцсон билээ.
Энэхүү үзэсгэлэн дээр АПУ ХК -н Chinggis Khan, Soyombo, Eden, Velvet болон Болор брэнд бүтээгдэхүүнүүдийг танилцуулан олны хүртээл болголоо. АПУ ХК нь 2008 оноос хойш Европын Холбооны улсуудад бараа бүтээгдэхүүнээ борлуулж байгаа бөгөөд цаашид экспортын зах зээлд өрсөлдөн брэнд бүтээгдэхүүнээ сурталчлан таниулах идэвхтэй үйл ажиллагааг өргөжүүлэхээр ажиллаж байна.
Монгол Улсаас гадаад орнуудад суух Онц бөгөөд Бүрэн Эрхт Элчин сайд, Ерөнхий Консул нар АПУ ХК-д зочиллоо. Зочид АПУ Дэйри ХХК-ийн сүү сүүн бүтээгдэхүүний үйлдвэрээр танилцах аяллаа эхлүүлж, АПУ ХК -ийн архи, шар айраг, ус ундааны үйлдвэрлэл, экспортын үйл ажиллагаатай танилцлаа.
Монгол Улсаас Сингапур Улсад суугаа Элчин сайд Т.Лхагвадорж “АПУ компанийн зарим бүтээгдэхүүнийг зөвхөн Сингапур гэлтгүй Зүүн Өмнөд Азийн орнууд нэлээд сонирхон хүлээж авах боломжтой гэж харж байна. АПУ-гийн хувьцаа эзэмшигчээр “Heineken” компанийн Сингапур дахь салбар орж ирсэн учраас экспортын чиглэлд дорвитой арга хэмжээ авах болов уу.
Ирэх жил Сингапур, Монголын дипломат харилцаа тогтоосны 50 жилийн ой болно. Үүнийг тохиолдуулан үндэсний үйлдвэрлэл болон соёл урлагийг таниулах арга хэмжээнүүдийг зохион байгуулах замаар Монголыг сурталчлах төлөвлөгөөтэй ажиллаж байна. Эх орныхоо бүтээгдэхүүнүүдийг Сингапур болон Зүүн Өмнөд Азийн зах зээлд сурталчлахад дорвитой арга хэмжээ хэрэгжүүлнэ. Үндэсний үйлдвэрүүдийн үйл ажиллагаа, чадамж, ирээдүй рүү чиглэсэн бодлогыг харилцан дэмжээд ажиллах боломжтой” хэмээн ярьсан юм.
Уг танилцах, мэдээлэл солилцох арга хэмжээний үеэр цаашид хэрхэн хамтарч ажиллах талаар доорх зүйлсийг ярилцаж санал солилцсон юм.
Бяцхан Хуландай ТББ-ийн санаачилгаар “Smiling Hearts” буюу хүүхэд багачуудад урам зориг, итгэл найдвар бэлэглэх зорилготой арга хэмжээг Шунхлай Групп, АПУ ХК, NTV телевиз хамтран амжилттай зохион байгууллаа. АПУ ХК-ийн ТУЗ-ийн дарга П.Батсайхан болон “Бяцхан Хуландай ТББ”-ийн тэргүүн А.Мөнгөнцэцэг нар нээж үг хэлснээр арга хэмжээ эхэлсэн.
Хүүхэд багачууддаа зориулсан эхний сюрприз болж уран бүтээлээ хүргэхээр МУ-ын Төрийн соёрхолт, дуучин Болд хүрэлцэн ирсэн бөгөөд хүүхэд бүр хамт дуулж, бүжиглэсэн бол сургагч багш Мишээл өөрийнхөө амьдралынхаа туршлагаас хүүхэд багачууддаа сургамж болгон ярьсан юм. Мэдээж хүүхэд бүрийн үзэх дуртай хүүхэлдэйн киногоор арга хэмжээ үргэлжилж бэлэг гардуулснаар өндөрлөсөн билээ. Нийгмийн хариуцлагын хүрээнд зохион байгуулсан уг арга хэмжээнд ХУД-ийн 8 хорооны нийт 400 хүүхэд хамрагдсан юм.
Сайн үйлс бүхэн дэлгэрэх болтугай!
Онцгой нөхцөл байдлаас шалтгаалж, хүүхэд бүр гэртээ байгаа энэ цаг үед АПУ компанийн хамт олон хүүхэд багачууддаа дархлааг нь дэмжих зорилгоор МААМУУ брэндээрээ бэлэг барьлаа. Маамуу брэндийн эрч хүчээр дүүрэн залуус Улаанбаатар хотын дүүргүүдээр аялж, замд тааралдсан хүүхэд бүрт Маамуу брэндийн гарын бэлэг түгээж, аз жаргалыг хамтдаа бүтээсэн билээ. Нийт хүүхэд багачууд, бяцхан маамуу нартаа “Олон улсын хүүхдийн эрхийг хамгаалах баярын өдөр”-ийн мэндийг хүргэе!
#StayHome #StaySafe #ChildrensDay
2020 оны 5 дугаар сард Европийн Брюссель хотноо олон улсын чанарын институтээс 59 дахь жилдээ зохион байгуулсан Monde Selection тэмцээнд АПУ компанийн шилдэг брэндүүд амжилттай оролцож өөрсдийн үнэ цэнийг тодорхойллоо. Тухайлбал Chinggis Khan болон Chinggis Grandkhaan брэндүүд Grand gold буюу дээдийн дээд тэргүүн байрыг амт, чанар, дизайн зэргээрээ тэргүүлсэн бол Aurug, Evok, Soyombo зэрэг брэндүүд Gold award шагналыг тус тус хүртсэн юм.
Уг тэмцээнд олон улсын нийт 3300 гаруй брэнд бүтээгдэхүүн оролцож, тусгай томилогдсон мэргэжилтнүүд, их сургуулийн профессорууд, нэр хүндтэй хүнсний салбарын инженерүүд болон нийт 80 гаруй мэргэжлийн амтлагчид оролцож шалгаруулдгаараа бусад тэмцээнүүдээс нэр хүндээрээ ялгардаг байна.
Монгол улсын засгийн газар, МҮХАҮТ хамтран Монголын топ аж ахуй нэгжүүдийг жил бүр уламжлал болгон шалгаруулдаг билээ. Энэ жилийн шалгаруулалтад үндэсний шилдэг үйлдвэрлэгч АПУ групп компаниас АПУ ХК, АПУ Трэйдинг ХХК, СББ Трейд ХХК, Спирт Бал Бурам ХХК компаниуд дахин шалгарч эрэмблэгдлээ. Бидний хувьд 2019 онд үйл ажиллагаагаа менежментийн хувьд сайжруулж, зардлаа бууруулж, экспортын хэмжээг 58%-иар нэмэгдүүлж, улмаар улсад нийт 303 тэрбумын татварыг төвлөрүүлэн ажиллаа.
Өнгөрсөн 3 сарын 5-ны өдөр Бүгд Найрамдах Чех Улсаас Монгол Улсад суугаа онц бөгөөд бүрэн эрхт Элчин сайд Ийржи Бродский албаны төлөөлөгчдийн хамтаар АПУ ХК -ийн архи, шар айраг, ус ундааны үйлдвэрлэл, экспортын үйл ажиллагаатай танилцлаа. Энэ үеэр АПУ ХК-ийн ТУЗ-ын дарга П.Батсайхан албаны төлөөллүүдийн хамтаар хүлээн авч уулзсан юм. Уулзалтаар АПУ компанийн албаны төлөөллүүд компанийн бүтэц, үйл ажиллагааг танилцуулахын зэрэгцээ Монгол улс тэртээ 1927 онд БНЧУ-ын чадварлаг мэргэжилтнүүдийн тусламжтайгаар анх шар айраг үйлдвэрлэж байсан түүхийг эргэн дурссан юм. Үүнийг Элчин сайд Ийржи Бродскийн ихэд сонирхон хүлээн авч, АПУ компанийн цаашдын бодлого ирээдүйн төлөвлөгөөний талаар албаны төлөөллүүдтэй харилцан ярилцаж, санал солилцсон юм.
