АПУ ХК (MSE:APU)-ийн Төлөөлөн Удирдах Зөвлөлийн 2024 оны 08 дугаар сарын 01-ний өдрийн 24/16 тоот тогтоолоор 2024 оны нэгдүгээр хагас жилийн санхүүгийн үр дүнг харгалзан нэгж хувьцаанд ₮55 (тавин таван төгрөг)-ийн ногдол ашиг хуваарилахаар шийдвэрлэв.
Ногдол ашиг авах эрхтэй хувьцаа эзэмшигчдийн жагсаалт гарах бүртгэлийн өдрийг 2024 оны 08 дугаар сарын 20-ны өдрөөр тогтоож, ногдол ашгийг 2025 оны 02 дугаар сарын 10-ны өдрийн дотор төлөхөөр тогтлоо.
ТУЗ-ийн ажлын алба
Уламжлал, өв соёлоо орчин үеийн дэвшилтэт технологитой хослуулсан бүтээмжид суурилсан хөдөлмөр хөнгөвчлөх технологийг нэвтрүүлэх замаар сүү, сүүн бүтээгдэхүүний чанарыг нэмэгдүүлэх, малчдыг тогтмол орлоготой болгоход хувь нэмрээ оруулах зорилготойгоор “Монгол Сарлаг – Гэр Үйлдвэрлэл” төслийг 2022 онд санаачлан хэрэгжүүлж эхэлсэн. Улмаар сарлагийн мал аж ахуй, түүний онцлог шинж чанар, өрхийн үйлдвэрлэлийн боломжийг үнэлэх, саалийн гарц, чанарыг нэмэгдүүлэх, малчдын хөдөлмөр хөнгөвчлөх зорилгоор Гэр үйлдвэрлэл төслийн 1.0 шатанд Монгол сарлаг төслийн ТЭЗҮ-г боловсруулсан.
Монгол үндэстний гайхамшигт өв соёлыг ямагт амьд байлгаж, хойч үедээ өвлүүлэн үлдээхэд АПУ ХК өөрийн бизнесийн практик, хамтын ажиллагаа, нөөц боломжоо бүрэн ашиглана.
Эх дэлхий, байгаль орчинд үлдээж буй ул мөрөө багасгахын тулд сэтгэлгээний хэвшмэл хязгаарыг давж, сэтгэл зүтгэл гарган, өвөг дээдсийнхээ хадгалан үлдээсэн байгаль экологийн тэнцвэрийг идэвхтэй хамгаална.
Хамт олон, бусад гол оролцогч талууд маань хөгжиж дэвших боломж бүхий Монгол гэр бүлийн үнэт зүйлд нийцүүлсэн ажлын орчныг хөгжүүлснээрээ манлайлагч ажил олгогч болно.
Өдөр тутмын амьдрал болон хэрэглээнд эрүүл сонголтуудыг сэдэлжүүлж, боломжийг нэмснээр Монгол мөн чанар шингэсэн зохистой амьдралын хэв маягийг дэвжээнэ.
Монголын нээлттэй хувьцаат компаниудын дунд байгаль орчин, нийгэм, засаглалын нөлөөллөөрөө жишиг байгууллага байна.
Сэлэнгэ аймгийн Мандал суманд Спирт Бал Бурам ХХК 50 дахь жилдээ үйл ажиллагаа явуулж буй бөгөөд энэхүү 50 жилийн ойн босгон дээр Монгол улсдаа хүчин чадлаараа хамгийн томд тооцогдох Европын Холбооны стандартыг бүрэн хангасан байгаль орчинд ээлтэй тоног төхөөрөмжөөр бүрэн тоноглогдсон шинэ үйлдвэрээ ашиглалтад орууллаа. 2016 оноос хойш хийсэн судалгаанд Монгол улсад нийт 3000 тонн буюу нийт 102 тэрбум төгрөгийн бяслагийг гаднын улс орнуудаас импортоор оруулж ирдэг бөгөөд тэдгээр импортын бяслагийн дийлэнх нь дуураймал буюу аналог бяслаг байдаг төдийгүй сүүний орц бага, хүнсний нэмэлт бүтээгдэхүүн ихээр ашиглагдсан байдаг.