АПУ ХК-ИЙН ХУВЬЦАА ЭЗЭМШИГЧДИЙН АНХААРАЛД
АПУ ХК-ийн Хувьцаа эзэмшигчдийн ээлжит хурал 2020 оны 04 дүгээр сарын 20-ны өдрийн 14:00 цагт Улаанбаатар хот, Хан-Уул дүүрэг, 15 хороо, Махатма Гандийн гудамж 39, Корпорейт Хотел энд Конвеншн Цэнтрийн 4 давхарт байрлах Концертын танхимд болох тул хувьцаа эзэмшигчид Та бүхнийг хүрэлцэн ирэхийг урьж байна.
Хуралд оролцогчдын бүртгэл явагдах цаг: 13:00–13:59
Хурал эхлэх цаг: 14:00
Хурлаар дараах асуудлыг хэлэлцэн шийдвэрлэнэ. Үүнд:
Хуралд оролцох эрхтэй хувьцаа эзэмшигчдийн нэрсийн жагсаалт гаргах бүртгэлийн өдөр буюу 2020 оны 03 дугаар сарын 23-ны өдрийн байдлаар компанийн хувьцааг эзэмшиж буй хувьцаа эзэмшигчид хуралд оролцоно.
Хувьцаа эзэмшигч Та бүхэн биечлэн эсхүл итгэмжлэгдсэн төлөөлөгчөөрөө дамжуулан хуралдаа оролцож болох ба брокер дилерийн компаниудаар дамжуулан санал авах хуудсаар саналаа урьдчилж өгөх боломжтой. Санал авах хуудсаар санал авах сүүлчийн хугацаа 2020 оны 04 дүгээр сарын 20-ны өдрийн 13:00 цагт дуусна.
Хурлын талаар дэлгэрэнгүй мэдээлэл, хувьцаа эзэмшигчийн танилцаж болох мэдээллийг компанийн байранд ирж болон дараах хурал зохион байгуулах комиссын утсаар холбоо барьж авна уу.
| № | Нэрс | Утас | Цахим хаяг |
| 1 | Ч.Ариунсан | 344336-338 | ariunsan.ch@www.apu.mn |
| 2 | Б.Эрдэнэтуяа | 344336-432 | erdenetuya.b@www.apu.mn |
| 3 | Э.Солонго | 344837-321 | solongo.e@www.apu.mn |
| 5 | Б.Бэгзсүрэн | 344336-314 | begzsuren.b@www.apu.mn |
Ажиллах цагийн хуваарь: Ажлын өдрүүдэд 10:00–17:00 цагийн хооронд ажиллана.
Компанийн хаяг: Улаанбаатар хотын Хан-Уул дүүрэг, 2-р хороо, Чингисийн өргөн чөлөө, Өөрийн байр
Утас: 344336
Факс: 343063
Имэйл: info@www.apu.mn
Хурлаас гарах шийдвэрийн төслийг ЭНД ДАРЖ үзнэ үү.
ХУРАЛ ЗОХИОН БАЙГУУЛАХ КОМИСС
Их Британи, Умард Ирландын Нэгдсэн Вант Улсаас Монгол Улсад суугаа онц бөгөөд бүрэн эрхт Элчин сайд Филип Малон албаны төлөөлөгчдийн хамтаар АПУ ХК-ийн архи, шар айраг, ус ундааны үйлдвэрлэл болон экспортын үйл ажиллагаатай танилцлаа. Энэ үеэр Элчин сайд Малоныг АПУ ХК-ийн ТУЗ-ийн дарга П. Батсайхан, АПУ ХК-ийн Гүйцэтгэх захирал Ц. Эрдэнэбилэг нар бусад удирдлагуудын хамтаар хүлээн авч уулзав. Уулзалтын үеэр Их Британийн худалдаа хамтын ажиллагаа, түүнд АПУ Компанийн оруулах хувь нэмэр, экспортыг сэргээх талаар санал солилцсон байна.
Олон Улсын хэмжээнд зохион байгуулагддаг НОГООН ДОЛОО ХОНОГ буюу “International Green Week” үзэсгэлэн нь 86 дахь удаагаа 2020 оны 1-р сарын 17-ны өдрөөс 26-ныг дуустал Герман улсын Берлин хотод зохион байгуулагдлаа. Энэхүү үзэсгэлэн нь хоол хүнс, хөдөө аж ахуй болон газар тариалангийн чиглэлээр зохион байгуулагддаг ба энэ жил нийт 1800 орчим үзэсгэлэнд оролцогчдын 620 нь 61 улсаас оролцсон юм.
АПУ ХК-ийн Төлөөлөн удирдах зөвлөлийн 2020 оны 02-р сарын 14-ний өдрийн хурлын 20/08 тоот тогтоолоор 2019 оны бизнесийн үйл ажиллагааны үр дүнг харгалзан нэгж хувьцаанд 71 (Далан нэг) төгрөг ногдол ашиг хуваарилахаар шийдвэрлэлээ.
Төлөөлөн удирдах зөвлөлийн ажлын алба
“Eurasia Spirit Drinks” тэмцээн нь олон улсын архи, архин төрлийн бүтээгдэхүүн болон спиртийн чанарыг шалгаруулах, дотоодын болон гадаадын зах зээл дээр дээд зэргийн чанартай бүтээгдэхүүнийг зах зээлд таниулан сурталчлах зорилгоор явуулдаг нэр хүндтэй шалгаруулалт юм.
2020 оны 1 сарын 28-ны өдрөөс 31-ний өдрүүдэд Москва хотноо зохион байгуулагдсан “Eurasia Spirit Drinks” тэмцээнд ОХУ, Финлянд, Латви, Бельги, Хятад, Монгол зэрэг нийт 10 гаруй улс орны 120 гаруй брэнд бүтээгдэхүүнүүд оролцсоноос үндэсний ууган үйлдвэр АПУ компанийн Ерөөл брэнд “Гадаадын шилдэг брэнд” төрөлд амт чанараараа тэргүүлэн алтан медаль, премиум сегментийн “Гадаадын шилдэг архи” төрөлд “ARKHI EXPORT” брэнд мөнгөн медаль тус тус хүртэж Монгол улсын шингэн хүнсний үйлдвэрлэлийн чанар стандарт, нэр хүндийг дахин баталгаажууллаа.
Түүнчлэн, уг тэмцээнд АПУ компанийн харьяа Натур Агро спиртийн үйлдвэрийн Альфа зэрэглэлийн спирт нь алтан медаль, Люкс зэрэглэлийн спирт нь мөнгөн медалийг тус тус хүртжээ. “Натур Агро”-гийн альфа спиртээр “Chinggis Khan”, “Soyombo”, “Eden”, “АRKHI”, “Чингис Грандхаан”, “Болор” зэрэг брэндүүдийг үйлдвэрлэдэг бол Люкс буюу тансаг зэрэглэлийн спиртээр “Ерөөл”, “Алтан түрүү”, “Улаанбаатар” зэрэг брэндүүдийг үйлдвэрлэдэг юм.
Уг тэмцээний шүүлтийг 70 жилийн түүхтэй, туршлагатай хүрээлэнгийн олон улсын мэргэшсэн чанар шалгагч нараас гадна хэрэглэгчдийн дундаас хөндлөнгийн экспертууд болон ажиглагч нарыг оролцуулсан багийг бүрдүүлж шалгаруулалтыг өндөр төвшинд явуулжээ. Мөн бүтээгдэхүүнийг шалгаруулахдаа тухайн ангиллаас хамааран амт чанар дээр үндэслэн шалгаруулахаас гадна инновацид суурилсан, шинэ технологи, болон шинэ жор орц, найрлага гэх мэт зүйлийг харгалзан үзжээ.
Үндэсний үйлдвэрлэл маань олон улсын чанар, стандарт шаардлагад нийцэж, нэр хүндтэй зэрэглэл өндөр тэмцээнд шалгарсан явдал нь Монгол брэндүүд дэлхийд танигдах цаг үе улам бүр ойртож буйн тод жишээ билээ.
“Eurasia Spirit Drinks” тэмцээн нь олон улсын архи, архин төрлийн бүтээгдэхүүн болон спиртийн чанарыг шалгаруулах, дотоодын болон гадаадын зах зээл дээр дээд зэргийн чанартай бүтээгдэхүүнийг зах зээлд таниулан сурталчлах зорилгоор явуулдаг нэр хүндтэй шалгаруулалт юм.
2020 оны 1 сарын 28-ны өдрөөс 31-ний өдрүүдэд Москва хотноо зохион байгуулагдсан “Eurasia Spirit Drinks” тэмцээнд ОХУ, Финлянд, Латви, Бельги, Хятад, Монгол зэрэг нийт 10 гаруй улс орны 120 гаруй брэнд бүтээгдэхүүнүүд оролцсоноос үндэсний ууган үйлдвэр АПУ компанийн Ерөөл брэнд “Гадаадын шилдэг брэнд” төрөлд амт чанараараа тэргүүлэн алтан медаль, премиум сегментийн “Гадаадын шилдэг архи” төрөлд “ARKHI EXPORT” брэнд мөнгөн медаль тус тус хүртэж Монгол улсын шингэн хүнсний үйлдвэрлэлийн чанар стандарт, нэр хүндийг дахин баталгаажууллаа.
Түүнчлэн, уг тэмцээнд АПУ компанийн харьяа Натур Агро спиртийн үйлдвэрийн Альфа зэрэглэлийн спирт нь алтан медаль, Люкс зэрэглэлийн спирт нь мөнгөн медалийг тус тус хүртжээ. “Натур Агро”-гийн альфа спиртээр “Chinggis Khan”, “Soyombo”, “Eden”, “АRKHI”, “Чингис Грандхаан”, “Болор” зэрэг брэндүүдийг үйлдвэрлэдэг бол Люкс буюу тансаг зэрэглэлийн спиртээр “Ерөөл”, “Алтан түрүү”, “Улаанбаатар” зэрэг брэндүүдийг үйлдвэрлэдэг юм.
Уг тэмцээний шүүлтийг 70 жилийн түүхтэй, туршлагатай хүрээлэнгийн олон улсын мэргэшсэн чанар шалгагч нараас гадна хэрэглэгчдийн дундаас хөндлөнгийн экспертууд болон ажиглагч нарыг оролцуулсан багийг бүрдүүлж шалгаруулалтыг өндөр төвшинд явуулжээ. Мөн бүтээгдэхүүнийг шалгаруулахдаа тухайн ангиллаас хамааран амт чанар дээр үндэслэн шалгаруулахаас гадна инновацид суурилсан, шинэ технологи, болон шинэ жор орц, найрлага гэх мэт зүйлийг харгалзан үзжээ.
Үндэсний үйлдвэрлэл маань олон улсын чанар, стандарт шаардлагад нийцэж, нэр хүндтэй зэрэглэл өндөр тэмцээнд шалгарсан явдал нь Монгол брэндүүд дэлхийд танигдах цаг үе улам бүр ойртож буйн тод жишээ билээ
ТЕНДЕРИЙН УРИЛГА
Огноо: 2020 оны 01 дүгээр сарын 03-ны өдөр
Тендер шалгаруулалтын нэр:
“Агуулах, тээвэр, түгээлтийн зориулалттай агуулахыг газрын хамтаар худалдан авах эсхүл удаан хугацаагаар түрээслэх” харилцагчийг сонгон шалгаруулах тухай
Тендерийн зорилго, агуулга:
АПУ ХК нь Ложистикийн үйл ажиллагааг өргөжүүлэх төслийн хүрээнд Улаанбаатар хотын баруун бүсэд буюу Баянгол, Сонгинохайрхан дүүргийн нутаг дэвсгэрт байрлах агуулахыг газрын хамт худалдан авах эсхүл удаан хугацаанд түрээслэх тул санал ирүүлэхийг урьж байна.
Тендерийн шаардлага:
Үүнд:
Тендерийн шалгаруулалтыг Компанийн Тендерийн журам болон бусад холбогдох бичиг баримтыг үндэслэн хийнэ.
Тендерт оролцогч нь шаардлага хангасан материалыг 2020 оны 01 дүгээр сарын 24-ний өдрийн 16 цагаас өмнө доорх хаягаар ирүүлнэ. Тендерийн материалыг хүлээн авч дууссанаас хойш ажлын 5 хоногийн дотор тендерийн хороо хуралдаж шалгаруулалтыг хийнэ.
Сонирхсон этгээд тендерийн баримт бичиг болон бусад мэдээллийг доорх хаягаар авч болно.
Ажилтны нэр: Хуулийн албаны дарга Э.Солонго
Хаяг: Улаанбаатар, Хан-Уул дүүрэг, Чингисийн өргөн чөлөө, АПУ ХК-ийн төв байр, 3 давхарт Хуулийн албаны өрөө;
Утас: 11- 344837 – 321
И-Мэйл: solongo.e@www.apu.mn
Өнгөрсөн 12 сарын 27 – ны өдөр АНУ- аас Монгол Улсад суугаа онц бөгөөд бүрэн эрхт элчин сайд ноён Майкл Клечески АПУ компанийн үйлдвэрүүдээр зочиллоо.
Элчин Сайд Клечески болон бусад албаны төлөөлөгчид АПУ компанийн бүрэн автомат АПУ Ложистик төв, Спиртийн үйлдвэр, Сүүний үйлдвэр болон шар айргийн үйлдвэрүүдийг үзэж сонирхсон ба АПУ ХК-ийн Гүйцэтгэх захирал Ц. Эрдэнэбилэг, Байгууллагын харилцаа эрхэлсэн захирал Ш. Батжаргал, Үйл ажиллагаа эрхэлсэн захирал Даниэл Кау нар холбогдох албаны төлөөллүүдийн хамт хүлээн авч, уулзаж ярилцлаа.
ОХУ-ын Казань хотноо АПУ ХК Монгол Улсаа сурталчлах “Монголын нэг өдөр” арга хэмжээг амжилттай зохион байгууллаа.
Үндэсний соёл урлаг, орчин үеийн хөгжил дэвшлээс оросуудад танилцуулах зорилготой тус арга хэмжээнд морин хуурын эгшиг, уртын дуу, хөөмий зэрэг үндэсний язгуур соёлоос гадна сонгодог урлаг, рок попын төлөөлөл, залуу уран бүтээлчид оролцож эх орноо сурталчиллаа.
Хөөмийтэй хослох морин хуурын содон аялгуут тоглолт хэзээнээс л гадаадынхны сонирхлыг татсаар ирсэн бөгөөд хүндэтгэлийн идээ аягалсан аягатай охидын чадварлаг бүжиг зочдыг алмайруулж чадсан юм.
Ирсэн зочдод дан ганц үндэсний соёл урлагаас сонирхуулаад зогссонгүй. Дэлхийн дуурийн олимп гэж тодорхойлж болох П.И.Чайковскийн нэрэмжит олон улсын уралдааны шагналт, гоцлол дуучин Э.Анхбаяр, ДБЭТ-ийн гоцлол дуучин Б.Энхнаран нэрт хөгжмийн зохиолч Б.Шаравын “Аав ээж хоёр минь” дууг толилуулж Монголын дуурийн гайхамшгаас толилууллаа.
Тэдний араас рок попын төлөөлөл болсон “Никитон” хамтлагийн дуучин Батчулуун, дуучин Наагий нар өөрсдийн хэв маягийг илэрхийлсэн ая дуугаараа ирсэн зочдын сэтгэлийг хөдөлгөж, Монголын орчин цагийн соёл урлагийн чадварыг зочдод мэдрүүлсэн юм.
“Монголын нэг өдөр”-ийн танхимд үндэсний гэр сууцаа барьж, үндэсний хувцас загварыг толилуулахын зэрэгцээ дэлхийд алдартай ОХУ-ын уран барималч Даши Намдаковын тал нутгийн анчин, дайчдыг дүрсэлсэн “Жанжин”, “Бай”, “Шонхор шувуутай цэрэг эр” хэмээх гурван уран баримлыг залж, хүрэлцэн ирсэн зочдын оюуны мэлмийг баясгалаа.
Монгол Улсаа сурталчлах энэхүү арга хэмжээнд ОХУ-ын Бүгд Найрамдах Татарстан Улсын Ерөнхий сайдын орлогч Василь Шайхразиев, Засгийн газрын гишүүд, Улаанбаатар хотын засаг даргын орлогч О.Мөнгөншагай, АПУ ХК-ийн Төлөөлөн Удирдах Зөвлөлийн дарга П.Батсайхан, ОХУ-ын “Татспиртпром” компанийн ерөнхий захирал Ирек Миннахметов, нэрт уран барималч Даши Намдаков болон бусад албаны төлөөлөгчид оролцсон юм.
Хүндтэй зочид энэхүү соёл урлагийн арга хэмжээг нээж үг хэлэхдээ түүх, соёл уламжлалаар уялдаатай хоёр орны ард түмний цаашдын найрсаг харилцаа, харилцан ашигтай хамтын ажиллагааг өргөжүүлж хөгжүүлэх нь чухал хэмээн цохон тэмдэглэлээ.
Казань хот нь Чингис хааны ач хүү Бат хааны Алтан ордны улс, Казанийн ханлиг, Хаант Орос зэрэг өрнө дорнын их хаад, эзэнт гүрнүүдийн түүхийг агуулсан дурсгалт юм. Үүний хүрээнд тус хотынхон энэ онд Алтан ордны улсын 750 жилийн ойг тэмдэглэж байна. Ойн огноог 12-р сарын 06-ны өдрөөр сонгосон нь Их Монгол Улс байгуулагдсан 1206 оныг бэлгэдсэн утгатай аж.
Түүхт улсын ойн үйл явдлыг тэмдэглэн өнгөрүүлэхтэй зэрэгцэн Монголын бизнес, урлаг соёлынхон тус хотод “Монголын нэг өдөр” арга хэмжээг зохион байгуулсан нь сайхан давхцал гэдгийг зочид төлөөлөгчид илэрхийлж байлаа.
Мөн соёлын өдөрлөгийн өмнө АПУ ХК болон “Татспиртпром” ХК хооронд худалдаа, үйлдвэрлэлийн хамтын ажиллагааны гэрээнд гарын үсэг зурсан юм. Ингэснээр “Татспиртпром” компани АПУ ХК-ийн “Чингис Хаан” брэнд бүтээгдэхүүнийг ОХУ-ын зах зээлд албан ёсны онцгой эрхтэйгээр худалдаална. Харин АПУ ХК нь хойд хөршид хамгийн өндөр борлуулалтайд тооцогддог “Тундра” брэндийн бүтээгдэхүүнийг өөрийн үйлдвэртээ үйлдвэрлэнэ.
АПУ ХК Оросын компанитай хамтын ажиллагаагаа хөгжүүлж, брэнд бүтээгдэхүүнээ таниулах, худалдаалах замаар тус ОХУ-ын зах зээл дэх байр сууриа илүү тэлэх зорилт тавьж байгаа юм.
Монгол Улсын имижийг дээшлүүлэх, экспортын гарцыг нэмэгдүүлэх зорилготой “Монголын нэг өдөр” соёлын арга хэмжээ нь Улаан-Үд, Красноярск, Эрхүү хотуудад болсон цуврал хөтөлбөрийн үргэлжлэл байлаа.
Улс Тунхагласны баярыг тохиолдуулан АПУ Групп компанийн хэмжээнд олон жил үр бүтээлтэй ажилласан ажилтнуудаа алдаршуулж, шагнаж урамшууллаа.
Үүнд Төрийн шагналаар 2 ажилтан , Засгийн газрын шагнал 35 ажилтан , Монголын Залуучуудын Холбооны шагналаар 24 ажилтанг тус тус шагнасан юм. Нийт шагнал авсан бүх ажилтнууддаа баяр хүргэж, цаашдын ажил хөдөлмөрт нь өндрөөс өндөр амжилт, амьдралд нь сайн сайхан бүхнийг хүсэн ерөөе!
| Компани | Ажилтны нэр | Алба нэгж | Албан тушаал |
| Монголын Залуучуудын Холбооны ХӨДӨЛМӨРИЙН АЛДАР МЕДАЛЬ | |||
| АПУ Трейдинг ХХК | Р.Алтангэрэл | Агуулах, тээвэр, түгээлтийн алба | Түгээгч |
| АПУ Трейдинг ХХК | С.Пүрэвжал | Захиргаа, хүний, нөөцийн алба | Үйлчилгээний жолооч |
| Монголын Залуучуудын Холбооны ТЭРГҮҮНИЙ ЗАЛУУ АЛТАН МЕДАЛЬ | |||
| АПУ ХК | Б.Дулмаа | Архины үйлдвэр | Савлалтын оператор |
| АПУ ХК | Б.Золзаяа | Савлалтын үйлдвэр | Хөдөлмөрийн аюулгүй байдлын ажилтан |
| АПУ ХК | Т.Цэгмэд | Агуулах, тээвэр, түгээлтийн алба | Агуулахын туслах ажилчин |
| АПУ ХК | Н.Лхагважав | Агуулах, тээвэр, түгээлтийн алба | Сэрээт ачигч машины жолооч |
| АПУ ХК | Э.Энхмэнд | Шар айргийн үйлдвэр | Оператор-Исгэлт |
| АПУ Трейдинг ХХК | Д.Бямбадорж | Худалдааны маркетингийн алба | Техникч |
| АПУ Трейдинг ХХК | Т.Батхишиг | Худалдааны маркетингийн алба | Жолооч |
| АПУ Трейдинг ХХК | Б.Энхдэлгэр | Худалдааны маркетингийн алба | Худалдааны маркетингийн ажилтан |
| АПУ Трейдинг ХХК | Г.Мөнхсайхан | Хотын борлуулалтын алба | Худалдааны төлөөлөгч |
| АПУ Трейдинг ХХК | Г.Эрдэнэбулган | Хотын борлуулалтын алба | Худалдааны төлөөлөгч |
| АПУ Трейдинг ХХК | Б.Батнасан | Агуулах, тээвэр, түгээлтийн алба | Жолооч |
| АПУ Трейдинг ХХК | Н.Номингэрэл | Агуулах, тээвэр, түгээлтийн алба | Агуулахын туслах ажилчин |
| АПУ Трейдинг ХХК | Ж.Мөнхбат | Агуулах, тээвэр, түгээлтийн алба | Агуулахын туслах ажилчин |
| АПУ Дэйри ХХК | Г.Болортуяа | Сүүний үйлдвэр | Савлах хэсгийн ахлах |
| АПУ Дэйри ХХК | Д.Чинзориг | Борлуулалтын алба | Худалдааны төлөөлөгч |
| Монголын залуучуудын холбооны ТЭРГҮҮНИЙ ЗАЛУУ ИНЖЕНЕР | |||
| АПУ ХК | М.Баньдхүү | Спиртийн үйлдвэр | Аммиак хөргөлт, даралтат хий хариуцсан инженер |
| АПУ ХК | Д.Тулга | Спиртийн үйлдвэр | Засварын инженер |
| АПУ ХК | М.Дүйнхэржав | Техник ашиглалтын алба | Сэлбэг үйлдвэрлэлийн инженер |
| АПУ ХК | Б.Оюунсайхан | Хөдөлмөрийн аюулгүй байдлын хэсэг | Хөдөлмөрийн аюулгүй байдал, эрүүл ахуйн менежер |
| АПУ ХК | Б.Бат-Орших | Техник ашиглалтын алба | Засвар үйлчилгээ хариуцсан инженер |
| Хүнс, хөдөө аж ахуйн хөнгөн үйлдвэрийн яамны ЖУУХ БИЧИГ | |||
| АПУ ХК | Г.Отгонбаяр | Архины үйлдвэр | Савлалтын оператор |
| АПУ Дэйри ХХК | Г.Оюунсар | Сүүний үйлдвэр | Технологич |
| АПУ Дэйри ХХК | М.Амаржаргал | Сүүний үйлдвэр | Боловсруулах хэсгийн ахлах |
| Спирт Бал Бурам ХХК | Д.Дагвацэрэн | Техник ашиглалт | Гагнуурчин |
| Спирт Бал Бурам ХХК | Б.Одбаяр | Техник ашиглалт | Засварчин |
| Спирт Бал Бурам ХХК | С.Чулуунбаатар | Техник ашиглалт | Ашиглалтын оператор |
| Спирт Бал Бурам ХХК | И.Насанбат | Савлагаа | Савлалтын оператор |
| Спирт Бал Бурам ХХК | Д.Мөнх-Алим | Савлагаа | Чанар шалгагч |
| Спирт Бал Бурам ХХК | А.Амартүвшин | Архи үйлдвэрлэл | Исгэлт чаналгын оператор |
| Спирт Бал Бурам ХХК | Д.Төгсжаргал | Архи үйлдвэрлэл | Үр тариа боловсруулах оператор |
| Спирт Бал Бурам ХХК | Т.Одонтуяа | Чанарын удирдлага хяналтын алба | Чанарын удирдлага хяналтын менежер |
| Спирт Бал Бурам ХХК | Б.Ундармаа | Захиргаа хүний нөөц | Захиргааны ажилтан |
| Спирт Бал Бурам ХХК | Б.Гантулга | Захиргаа хүний нөөц | Аюулгүй байдлын ажилтан |
| Азиа Пасифик Брюэри ХХК | С.Лхагвадорж | Агуулах, тээвэр, түгээлт | Сэрээт ачигч машины жолооч |
| Азиа Пасифик Брюэри ХХК | Э.Батболор | Агуулах, тээвэр, түгээлт | Сэрээт ачигч машины жолооч |
| Азиа Пасифик Брюэри ХХК | Б.Сүрэнжав | Агуулах, тээвэр, түгээлт | Агуулахын туслах ажилчин |
| Азиа Пасифик Брюэри ХХК | Т.Баярхүү | Техник ашиглалт | Засварын хэсгийн ахлах |
| АПУ Трейдинг ХХК | А.Чүггарав | Агуулах, тээвэр, түгээлтийн алба | Агуулахын туслах ажилчин |
| АПУ Трейдинг ХХК | А.Наранхүү | Орон нутгийн борлуулалтын алба | Худалдааны төлөөлөгч |
| АПУ Трейдинг ХХК | Р.Мөнхбаяр | Орон нутгийн борлуулалтын алба | Худалдааны төлөөлөгч |
| АПУ Трейдинг ХХК | Х.Золбаяр | Орон нутгийн борлуулалтын алба | Худалдааны төлөөлөгч |
| АПУ Трейдинг ХХК | Б.Чимэдцэеэ | Орон нутгийн борлуулалтын алба | Худалдааны төлөөлөгч |
| АПУ Трейдинг ХХК | Х.Баттулга | Агуулах, тээвэр, түгээлтийн алба | Сэрээт ачигч машины жолооч |
| АПУ Трейдинг ХХК | М.Сүнжидмаа | Хотын борлуулалтын алба | Борлуулалтын ахлах ажилтан |
| АПУ Трейдинг ХХК | М.Наранзаяа | Хотын борлуулалтын алба | Худалдааны төлөөлөгч |
| Зам тээвэр хөгжлийн яам ЖУУХ БИЧИГ | |||
| АПУ Трейдинг ХХК | Д.Бат-Орших | Агуулах, тээвэр, түгээлтийн алба | Авто инженер |
| АПУ Трейдинг ХХК | Б.Бямбаа | Агуулах, тээвэр, түгээлтийн алба | Орон нутгийн тээврийн жолооч |
| АПУ Трейдинг ХХК | Д.Пүрэвжав | Агуулах, тээвэр, түгээлтийн алба | Автозасварчин |
| АПУ Трейдинг ХХК | Т.Лхагвасүрэн | Агуулах, тээвэр, түгээлтийн алба | Орон нутгийн тээврийн жолооч |
| Эрчим Хүчний Яамны ЖУУХ БИЧИГ | |||
| АПУ ХК | Я.Бямбаа | Спиртийн үйлдвэр | Цахилгааны инженер |
| Тээврийн цагдаагийн албаны Осолгүй манлай жолооч | |||
| АПУ ХК | С.Булганбаатар | Захиргааны алба | Захиргааны жолооч |
| АПУ ХК | Б.Нямдорж | Захиргааны алба | Захиргааны жолооч |
| Хүнс, хөдөө аж ахуй хөнгөн үйлдвэрийн яамны ТЭРГҮҮНИЙ АЖИЛТАН цол тэмдэг | |||
| АПУ ХК | С.Сугирмаа | Агуулах, тээвэр, түгээлтийн алба | Бараа материалын нөөц хариуцсан ажилтан |
| Спирт Бал Бурам ХХК | Ц.Цэцэгээ | Савлагаа | Шугамын ажилчин |
| Спирт Бал Бурам ХХК | Д.Даваасүрэн | Архи үйлдвэрлэл | Исгэлт чаналгын оператор |
| АПУ Трейдинг ХХК | Б.Золжаргал | Хотын борлуулалтын алба | Борлуулалтын ахлах ажилтан |
| Зам тээвэр хөгжлийн яам ТЭРГҮҮНИЙ АЖИЛТАН цол тэмдэг | |||
| АПУ Трейдинг ХХК | Б.Намхайдагва | Захиргаа, хүний нөөцийн алба | Үйлчилгээний жолооч |
| Монгол улсын Төрийн дээд шагнал ХӨДӨЛМӨРИЙН ХҮНДЭТ медаль | |||
| АПУ Трейдинг ХХК | Д.Лхагвасүрэн | Санхүү бүртгэлийн алба | Ахлах нягтлан бодогч |
| Монгол улсын Төрийн дээд шагнал АЛТАНГАДАС одон | |||
| АПУ Трейдинг ХХК | Д.Бямбацогт | Агуулах, тээвэр, түгээлтийн алба | Агуулах хариуцсан ахлах менежер |
Эдийн засагт “National Champions” гэдэг ойлголт байдаг. Улсынхаа хөгжлийг түүчээлэн, эдийн засгийн гол ачааг нуруун дээрээ үүрч явдаг үндэсний үйлдвэрлэгчдийг хүндлэн ингэж нэрлэдэг. Монгол Улсын хүнсний ууган үйлдвэрлэгч, 95 жилийн түүхтэй АПУ компани өдгөөгөөс яг хоёр жилийн өмнө 154 жилийн түүхтэй алдарт HEINEKEN компанийн Монгол дахь эзэмшлийн компаниудыг өөртөө нэгтгэж байв. Ингэснээр Монгол Улсын шингэн хүнсний салбарыг тодорхойлогч бус чиглүүлэгч компанийн суурийг тавьж, олон улсын зах зээлд гарах хүчирхэг нэгдлийг бий болгосон. Энэхүү нэгдэл нь Хөрөнгийн бирж дээр хамгийн өндөр буюу Монголын хамгийн анхны их наяд төгрөгийн үнэлгээтэй олон нийтийн компанийн эхлэлийг тавьсан билээ.
Дэлхийн дэвжээнд Монголын нэрийг тамгалах төгс үүрэг хариуцлагатай, төгөлдөр бүтээгдэхүүний нэгдэлтэй, тунгалаг орон зайтай АПУ компани сүүлийн жилүүдэд олон арван сая ам.доллар зарцуулан Хойд Америк, Европ, Азийн зах зээлийг судалсны үндсэн дээр ОХУ-ын зах зээл рүү нэвтрэх стратегиа энэ жилээс эрчимжүүлээд байна. Хэдийнээ Оросын 17 хотын 200 гаруй цэгүүдээр борлуулалтаа хийж эхэлсэн АПУ компани сар хүрэхгүй хугацааны өмнө ОХУ-ын Улаан-Үд, Иркутск, Красноярск хотуудад экспортын дээж болсон таван бүтээгдэхүүнээ танилцуулж, 1000 гаруй хүндэт зочдод үндэсний үйлдвэрлэлийн охь, Монгол брэндийг сурталчиллаа.
Дэлхийн таван тивд экспорт хийх нь “АПУ” ХК-ийн стратегийн үндсэн чиглэл бөгөөд удахгүй Хятад руу том масштабаар гарч, Монгол гэдэг брэндийг дэлхийн хамгийн том зах зээл дээр үүсгэнэ. Энэ том амжилтын эзэн нь Монгол хүн та байх бүрэн боломжтой бөгөөд үргэлж нээлттэй. Учир нь АПУ компани Монголын хөрөнгийн бирж дээр бүртгэлтэй, олон улсын төвшинд дэлхийн гигантуудтай стратегийн түншлэлийг хэрэгжүүлж буй, Монгол брэндийг дэлхийд таниулах алсын хараатай, хувийн хэвшлийн түүчээ болсон үндэсний ууган үйлдвэрлэгч юм.
АПУ компани үндэсний соёл уламжлал, Монголын нэр хүндийг дэлхийд таниулан ажлаа зогсолтгүй хийх бөгөөд төлөвлөгөө ёсоор 12 сарын 05-нд Казань хотод “Монголын Нэг Өдөр” арга хэмжээг зохион байгуулах бэлтгэл ажил эхэлсэн. Энэхүү арга хэмжээнд нэр хүндтэй томоохон зочид оролцохоо урьдчилан баталгаажуулаад байна.
APU компанийн 95 жилийн ойг тохиолдуулан ахмад, дунд, залуу үеийг холбосон олон талт ажлуудыг зохион байгуулан хэрэгжүүлж байна.
Уг ажлын хүрээнд тус компанийн ахмад ажилтан, анхны “Спортын мастер”, “Олон улсын хэмжээний мастер” Лувсандоржийн Дагийсүрэнгийн нэрэмжит “Сагсан бөмбөгийн аварга” шалгаруулах тэмцээн МҮЭ -ийн соёлын төв ордны “Тэмүүжин” спорт зааланд 11 сарын 2,3-ны өдрүүдэд хоёр хоног “Спрайт” лигийн дүрмээр явагдаж амжилттай болж өндөрлөлөө. Нийт эрэгтэй, эмэгтэй 16 баг оролцон хурд хүч, ур чадвар, хүч тэнцүү өрсөлдөн тоглож:
Эрэгтэй багийн төрөлд
1. Avengers баг
2. Eden баг
3. Aurug баг
Эмэгтэй багийн төрөлд
1. Сэнгүр баг
2. Төгс хараа баг
3. Сайн багууд тус тус тодорлоо.
Шилдэг довтлогч эмэгтэй тамирчнаар – Савлалтын үйлдвэрийн ХАБЭА -н ажилтан Б.ЗОЛЗАЯА
Шилдэг довтлогч эрэгтэй тамирчнаар – Худалдааны төлөөлөгч Х.БИЛЭМБЕК
Ахмадын хорооны шагналаар – Архины үйлдвэрийн оператор Б.САНЖААНЯМ нар шагнагдлаа.
Нийт оролцсон баг тамирчид болон хүрэлцэн ирж хөгжөөн дэмжсэн хамт олон та бүхэндээ талархал дэвшүүлье!
АПУ компанийн Захиргаа, Үйлдвэрчний Эвлэлийн Хороо, Ахмадын Хороо
Шунхлай группийн хэмжээнд хүний нөөцийн ажилтан, удирдлага хамт олноо шагнаж урамшуулах, ололт амжилтаа дүгнэх, мэдлэг туршлагаа хуваалцах зорилготой “ХҮНИЙ НӨӨЦИЙН АЖИЛТНЫ ӨДӨР”-ийг тохиолдуулан баярын арга хэмжээг зохион байгуулсан юм.
Уг арга хэмжээний үеэр АПУ Групп компанийн Захиргаа, Хүний нөөц эрхэлсэн захирал Ш.Дөлгөөн, Цалин хөлс хөнгөлөлт хангамж хариуцсан менежер Д.Энхчимэг нарыг Монгол улсын хөдөлмөр нийгэм хамгааллын яамны “Хүндэт жуух бичиг”-ээр тус тус шагнаж урамшуулсан бөгөөд мөн “Шилдэг төсөл” номинацид “Захиргаа, Хүний нөөцийн газар”-ын санаачлан хэрэгжүүлсэн “PEOPLE LEADER” төсөл шалгарсан баярт мэдээг дуулгахад таатай байна. Та бүхэндээ АПУ Групп компанийн нийт хамт олны нэрийн өмнөөс халуун баяр хүргэж, цаашдын ажил үйлс, хөдөлмөрт нь өрнүүн их амжилтыг хүсэн ерөөе!
Дэлхийн дэвшилтэт технологи ашиглан, олон улсын стандартад нийцсэн шинэ өнгө, төрх, амт чанартай, байгальд ээлтэй савлагаа бүхий “Сайн” брэндийн сүү, сүүн бүтээгдэхүүнийг олон нэр төрлөөр үйлдвэрлэж байна. Монгол үнээний шингэн сүүг боловсруулж гаргаж авсан, эрүүл хүнсний олон улсын стандартад нийцсэн эдгээр бүтээгдэхүүн нь нэр төрөл тус бүрийн онцлогоос хамааран амин дэм, эрдэс бодисуудаар баялаг байдаг.
Жилийн турш компанийн хэмжээнд хийж хэрэгжүүлсэн ажлаа тайлагнаж, хувьцаа эзэмшигчдэдээ мэдээлэл хүргэдэг хувьцаа эзэмшигчдийн хурал товлосон өдрөө буюу 4 сарын 26-ны өдөр болсон юм. Хувьцаа эзэмшигчдийн хурал 95%-ийн ирцтэй эхэлж, нийт 4 асуудлыг хэлэлцэж шийдвэрүүдээ гаргасан билээ. Энэ жилийн хувьд АПУ ХК-ийн ТУЗ-ийн шийдвэрээр нэгж хувьцаанд 46 төгрөг буюу нийт 48,6 тэрбумын ногдол ашиг тараах болсон нь түүхэн үйл явдал бөгөөд хурлын үеэр албан ёсоор танилцууллаа. Мөн урилгаар “Монголын үнэт цаасны арилжаа эрхлэгчдийн холбоо”-ны ТУЗ-ийн дарга Б.Өлзийбаяр хүрэлцэн ирж хөрөнгийн зах зээл дээр хэрхэн амжилттай арилжаа хийх талаар маш сонирхолтой яриаг өрнүүлсэн юм. Нийт хүрэлцэн ирж идэвхтэй оролцсон хувьцаа эзэмшигчдэдээ талархал дэвшүүлье!
APU OLYMPICS 2019 СПОРТ НААДМЫН АВАРГУУДДАА БАЯР ХҮРГЭЕ!
Жил бүр уламжлал болгон зохион байгуулдаг “APU OLYMPICS” спорт наадам энэ жил <<ХАМТДАА ИЛҮҮ ХҮЧТЭЙ>> уриан доор амжилттай өрнөж аваргуудаа тодрууллаа. Спортын 7 төрлөөр 2300 ажилчдаас шигшээ 8 баг хурд хүч, тэсвэр тэвчээр, авьяас чадвараа сорин өрсөлдсөн бөгөөд шилдэг тамирчдаа алдаршуулсан билээ.
ЭРЭГТЭЙ САГСАН БӨМБӨГИЙН ТӨРӨЛ
Алт Avengers
Мөнгө Сэнгүр
Хүрэл Төгс Хараа
ЭМЭГТЭЙ САГСАН БӨМБӨГИЙН ТӨРӨЛ
Алт Сэнгүр
Мөнгө Болор
Хүрэл Төгс Хараа
ШИЛДЭГ САГСАН БӨМБӨГИЙН ТАМИРЧИН
Болор багийн Б.Саранчимэг Сэнгүр багийн Д.Гансүх
ЭРЭГТЭЙ ВОЛЕЙБОЛЫН ТӨРӨЛ
Алт Төгс Хараа
Мөнгө Сайн
Хүрэл Болор
ЭМЭГТЭЙ ВОЛЕЙБОЛЫН ТӨРӨЛ
Алт Төгс Хараа
Мөнгө Сайн
Хүрэл Ауруг
ШИЛДЭГ ТАМИРЧИН
Төгс Хараа багийн Б.Эрдэнэбат Сайн багийн Б.Бямбадолгор
ШИЛДЭГ ХӨГЖӨӨН ДЭМЖИГЧ БАГ
Сайн багийн дэмжигчид
Нийт багийн дүнгээр:
Захиргааны нэгдсэн “Болор” баг аваргын цомоо хадгалсан бол “Спирт Бал Бурам ХХК”-ийн “Төгс Хараа” баг удаалж гуравдугаар байранд Шар айрагны үйлдвэрийн нэгдсэн “Сэнгүр” баг тус тус шалгарлаа.
Нийт оролцсон баг тамирчдадаа халуун баяр хүргэж цаашдын ажил үйлсэд нь өрнүүн их амжилтыг ерөөе!
Хүнсний үйлдвэрлэлийн эхлэл суурийг тавьсан Хүнсний манлай үйлдвэр АПУ хувьцаат компани Монголын баг сумдын үндэсний холбоотой хамтран үйлдвэртэй танилцах аяныг 4-р сарын энэ өдрүүдэд зохион байгуулж байгаа билээ. Энэ үйл ажиллагаанд Хан-Уул дүүргийн 9,10,14,16 –р хорооны иргэд хамрагдаж
Хүнсчдийн Холбооноос жил бүр зохион байгуулдаг “Хүнсчдийн Алдар 2019” спорт наадам 3 сарын 28-ний өдрөөс 29-ний өдрүүдэд Буянт Ухаа спорт ордонд амжилттай зохион байгуулагдлаа. Энэ жилийн хувьд спортын 4 төрлөөр оюун ухаан, хурд хүчээ уралдуулан өрсөлдөж багийн нийт дүнгээр АПУ Группын нэгдсэн баг амжилттай оролцож аваргын цомыг өргөсөн билээ.
Багийн үзүүлсэн амжилт:
Сагсан бөмбөг эрэгтэй төрөлд мөнгөн медаль, эмэгтэй алтан медаль;
Гар бөмбөгийн төрөлд эрэгтэй дөрөвдүгээр байр, эмэгтэй дөрөвдүгээр байр;
Дартс төрөлд эрэгтэй алтан медаль, эмэгтэй алтан медаль;
Ширээний теннис төрөлд эрэгтэй мөнгөн медаль, эмэгтэй мөнгөн медаль;
Шилдэг эмэгтэй сагсан бөмбөгчинөөр Ус ундааны үйлдвэрийн ажилчин Б.Золзаяа шалгарсан юм.
Нийт оролцсон баг тамирчдадаа хамт олны нэрийн өмнөөс ажлын болон спортын өрнүүн их амжилтыг хүсэн ерөөе!
АПУ ХК-ийн хувьцаа эзэмшигчдийн ээлжит хурал 2019 оны 04 дүгээр сарын 26-ны өдрийн 14:00 цагт Улаанбаатар хот, Хан-Уул дүүрэг, 15 хороо, Махатма Гандийн гудамж 39, Корпорейт Хотел энд Конвеншн Цэнтрийн 4 давхарт байрлах Концертын танхимд болох тул хувьцаа эзэмшигчид Та бүхнийг хүрэлцэн ирэхийг урьж байна.
Хурлаар дараах асуудлыг хэлэлцэн шийдвэрлэнэ. Үүнд:
Хувьцаа эзэмшигчдийн хурлын бүртгэл явагдах цаг: 13:00-13:59
Хувьцаа эзэмшигчдийн хурал эхлэх цаг: 14:00
Хурлын бүртгэлийн өдөр: 2019.04.04
Хувьцаа эзэмшигч та хурлын бүртгэлийн өдрийн байдлаар компанийн хувьцааг эзэмшиж байгаа тохиолдолд хуралд оролцох эрхтэй хувьцаа эзэмшигчдийн бүртгэлд автоматаар бүртгэгдэх болно.
Хувьцаа эзэмшигч та бүхэн биечлэн эсхүл итгэмжлэгдсэн төлөөлөгчөөрөө дамжуулан хуралдаа оролцож болох ба брокер дилерийн компаниудаар дамжуулан санал авах хуудсаар саналаа урьдчилж өгөх боломжтой. Санал авах хуудсаар санал авах сүүлчийн хугацаа 2019 оны 04 дүгээр сарын 26-ны өдрийн 14:00 цагт дуусна.
Хурлын талаар дэлгэрэнгүй мэдээлэл, хувьцаа эзэмшигчийн танилцаж болох мэдээллийг компанийн байранд ирж болон дараах хурал зохион байгуулах комиссын утсаар холбоо барьж авна уу.
| № | Нэрс | Утас | Цахим хаяг |
| 1 | Х.Батжаргал | 344837 | batjargal.kh@www.apu.mn |
| 2 | Ч.Ариунсан | 344336-338 | ariunsan.ch@www.apu.mn |
| 3 | Б.Эрдэнэтуяа | 344336-432 | erdenetuya.b@www.apu.mn |
| 4 | Э.Солонго | 344837-321 | solongo.e@www.apu.mn |
| 5 | Б.Мягмар | 344336-338 | myagmar.b@www.apu.mn |
Ажиллах цагийн хуваарь: Ажлын өдрүүдэд 10:00–17:00 цагийн хооронд ажиллана.
Компанийн хаяг: Улаанбаатар хотын Хан-Уул дүүрэг, 2-р хороо, Чингисийн өргөн чөлөө, Өөрийн байр
Утас: 344336
Факс: 343063
Имэйл: info@www.apu.mn
Хурлаас гарах шийдвэрийн төслийг https://www.apu.mn/media/apu/co… холбоосоор үзнэ үү.
ХУРАЛ ЗОХИОН БАЙГУУЛАХ КОМИСС
АПУ Группийн хамт олны 40 гаруй хувийг бүсгүйчүүд эзэлдэг бөгөөд жил бүрийн 3 сарын 8-ны өдөр буюу ОУ-ын эмэгтэйчүүдийн эрхийг хамгаалах өдрийг тохиолдуулан нийт бүсгүйчүүдээ баярлуулдаг уламжлалтай юм. Өнгөрсөн жил “Улсын Драмын Эрдмийн театр”-т нэрт зохиолч Э.Оюуны зохиолоос сэдэвлэсэн “Би эндээс явахгүй” жүжгийг өргөн барьж байсан бол энэ жил “Дуурь Бүжгийн Эрдмийн Театр” болон “Соёлын Төв Өргөө”-ний хамт олонтой хамтран “Сонгодог Урлагийн Гала концерт” -ыг бүсгүйчүүддээ зориулан толилууллаа.
Тоглолт ид дунд өрнөж Монгол сонгодогуудаар үргэлжилсэн. Уран хас балет үзэгчдийг шагшуулж, Ээждээ, Бүүвэй Ээж, Ээжийнхээ ачийг яалаа даа, Аав ээж хоёр минь дуунууд бүсгүйчүүдийн сэтгэлийн утсыг хөндөж зарим нэг нь нулимсаа арчиж буй харагдсан. Тоглолтын төгсгөлд Монголын тал нутаг хэмээх бахархал болсон дууг Улсын Дуурь Бүжгийн Эрдмийн Театрын гоцлол дуучид, найрал дуучид, симфони найрал хөгжмийн хамтаар дуулж ёстой л нэг урлагийн дээж болсон тоглолтод сэтгэл нь ханасан үзэгч бүсгүйчүүд алга ташсаар өндөрлөсөн билээ. Ажилчдаа нэг өдөр ч болов ажил, гэр бүлийн орчноос түр холдуулж урлагаар дамжуулан гоо зүй, амьдралын бас нэгээхэн гайхалтай цаг хугацаагаа хамтдаа өнгөрүүлэх боломжийг олгодгоороо энэхүү арга хэмжээ онцлогтой юм. Бидний урилгыг хүлээн авч хүрэлцэн ирсэн нийт бүсгүйчүүддээ амьдралд нь аз жаргал, энэ хорвоогийн хамгийн сайн сайхан бүхнийг хүсэн ерөөе!
АПУ ХК-ийн Төлөөлөн удирдах зөвлөлийн 2019 оны 02-р сарын 19-ний өдрийн 19/02 тоот тогтоолоор 2018 оны бизнесийн үйл ажиллагааны үр дүнг харгалзан нэгж хувьцаанд 46 (дөчин зургаа) төгрөг, нийт 48,896,838,178 төгрөгийн ногдол ашиг хуваарилахаар шийдвэрлэлээ.
Төлөөлөн удирдах зөвлөлийн ажлын алба
Жил бүр уламжлал болгон зохион байгуулдаг АПУ Групп компанийн нэгдсэн золголт Шороон Гахай жилийн босгон дээр хаврын тэргүүн сарын Дашнямтай билэгт сайн өдөр ёслол төгөлдөр болж өнгөрлөө. Ахмадуудаа дээдлэж, хүндэтгэл үзүүлдэг Сар шинийн баяраар АПУ-чууд алд цэнхэр хадгаа дэлгэн золгож, хөөрөг юугээ зөрүүлэн, ерөөлийн үгсийг хэлэлцэж, үдсэн Нохой жилийн ололт амжилтаа ярилцаж, угтан золгож буй Гахай жилдээ хийж хэрэгжүүлэх ажлуудаа бие биентэйгээ хуваалцлаа. Та бүхэн ирж буй жилдээ эрүүл саруул, элбэг хангалуун, эрч хүчээр дүүрэн байж зорьсон зорилгоо биелүүлэхийг хүсэн ерөөе!
XVII жарны “урвуулагч” хэмээх шороон Гахай жилийн босгон дээр Монгол улсын ууган үйлдвэрлэгч АПУ ХК-ийн хамт олны дундаас Шар айрагны үйлдвэрийн технологийн хэсгийн ахлах Б.Туваансүрэн Хөдөлмөрийн хүндэт медалиар, Шар айрагны үйлдвэрийн технологийн оператор Н.Нарантуяа болон Шил угаалгын үйлдвэрийн ажилтан Ш.Батзул нар Алтангадас одонгоор тус тус шагнагдаж энгэрээ мялаалгалаа. Төрийн дээд одон медалиудаар шагнагдсан хүндэт ажилчдадаа нийт хамт олныхоо нэрийн өмнөөс баяр хүргэж, цаашдын ажил хөдөлмөрт нь амжилтын дээдийг гэр бүлд нь аз жаргал сайн сайхан бүхнийг хүсэн ерөөе!
Соёлын төв өргөөний их танхимд АПУ Групп компанийн НЭГ ГЭР БҮЛ нэгэн тоонон дор цугларч, улиран одож буй 2018 оныхоо ололт амжилтаа дүгнэж, цаашдын зорилго зорилт, бодлого чиглэлээ тодорхойлсон НЭГДСЭН ЧУУЛГАН амжилттай болж өндөрлөлөө. Энэхүү чуулган нь шингэн хүнсний салбарт хүчирхэг нэгдлийг хийснээс хойш даруй нэг жилийг ардаа үдэж, анхны үр дүнгээ хэлэлцсэн түүхэн арга хэмжээ болсон юм.
Алтан соёмбот тугаа хоймортоо гэрэлтүүлж, Бүх Цэргийн Дуу Бүжгийн Эрдмийн чуулгын найрал дуучдын хамтаар төрийн сүлд дуугаа хүлээн авснаар нээлтийн арга хэмжээ ёслол төгөлдөр эхэлсэн бөгөөд АПУ ХК-ийн ТУЗ-ийн дарга, Шунхлай Группын Ерөнхийлөгч П.Батсайхан болон АПУ ХК-ийн Гүйцэтгэх захирал Ц.Эрдэнэбилэг нар мөн энэ үеэр хамт олондоо хандан амжилт ерөөж, урам зориг нэмсэн үгээр мэндчилсэн билээ.
Үүний дараа нийт 2270 ажилчинтай өнөр өтгөн гэр бүлийн жилийн турш хийсэн бүтээсэн бүхнийг эмхтгэн газар албадын чиглэл хариуцсан захирлууд тайлангаа танилцуулсан юм.
2018 оны хийж хэрэгжүүлсэн ажлуудыг товч дурдвал:
• Монгол улсын ТОП 100 аж ахуй нэгжийг шалгаруулах шалгаруулалтад АПУ Групп компанийн 5 охин компани шалгарсан.
• АПУ компани сүүлийн таван жилийн хугацаанд 1 их наяад гаруй төгрөгийн татварт төлж улсын төсөвт төвлөрүүлснээс 2018 онд 260 гаруй тэрбум төгрөгийн татвар улсдаа төлжээ.
• 21 аймгийн 300 гаруй хоёрдогч түүхий эд авах цэгээр дамжуулан бүтээгдэхүүний хаягдал шил, лонхыг цуглуулан, угаан ариутгаж үйлдвэрлэлийн эргэлтэд оруулан дахин ашиглаж байна.
• 2018 оны эхний 11 сарын байдлаар 11,789 тонн саарал усыг дахин ашиглаж, цахилгааны хэрэглээг 27% хэмнэсэн үзүүлэлттэй ажиллалаа.
• Хөдөлмөр, Хамгаалал Аюулгүй ажиллагааг сайжруулахад 500 сая төгрөгийн хөрөнгө оруулалт хийсэн.
• Чанарын удирдлагын тогтолцоо ISO-9001, Байгаль орчинд ээлтэй үйлдвэрлэлийн удирдлагын тогтолцоо ISO 14001 стандартыг баталгаажуулж, Хүнсний аюулгүй байдлын баталгаажуулалтын тогтолцооны сүүлийн шинэчилсэн хувилбар болох FSSC 22000 (ISO22000 + PAS 220 (ISO22002-1)) стандартыг “SGS Group”-ээр хөндлөнгийн аудитын шалгалт хийлгэн, итгэмжлэлээ дахин баталгаажууллаа.
• Брэнд бүтээгдэхүүнүүдээ Орос, Хятад, Солонгос, Япон, Швейцар, Герман, Итали улсууд руу экспортолсон амжилт бүтээлийн цувааг үргэлжлүүлэн шинэ оноо угтаж байна.
• Бүх ажиллагсдын дунд “Хамаг Монгол” урлагийн наадам, “АПУ Олимп” Спортын наадмуудыг амжилттай зохион байгуулсан.
гэх мэт олон арван ажлуудыг хийж гүйцэтгэн, үр дүнгээ хэлэлцэж “ОНЫ ШИЛДЭГ” -үүдээ мөн тодрууллаа. Энэ жилийн хувьд оны шилдэг ажилтан, оны шилдэг худалдааны төлөөлөгч, оны шилдэг менежер, оны шилдэг манлайлагч зэрэг шагналуудыг гардуулан, ажилчдаа алдаршуулсан бөгөөд шилдэг төслөөр “Борлуулалт ба үйл ажиллагааны төлөвлөлтийн төсөл” шалгарсан билээ.
Энэ ташрамд нийт АПУ Группийн хамт олондоо болон шилдгээр шалгарсан ажилчдадаа халуун баяр хүргэж, айлчлан ирж буй ондоо амжилтын буухиагаа үргэлжлүүлж, аяны богц арвин байхыг хүсэн ерөөе!
Соёлоороо гоёдог APU-чууд өв соёлоо түгээн дэлгэрүүлэх, сурталчлан таниулах зорилгоор “Хамаг Монгол” язгуур урлагийн наадмыг уламжлал болгон зохион байгуулдаг билээ. Энэ жилийн хувьд Засгийн газрын хэрэгжүүлэгч агентлаг “Соёл, урлагийн газар” -тай хамтран Монгол улсын дөрвөн зүг найман зовхист аж төрж буй ястнуудын онцлог, зан заншлын тухай судлаачдын багийн туслалцаатайгаар өргөн бүрэлдэхүүнтэй
“-Нэг гэр бүл, Нэг зорилго уриатай APU-чууд өнөөдөр язгуур өв соёлоо дээдлэн аливаа үндэстний дархлаа болсон соёлоо танин мэдэж, зан заншлаа авч үлдэх хариуцлагатай үед өөрсдийн хувь нэмрээ оруулж байгаа явдалд талархаж байна”
АПУ ХК-ийн гүйцэтгэх захирал Ц.Эрдэнэбилэг
“Та бүхний анхлан санаачилсан Хамаг Монгол наадам нь үндэсний үйлдвэрлэгчдийн дунд үлгэрлэн дуурайж цаашид олон арван компаниудад давлагаалан Монгол хүн бүрийг уриалах наадам болоосой гэж хүсч байна. Та бүхэнд баярлалаа”
Соёл, урлагийн газрын дарга Г.Эрдэнэбат
Нийт 8 багийн 200 гаруй ажилчид ястан бүрт хуваагдан өрсөлдсөн бөгөөд тухайн ястны өвөрмөц зан заншил, тоглоом наадгай, дуу бүжиг, идээ ундаа гэх мэт соёлын биет болон биет бус өвийг судлан суралцаж, өөрсдийн хичээл зүтгэл, авьяас билгээ зориулан UB Palace-ийн концертын их танхимд тоглолтуудаа тавьж, үзэгч олныг бишрүүлэн халуун алга ташилт дор энэ жилийн Хамаг Монгол наадам шилдгүүдээ тодруулж амжилттай өндөрлөсөн юм.
Хамтран ажилласан байгууллагууд, оролцсон баг хамт олон, морилон саатсан үзэгч олон та бүхний оюуны мэлмий үргэлжид гийж, урлагийн Янжинлхам бурхан үргэлж ивээх болтугай!
APU Company-ийн “Эф Си Улаанбаатар” хөлбөмбөгийн шигшээ баг 18-р тойргийн өрсөлдөгч “Улаанбаатар сити” багийг 5:0 -ийн харьцаатайгаар ялж “Мазала” үндэсний дээд лигийн мөнгөн медаль хүртлээ! Баг тамирчиддаа нийт хамт олныхоо нэрийн өмнөөс халуун баяр хүргэе!
